Baraya, Kailhaman ku obrolan Kang MH jeung Teh D perkara basa Sunda di luhur, kuring rek nyoba nguseupan ideu deui.
Ari basa Sunda bisa teu disebut bsa ilmiah, atawa... aya kitu basa Sunda versi ilmiah. Anu ceuk kang MH mah basa anu disebut 'alat bedah' tea? Ceuk kuring mah SUWUNG euy. Sabab na? 1. Basa Sunda (BS) nepi ka danget kiwari ngan UKUR dipake dina raraga komunikasi personal. Komunikasi jang nyambungkeun rasa. 2. Dina sajarah kabasan BS, taya bukti yen BS pernah dipake jang nuliskeun hiji hal sacara obyektif, dina raraga panalungtikan ilmiah. Eta dua kaayaan kabasan BS anu disebut di luhur teh dibalukarkeun: a. Urang Sunda teu pernah diajar basa na sacara akademis. Dina harti, iraha urang Sunda (boh SD, SMP, SMA) meunang pelajaran MAKE basa SUnda sacara ajeg? b. Ku kitu na, urang teu boga kabiasaan nulis jeung ngomong dina BS perkara saluareun perkara pribadi. Taya kabiasaan urang Sunda nulis dina BS perkara anu obyektif. Pernah nuliis paper ilmiah dina BS? Kulantaran kitu, coba usahakeun jeung bisasakeun nulis dina ieu forum (perkara naon we lah da kaci!)dina bsa Sunda. Teu kudu kagok atawa era, anu penting mah biasakeun nulis dina BS. Tip ti kuring, coba pake basa panengah ngarah teu kagok! Susuganan ieu teh mangrupa salah sahiji upaya jang ngilmiahkeun basa indung urang. baktos, Rahman
