Gabiriak:
Baina gauza bat garbi esan behar da: Bilbo gero eta politagoa da. Hori
ezin dau ukatu kritikoenak be.
Abandoibarrako paseoa zelan geratu dan, Guggenheim ingurua zelan dagoan,
Bilbo Zaharreko Marzana ingurua ze polit ikusten dan Erriberatik... baina
edertasun horren atzean, zikinkeria guztia alfonbrapera sartu dabe.
Marzanatik kale batera, Bilbo Zaharra eta San Frantzisko inguruan, betiko
miseria edo gehiago.
(...) Hiri barri bat, lehengo hiria guztiz ahaztuta. (...) Alfonbrape
handi bat da Bilbo barri eder eta puta hau.
Bueno. Bilbo berri eta distiranteko zati bat ezagutu dot nik... eta, enfin,
ez da izango kontzientzia sozial handikoa, baina, komentatu nahi dut. Ez,
ez dut Bilbo Zaharra bisitatu (portzierto, ziber-aktibismo pixka bat han
aste honetan, katalanez gehiago euskaraz baino itxuraz:
http://www.netlach.org/ ). Asteburuan bisitatu dudana Sheraton Bilbao
hotela izan da.
Marabilla bat da. Eta lortu daitezkeen prezioetan, edozeini gomendatzeko
modukoa. Talasoak eta agroturismoak, edo minihoteltxoak modan daude, baina
bueno, prezioetan askoz harantzago joan gabe, Sheraton bisitatu daiteke.
Harantzago barik, honuntzago, segun eta zerekin konparatzen dugun.
Gaur Joxe Aranzabalek komentatzen du Aisia kateko hotel bat, Urduñakoa:
sare horretako gertuena gugandik, Deban, talaso-hotel berria, Kresala, eta
bertan habitazio bikoitza hartzea, orain web bidez ikusi dudanez, 74 euro.
Ez armosurik eta ez talasorik prezio horretan: gaua.
http://www.goiena.net/blogak/faroa/348
http://www.aisiahoteles.com/index2.php?len=3
Ba asteburua Sheratonen 70 eurotan hartu genuen. Ez joan bertara
mostradoretik halakorik hartzera, ze bertan igual 250 euroko gelak besterik
ez dizkizute emango. Baina Internetetik,
http://www.sheraton-bilbao.com/esp/ egin eta 70 euroko gelak aurkituko
dituzu. Edo pakete apur bat garestiagoak, Guggenheimeko sarrerak eta bufeta
barne.
Hori bai, bide batez, erreserba egitean esan STARWOOD PREFERRED GUEST
programan sartu nahi duzula ( http://www.spg.com ): doan da, propaganda
bidaliko dizute gero mordoa, baina bueno, beste okerrik ez.
Ba horrekin bazoaz, eta lekua badago, gela oraindik hobea emango dizute
(asteburuetan oso posiblea, ze badirudi negozioekin astegunetan beteago
dagoela hotel hau), eta Starwood bezeroen beste txorakeriak ere bai: kafea
gelara nahi duzunean (doan), eskatu batak, listerine, edozer, dena etxera.
Gero, suposatzen dut 10 Sheraton bisitatzen badituzu, 11. doan emango
dizutela edo holako zeozer. Baina hori baino lehenago ere, *klub*
horretakoa bazara, ba bentaja ederrak.
Horrez gainera, piszinatxo klimatizatua, aire librean baina estalia (6.
pisuan), gimnasioa eta sauna doan, Internet doan (gela batean bi ordenadore
bakarrik, baina asteburuetan libre samar). Piszina, lastima, konponketetan
azaroan: abendurako zabalik berriro, esan ziguten. Eta gela zoragarri
batzuk. Eraikuntza ere, ikusgarria da. 8 pisu altu den hall hutsa
barruan... bertigoa dutenentzat ez oso ona.
Euskararen aldetik, informazio gutxi, baina gauza batzuk badituzte euskaratuta.
Jatetxe bi dituzte. Ba lujo samarrekoa, baina kafetegian menu ederra 15
eurotan.
Sentitzen dut, Julen, baina benetan gomendatu beharra neukan.
Luistxo
_______________________________________________
Adi gero, mezuak bidaltzeko: eibartarrak@postaria.com
http://www.eibar.org/zerrenda
harpidetza eteteko: [EMAIL PROTECTED]
