> Pois nada, terá que ser caella (como que non?, merda, caella queda).
wep, non me aclaro con isto; e parece a cuestión bastante interesante. Penso que por 'caella' te refires a 'quenlla', porque entendo que falamos deses elasmobranquios dos que tantas pelis se fixeron. Non atopo caella nin no Rag online, nin no digalego, nin no estraviz nin no priberam (pt). Si o recolle o VOLGA e marca todas como "entradas incorrectas": caella1 f quella> cast 'calleja' caella2 f quenlla1> cebadeira caella3 f quenlla2> cast 'tintorera' interesa de aquí a terceira entrada, non é?. Leo por aí que a 'tintorera' (es) é o Prionace glauca (sp.) e en castelán peninsular e mexicano recibe os nomes de 'quella' e 'caella'. Vexo que no pt empregan 'tintureira' para este caso. 'tubarón' parece un calco do portugués 'tubarâo' (non teño a man o signo correcto, xa me entendendes) e de 'tabeirón' leo unha discusión de fai dous anos en "un idioma preciso": "i que é certo que "tabeirón" é unha forma 'propia' do galego, pero non o é menos que se trata dunha creación moderna (no TILG -www.ti.usc.es/TILG- non se recollen citas anteriores a 1972) construída coa finalidade de fuxir do emprego de "tiburón". De feito, nin na lingua mariñeira popular nin na lingua antiga se recolle tal denominación. " efectivamente, a primeira cita que se recolle no TILG é do 1972. Nunca antes. En ningún diccionario que dos que mencionei se recollen ningunha das dúas.O VOLGA non recolle estas entradas. Tiburón sería para o VOLGA un termo correcto, o estraviz non o recolle (creo). Resumo: penso que 'caella' sería castelanismo, 'tiburón' e 'quenlla' patrimoniais galegas, cada unha con diferente acepción (a quenlla e unha clase de tiburón) Alguén pode ampliar o tema?