Ola Xabier: Xabi García wrote: > > (Test de transparencia) > > Por certo, xa que estás, perdoa a invasión da intimidade gubernamental, > ¿que empresa o está a facer? ¿por que só revisades Gnome e Gaim? > O Gnome está sendo revisado pola Sociedade Cooperativa Galega de Traballo Asociado Tagen Ata Lingua e Comunicación, conxuntamente co coordinador oficial Ignacio Casal. Temos pensado rematar os traballos en febreiro.
O Gaim xa foi revisado pola empresa Reverso Servizos Lingüísticos. Actualmente estamos traballando xa na versión 2.0 por indicación do coordinador oficial. Respecto á segunda pregunta, como xa dicía noutro mail: "Ademais dos traballos de revisión que estamos facendo para o Gnome e o Gaim estamos traducindo o Thunderbird e revisando e traducindo o Firefox, así como o software Cyclos, que permite xestionar bancos de tempo on-line. En todos estes proxectos contactouse cos coordinadores oficiais ou cos tradutores principais. Nalgúns casos a resposta foi moi positiva e a colaboración xa está funcionando e noutros non recibimos resposta algunha. Asemade, estamos a facer manuais en galego para todos estes programas baseándonos nun traballo Creative Commons elaborado por Softcatalà, previa petición explícita." Saúdos. J. Arribi