Waktu kuliah baheula, aya matakuliah wajib nyaeta “Filsafat Komunikasi”. Ari
filsafat tea pan ngalatih supaya mikir atawa ‘berlogika’ anu hasil ahirna teh
neangan bebeneran. Dosenna teh urang sunda rada nyentrik, nenehna (alm)
Prof.Dr. Djajusman Tanudikusumah, SISIP, MA. Tadinya kuliah di ITB, terus
hijrah ka UI, tolab ilmi di Fakultas Hukum dan Ilmu Pengetahuan Kemasyarakatan.
Lalampahanana kawilang luar biasa oge, kungsi tolab ilmi di M.I.T.
(Massachusset Institue Technologie) Amerika Serikat. Harita mah arang langka
aya dosen UI “masantren” di MIT , komo deui dosen FISIP. Pan biasana mah MIT
the nyongcolang dina widang eksakta.
Anu diajarkeun ku sang dosen teh naon? Dongeng mitologi Yunani, sabangsaning
Odipus, anu mikaresep ka indungna, perkawinan inses tea, geuning ayeuna upama
aya lalaki anu mikaresep ka wanoja anu leuwih kolot sok disebut ‘Odipus
complex’, aya tukang ramal anu sok ditatanya ku Iocasta. Sanajan
dongeng-dongeng dina mitologi Yunani teh upama dilenyepan teu asup di akal,
tapi
cenah mitologi Yunani ieu salah sahiji palajaran wajib pikeun para
siswa/mahasiswa di nagri bule. Di yakini ku neuleuman filsafat anu aya dina
mitologi Yunani ieu, bangsa Barat maju jiga ayeuna.
(alm) Prof. Dr. Fuad Hassan, Gurubesar Fakultas Psikologi UI, asana teh pernah
nulis buku “berkenalan dengan filsafat Eksistensialisme”. Kartini Sjahrir oge
nulis buku “Mitologi Yunani”. Pokona duanana tehekungsi nyieun buku anu ngupas
perkara Mitologi Yunani. Intina mah netelakeun legenda/mitologi/dongeng Yunani
jaman baheula, tetela jadi inspirasi atawa ngalatih jadi berpikir kreatif’ anu
hasilna the, nya bangsa Barat jadi maju jiga ayeuna. Anu luar biasa dina
perkara
ieu, nyaeta kumaha hiji mitos (kadang teu kapikiran ku akal sehat) bisa
ngobah
budaya hiji bangsa jadi maju.
