Si Setan Alas Kobar, rada beda dibanding begal2 sejenna; lantaran manehna mah, enya ge perlu ka na harta, tapi teu pati dipentingkeun pisan. Nu pang pentingna keur manehanana, nya eta hayang jadi Jago nomer HIJI di persilatan satanah Jawa. Manehna oge kungsi ngadenge yen aya hiji Jago nu mumpuni, nya eta Ki Nurtustunjung, di mana guruna oge cenah pernah tarung, tapi kasoran, ngalatih diri; tapi ku sabab rusuh hayang males; akhirna salah latihan, ku sabab maksakeun teuing, nya guruna binasa lantaran ngalatih dirina popohoan teuing. Ku sabab kitu, Si Setan Alas Kobar ati2 pisan, di na ngalatih dirina; sabab sieun saperti guruna, salah jalan. Di na hirupna Si Setan alas kobar, ngajaga teu ngumbar sagala kahayang, malah kajajakaanana dijaga pisan. Nu matak tanaga jerona arang nu bisa nandingan Si Setan Alas Kobar. Di na masalah kakesitan, ku sabab memang tanaga jerona mumpuni; si Setan Alas Kobar oge kesit, ngaleuwihan rata2 pendekar. Ayana Si setan Alas kobar saenyana mah ngarentagkeun Karaton Mataram. Pernah susuhunan ngirim Tumenggung pikeun numpes ieu kumpulan begal; nu dipimpin ku Si Setan Alas kobar; tapi hasilna nyamos; si Setan Alas Kobar geus mabur manten. Tapi 3 bulan ti harita geus der datang deui; malah leuwih mahabu. Rata2 Para Tumenggung euweuh nu wani tarung sosoranganan ngalawan Setan Alas kobar; pasti maranehna ngandelkeun pasukan. Tapi si setan Alas Kobar kaburu nyumput manten. Kahebatan Si Setan Alas Kobar, beuki sohor we; euweuh hiji Pendekar nu wani ngalawan ka Ieu Jadug; kabehanana sarieuneun. Sabenerna Si setan Alas kobar oge geus susumbar, cenah mun Ki Nurustunjung masih hirup ,ah, Kaula meureun eleh; da Guru Kula ge eleh; tapi mun ayeuna Ki Nurustunjung turun deui; pasti bakal dicoba ku Kaula ngukur kadigjayaanana.” Para pendekar nu ngadenge susumbar Si Setan Alas Kobar, lolobana mah nyeungseurikeun da kabeh pada maphum kajagoan jeung kasaktian Ki Nurustunjung; nu osok oge disebut Pendekar Sakti. Tapi aya oge sawareh nu percaya yen Setan Alas Kobar nu ayeuna mah mungkin oge bisa ngelehkeun Ki Nurustunjung. Hanca
