Assalaamu'alaikum wr. wb. Bismillaahirramhaanirrahiim. Sim kuring katarik ku diskusi perkawis karma. Umat Islam anu parantos 'kadidik' ku pangajaran anu rada 'intensif' biasana sok alergi upami istilah karma dicacandak dina sebab akibat kajadian hiji musibah. Sok disebatkeun di Islam mah teu aya istilah karma.
Upami disebat di Islam teu aya istilah karma, tangtosna nya moal aya, da sacara bahasa karma teh sanes basa Arab. Islam anu diturunkeun di arab tangtosna moal kantos nganggo istilah karma. Ari karma teh asalna tina bahasa Sangsakerta. Aya oge istilah kamma, nya eta istilah dina bahasa Pali, anu hartosna sami sareng karma. Bahasa Sangsakerta sareng Pali teh dua bahasa anu dianggo nuliskeun riwayat-riwayat (hadits upami bahasa arab na mah, ucapan) sang Buddha Gautama. Kumargi leres karma teh moal aya dina perbendaharaan bahasa Arab, kumaha upami urang guar ulah tina bahasa, tapi tina maksud sareng makna? Istilah karma/kamma sacara maknawi nyaeta hukum kausalitas, atanapi hukum sebab akibat anu aya dina realitas alam semesta. Biasana dina basa arab mah hukum kausalitas eta teh disebatna sunatullah. Ari istilah sunatullah, teu aya dina bahasa sangsakerta/pali; oge istilah karma teu aya dina bahasa arab. Karma sacara maknawi teh rumit pisan. Sami sareng sunatullah oge rumit. Maksad rumit teh, upami urang ngabahas karma, teu tiasa mung ningali hiji jalur kausalitas. Margina kausalitas anu aya di alam universum ieu teh henteu linear. Janten memang teu tiasa upami ku urang disebat yen hiji musibah anu diderita ku hiji jalmi teh disebabkeun ku kalakuan salah/dosa anu tertentu. Urang mung tiasa ngaduga-duga, kumargi timbulna hiji akibat dina karma/sunatullah teh tiasa disebabkeun ku akibat-akibat berantai, saling mempengaruhi, anu panjang pisan jalurna sareng henteu linear. Buddha Gautama ngajarkeun yen hiji akibat (buah) anu ditimbulkeun ku rantai kalakuan (sebab) teh bakal timbul lamun geus asak (geus waktuna nyumponan). Asakna eta karma bisa jadi masih dina masa kahirupan urang ayeuna keneh, oge tiasa wae asakna engke dina masa kahirupan saenggeus urang maot. Tapi nu penting dipahami teh yen karma teh mangrupa rantai kalakuan urang, boh kalakuan fisik oge kalakuan pikiran/batin. Hiji kalakuan bakal aya hasilna, anu hasilna oge bakal jadi sabab/ngadorong kalakuan anu salajengna; terus eta bakal ngaruntuy tepikeun ka asak hiji karma jadi buah, urang bakal narima akibat 'final'. Upami dina Islam oge diajarkeun yen hiji kalakuan hade bakal aya hasilna, oge hasil kalakuan goreng bakal aya hasilna; walau eta kalakuan teh ngan saukur sagede 'siki zarah' (atom, leutik pisan), niscaya bakal aya hasilna. Sanes nu kitu teh kausalitas oge? Memang di Islam teu diterangkeun runtuyan kausalitas sacara detil, saolah-olah sagala kalakuan hade jeung goreng teh terputus hiji-hiji, masing-masing, terus engke di akherat aya balesana hiji-hiji oge. Tapi lamun ku urang ditafakuran, sacara ilmu psikologi, sagala kapribadian teh dibentuk ku kabiasaan hirup. Jadi pribadi urang poe ieu teh hasil akumulasi psikologis kalakuan urang pribadi di waktu-waktu kamari ti mimiti bayi keneh tepi keun ka dewasa. Kulantaran eta diperlukeun hiji didikan supaya diri urang ngajadi jalma hade. Pan saur rasulullah Muhammad: "Sakabeh jabang bayi lahir suci, kolotna anu ngajadikeun eta bayi (engkena) jadi nasrani atawa yahudi". Janten atuh sagala oge aya sababna. Tah sagala sabab sareng kausalitas anu aya, tangtosna sagala rupi oge mulih deui kana sabab utama. Ari sabab utama teh naon/saha? Sabab utama teh nyaeta anu ngersakeun: "anjeuna anu maha awal, sareng anjeuna oge anu maha akhir". Janten, saur sim kuring mah; daripada urang ngabiasakeun diri ngaributkeun istilah bahasa, mendingan ngabiasakeun diri nyukcruk makna-na. Mudah-mudahan eta makna-na ku urang faham teras salajengna ngajantenkeun sabab urang ngajadi jalma anu bijaksana. Lamun urang ngabiasakeun apriori, prasangka goreng, ka ajaran agama batur, eta teh bibit-bibit karma/sunatullah goreng pikeun diri urang sorangan. "Saenyana, euweuh hiji kaum di dunya ieu anu teu dikirim utusan ka kaum eta, ku gusti nu maha suci"; mawa pangajaran pikeun bahan pikiran positip jalma-jalma anu neangan kabijaksanaan. Wallahu'alam Febi Ahmad Hazairin ============== ________________________________ Von: mang kaby <[email protected]> An: UrangSunda <[email protected]> Gesendet: 10:30 Montag, 19.August 2013 Betreff: Re: [Urang Sunda] Para Pejabat Yg Setuju Bendungan Jatigede Kena Karma Tah laina naon anu dipelak eta anu dipanen teh sami sareng karma? nuhuuuuns, mang kabayan www.udarider.com ________________________________ From: YADI supriadi wendy <[email protected]> Sender: [email protected] Date: Mon, 19 Aug 2013 09:14:32 +0700 To: <[email protected]> ReplyTo: [email protected] Subject: Re: [Urang Sunda] Para Pejabat Yg Setuju Bendungan Jatigede Kena Karma On 2013-08-19 00:03, mang kaby wrote: > Subhanalloh Mamang baru dapat info ternyata Para Pejabat yang setuju > Proyek Bendungan Jatigede telah kena Karma. > > Mang Kaby, dina kapercayaan Islam mah teu dikenal terminologi "karma" teh, eta mah ayana di kapercayaan Hindu. Nu aya, saha nu melak cabe bakal panen cabe, atawa saha nu nebarkeun angin bakal manen badey. -- -- Wassalam, Yadi Supriadi Wendy .: dikirim ku kadeudeuh :.
