Assalamu'alaikum wr.wb., Hariko kami resmi diliburkan. Manunggu barito labiah lanjuik. Jadi mungkin hari Salasa muloi bakarajo baliak. Ambo mandanga-danga kaba sajo dulu dari kawan kalau alah buliah manjapuik oto kian. Pakaro otoko, nan parkir di Plaza Kuningan Menara Selatan banyak nan hancua kacono. Oto ambo taparkir di sampiang sabalah utara Menara Utara di muko Cassablanca. Tampak sapinteh kapatang lai indak baa, tapi antah pulolah na sabanano.
Nan bakantua di Menara selatan, mungkin agak lambek baru ka bisa muloi bakarajo baliak mancaliak karusak-an kaco-kaco bangunan. Baitu juo nan di Plaza 89, sarato bangunan disabalah ka salatan Kedutaan Australia tu, nan nampak rusak parah. Aliah-aliah carito, taramuak rasono hati mambaco di running text di tv, kecek Menlu Australia nan jadi dalang karajoko adolah Jamaah Islamiyah. Capek bana dino maambiak kasimpulan. Baitu pulo di kapalo pulisi awak, langsuang sajo ado kasimpulan nan maarah-arah kian. Tatap juo jadi tando tanyo gadang di hati ambo, sarupo juo jo bom di Bali dulu, jo bom di Mariott. Iko indak bom main-main ko do. Indak ka mungkin rasono amuah di rakik jo mampacampuaan potassium nan dibali di pasa. Tapi dek panyalidiak awak itu sajo kasimpulanno. Indak no amuah nak mambuktikan, manyuruah buek bana, kok iyo santiang urang na alah dituduah tu mabuek bom nan sarupo, sarupo apo 'makan tangan' bom buatan tu. Amuah kolah dibandiangkan jo hasia bom di Bali, jo nan di Mariott, jo nan di Kuningan kapatangtu? Aliah-aliah carito, sacaro resmi pulo pamarintah Amerika mangaluakan travel warning ka wargano 24 jam sabalum bomko malatuih. Apo sabanano aratino go iko. Dulu sabalun bom Bali malatuih alah tau pulo pamarintah Amerika tu. Apo nan sabanano aratino? Lai nan pandai di antaro awakko mamikiakan? Apo bana sabanano nan tajadi? Wassalamu'alaikum wr.wb., Lembang Alam ----- Original Message ----- From: Darul <[EMAIL PROTECTED]> To: <[EMAIL PROTECTED]> Sent: Friday, September 10, 2004 6:48 AM Subject: [EMAIL PROTECTED] Kajadian Tadi Siang Di Kuningan > Assalamulaikum WW. > > Iyo sabana sadiah awak mancaliak bakeh bom di dakek kantua mak Lembang. > Alhamdulillah mak Lembang lai tainda dari musibah nasional nan kejam nantun. > Kami iyo agak cameh mandanga, dek kantua mak Lembang dakek ka situ. Baa > kegiatan kantua hariko? ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
