Assalamu Alaikum W. W. Kalau ambo indak salah Taufiq iko iyo adiak dari kawan bundo Azmir Rasjid dan almarhumah Yusra Rasjid. Ambo sakawan bana jo alm. Yusra. Baa kaba anak2 baliau kini? Kalau indak salah anak2 Yusra ado nan Arsitek, dokter dan nan laki2 tu mudah2an lai elok2 sajo sadonyo. Urang2 nan ambo sabuik iko iyolah anggota IKPAT (Ikatan Ampek Angkek). Kok indak iyo mohon maaf.
Ambo takana baliak katiko tahun 1955 serombongan calon2 guru mudo tamatan SGA tahun tu kami pai dari Pikumbuah naiak kureta api turun di Tanjuang Alam naiak bajalan kaki kateh (jalan baru kiniko) baranti dimuko rumah Nurhuda dan Salmaniar (kaduonyo urang 4 Angkek) taruih bajalan belok kakida dipamatang sawah kiro2 3 atau 4 kilometer kami makan dirumah Mak Ngah Sjamsir Sjarif nan wakatu tu mandoa mangadokan selamatan. Sudah tu baru kami baliak ka Pikumbuah baliak. Itu terjadi 50 tahun nan lalu manjalang kami ka bapisah ka manjadi guru2 disekolah menengah diseluruh Sumatra Tengah (Penempatan pertama bundo Nismah di SMP2 Bukittinggi dan Mak Ngah Sjamsir di ST Bukittinggi). Sekian dulu mangana-ngana maso daulu katiko bundo Nismah masih coga. Hayatun Nismah Rumzy -----Original Message----- From: [EMAIL PROTECTED] [mailto:[EMAIL PROTECTED] On Behalf Of Rasyid, Taufiq (taufiqr) Sent: Friday, August 26, 2005 2:06 PM To: palanta@minang.rantaunet.org Subject: RE: Bukak tambo ....Re: [EMAIL PROTECTED] gala --- Angku Taufiq Rasyid ko iyo acok juo ambo baco namo baliau katiko ambo rajin mancigok-cigok sin ka milis Ampek Angkek. Tapi iyo baru ka tau ambo bahaso baliau ko urang Panampuang. Di Panampuang ko ado rumah padusi pak etek ambo. Kakak ambo disinan ado nan banamo Syukri, kini baliau di tanjuang Pinang. Antah lai lah tau angku Taufiq di baliau. Ado pulo nan labiah sarik saketek pado itu, kawan urang gaek ambo nan laki-laki, nan maiambaukan kaba ka Koto Tuo bahaso urang gaek ambo alah gugur di bulan Juni 1958 di Koto Panjang Kamang hilia. Gala baliau, Mangkuto. Ambo manyabuik baliau tu mak Mangkuto. Mungkin iyo agak kabua gambar nan ambo sampaian. Website http://www.rantaunet.org _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ____________________________________________________
