O Luns 23 de Xaneiro de 2006 ás 01:14, Jacobo dicía:
> Vaia, hai que recoñecelo: a web está detida en febreiro do 2004 (¿xa pasou
>tanto tempo?), non hai CVS desde aquela, os sistemas de estatísticas non
>funcionan, etc., etc. Incluso eu son inoperante como coordinador, e a
>pesares diso algunha xente consegue traducir cousas e todo :-)
Pouco hai que dicir sobre isto ;) Pola miña banda:
Coordinación de GNOME: Afortunadamente Nacho non fartou e seguiume
insistindo para que lle pasara a coordinación. Ao final conseguiuno e
agora está a facer un traballo estupendo (100% traducido nos paquetes
básicos, parabéns!). Aquí non houbo perda pola inoperancia de Trasno.
Estatísticas: Sorprendentemente é o único que se mantén con vida na web...
As estatísticas de GNOME e KDE seguen a actualizarse (en grande parte
porque Nacho tamén me insiste para que poña as novas versións de GNOME,
e mira que podo tardar días e días en facelo) ;)
Dicionario: Hehe, como pasa o tempo :D Cheguei á versión 0.14, e había
xa 277 termos. Pero diso hai xa 5 anos!! Evidentemente non está
adaptado á nova normativa, e algunhas cousas sobran e faltan moitísimas
outras. Polo menos serviría como base se alguén colle a tarefa.
Resto da web: Aquí xa me entra a risa :D :D O "deseño" que hai agora
fíxeno eu hai 5 ou 6 anos, e aí ficou. Debemos ter unha das páxinas
máis antigas de Internet X-)
> A miña idea co Trasno é que sirva para que distintos grupos independentes
>de tradución de software libre ao galego se poidan comunicar, e intercambiar
>experiencia e coñecementos.
Paréceme o lóxico. Eu empecei a escribir unha mensaxe hai uns meses
sobre o mesmo, pero non cheguei a acabala... Pero está claro que isto
precisa dunha refundación e descentralización, é o habitual noutras
linguas. Mesmo en catalán, os de KDE van por libre e os proxectos que
están en softcatala.org teñen un wiki e/ou unha lista de correo
independente do resto.
> Estou pensando na lista de correo, nun portal, nun dicionario actualizado,
>etc. Ou incluso algún sistema para intercambio de ficheiros, pero só para
>grupos que non poidan ter o seu.
A miña opinión:
- Listas de correo: O ideal é ter só unha, para non ter ducias de listas
case baleiras. Pero se un grupo quere ter a súa non hai problema, sexa
fóra ou dentro de Trasno.
- Portal: O mínimo posible, que teña unha pequena introdución, información
sobre os recursos (lista, dicionarios...), e xa está. O resto, só
referencias aos grupos de tradución.
Sobre a posibilidade de que os grupos usen a mesma web de Trasno,
paréceme ben, pero isto ten un requisito básico: que sexa facilmente
actualizable (non como agora que só Jacobo e máis eu podemos editar a
web). Usar un wiki non sería mala idea (o que vos dicía de softcatalà
está en: http://www.softcatala.org/wiki/Portada)
- Dicionarios/guías de estilo: Aquí teño unha dúbida, ¿isto debería ser
algo estático do portal, ou modificable polos usuarios? ¿Só por algúns
usuarios? ¿Se cadra que haxa un ou dous encargados, e que os
usuarios poidan facer comentarios na propia web?
E aquí tamén teríamos que aproveitar a posibilidade de facer un glosario
conxunto coa xente de galego21.org (que tamén voltaron á vida). Agora
sería máis fácil que nunca, por motivos evidentes que comprenderedes
cando visitedes o glosario na súa web :D
http://www.galego21.org/doku.php/proxectos:glosario
(parece que algunhas cousas dese dicionario de hai 5 anos aínda valen) ;)
A ver se fala máis xente, que Jacobo e máis eu xa levamos moito
falado aquí ;)
Saúdos!
--
Unha aperta,
Jesús Bravo Álvarez
_______________________________________________
Trasno mailing list
tra...@ceu.fi.udc.es
http://ceu.fi.udc.es/cgi-bin/mailman/listinfo/trasno
