Xa o podedes ler no dot.kde.org, acaba se publicarse KDE 4.1.2. Para os amantes das estatísticas, a tradución ao galego está completa no 99,87% da gui, e no 7,88% da documentación.
Os principais puntos fracos que temos son os das anteriores veces, mais desta vez moi minguados, grazas ao traballo de Xosé Calvo, Miguel Branco e Manuel Vázquez. KDE 4.2 sairá, deus mediante, a finais de xaneiro de 2009 (en ppio o día 27). Nun universo ideal deberíamos prantexarnos os seguintes fitos para antes desa data: -Manter koffice no 100%, polo menos os programas que sairán na 2.0. -Estar en condicións por ktuberling (o home pataca) no 100%. Isto implica atopar a alguén con voz anxelical, e gravar unhas poucas palabras nuns ficheiros -Manter completado kdepim (recentemente puxéronse 120+ mensaxes dubidosas dun plumazo), e ir acabando a documentación deste. Neste eido, os azos de Xosé Calvo merecen mención á parte, sendo nestes momentos con moita diferenza a persoa que máis contribuiu á tradución de documentación. -Eu irei dándolle aos outros módulos para manter a posición. Non vos fagades a ilusión de ter unha das medallas, as estatísticas indican que o resto dos equipos veñen vindo, e a letra "g" non é das primeiras do alfabeto... -Polo demáis pouco podo dicir. Cando preguntades o que facer xa non sei que contestar, á parte da documentación. -- Best regards, MV