Karl García Gestido escribiu:
O Xoves 16 Abril 2009 16:07:51 Leandro Regueiro escribiu:
Non sempre se pode atopar unha tradución que vale para todo. Haberase
que ir adaptando ó contexto e usar a mellor tradución segundo sexa un
contexto ou outro.
Ata logo,
Leandro Regueiro
Polo que a min respecta, o inglés é menos preciso e máis flexible que o
galego. Así, namentres un termo calqueira pode significar varias cousas
dependendo do contexto, en galego cada contexto pode dispor dun termo
diferente.
Creo que o que hai que ser, en todo caso, é flexible, tratar de non reinventar
a roda, anque engadindo os matices que no noso idioma poidan ser utis.
O conxunto de elementos de QT, por exemplo, non é o mesmo que o widget set de
QT. Un "widget set" é un conxunto de elementos moi definidos. Aquí, a
traducción dun termo inglés perde un matiz importante, non importa o correcto
que sexa. Gústame "trebellos" para os widgets independentes, tanto plasmoides
como outros desklets, porque son iso, trebellos, pero no contexto da
programación debera manterse un termo máis xenérico. Creo que se non podemos
traducir widget de forma apropiada, podemos adoptalo e andando :)
De calqueira xeito, unha discusión coma esta é extrapolable a moitos outros
termos da especialidade informática, onde os ingleses inventan os termos a
medida que os precisan. Creo que a única maneira de facer que un idioma poida
ter o seu lugar natural na informática é se pode facer o mesmo, é dicir, criar
nomes mediante acrónimos e similares para as diversas cousas que van xurdindo.
Así, "correo-e" seméllame un nome razoable para "e-mail" nun contexto xeral,
namentres que pode usarse "correo" para o uso específico. Así, "teño un correo
que inda non vin. E é que dende que implantamos o correo-e como plataforma de
comunicación dentro da empresa, estamos moito máis atarefados. Pobriños de nós
como se adopte algo coma o Twitter!!!".
Estou de acordo en que ten que haber flexibilidade para crear novos
termos, sempre e cando non existe un xa. isto leva a que sería bo que
houbese quen se adicase a isto e poder consultalo e pedir a xeración dun
novo, mais penso que de momento isto non existe.
Por outra banda, os novos termos penso que deberían manter a
uniformidade en canto a regras, desde o meu punto de vista, converter
unha lingua en máis irregular do que o é non é nada positivo e dificulta
a aprendizaxe.
licenza, preferencia, cal é a regra?
club, clubs
récord (de mellor marca), récords?? pareceme incrible que en galego non
exista unha equivalencia (plusmarca?).
penso (e xa me estou a meter onde non me chaman) que os novos termos a
incluír han de contribuír á norma e non a irregularizar a lingua.
Así "QT é un conxunto de widgets que permiten desenrolar
desenvolver, desenrolar é outra cousa,
aplicacións gráficas
independentes, trebellos para o escritorio ou tamén serven de base para as
librerías de KDE".
Saúde!!
idem