Ass,wr,wb. Dunsanak RN sadonyo, sakali lai salamaik tahun baru 1 Muharram 1425 H.
Kalau kito bicara masalah Muharram, tantu pikiran kito ka tahun baru Islam nan paling partamo muncul. Tapi kami nan talahia di kota Bengkulu atau nan ado di Piaman, bulan Muharram ko selalu dikaitkan dengan munculnyo kegiatan ritual(?) nan ado kaitan sejarah jo Hasan-Husin cucu Nabi nan mati terbunuh di Karbelah Iran (?), yaitu "TABUIK" Sejarah tentang tabuik ko, ambo kurang paham amek, mungkin Add Rahima atau alim ulama atau Mamak-mamak nan lebih senior mengetahuinyo. Biasonyo di Bengkulu, mulai 1 Muharram kapatang alah ado ritual tabuik tadi seperti maambiak tanah, mambuek hiasan tabuiknyo masiang2 semeriah dan seindah mungkin dan dipersandingkan di sebuah tanah lapang di tangah kota Bengkulu yang akhirnyo pado 10 Muharram dibuang disebuah tampek, Karbelah namonyo. Kok di Piaman, kalau indak salah dibuang ka lauik. Ritual ko apo ado kaitannyo dengan agama atau hanyo bid'ah, wallahualam, mungkin nan alim nan labiah tahu atau Ajo2 atau Cik Uniang nan dari Piaman dapek bacarito labiah banyak. Sangajo ambo angkek topik ko untuak kito bahas basamo, disampiang ritual tadi, manfaat kegiatan tersebut adolah meningkatkan dunia pariwisata untuak kadua daerah tadi dengan banyaknyo datang wisatawan2 domestik dan mancanegara. Sakian, untuak mahangekkan tahun baru ko, semoga diskusi tentang Tabuik ko indak jadi polemik dan semoga menambah wawasan dan pengetahuan kito. Wassalam, M.St.Bangsawan (hampia 47 th) Nan baru bakumpua jo kaluarganyo dari perjalanan panjang Haji NB: Gampo nan mahoyak kota Padang pado siang hari kapatang (bukan Tabuik), semoga lai indak segawat gampo nan di Padang Panjang nan lalu. Kapado dunsanak RN nan di Padang tolong dapek menginformasikannyo. ____________________________________________________ Berhenti/mengganti konfigurasi keanggotaan anda, silahkan ke: http://groups.or.id/mailman/options/rantau-net ____________________________________________________
