Re: [Rantau-Net] Gus tf di Detik.com

[ivan]

Tarimo kasih dikanakan. Penyair Rusli Marzuki Saria baru sajo pansiun dari Haluan. Terakhir baliau manduduki jabatan redaktur di harian tu. Papa, baitu kami nan mudo biaso mamanggia Rusli Marzuki, dihormati karano dedikasi baliau ka bidang sastra/budaya. Ampek cerpen nan ditabikkan di Haluan manjadi nominator dalam sayembara cerpen koran nan diadokan dek DKJ tahun 1999. Pamanangnyo sa Indonesia juo cerpen nan tabik di Haluan, karya Taufik Ikram Jamil, penagarang Riau. Papa manjago gawang budaya/sastra Haluan sangaik lamo. Baitu baliau pansiun, kini Haluan indak ado lai halaman budayanyo. Papa kini puno kolom di Haluan (Minggu) banamo, Catatan Parewa. Urang Kamang ko gigiah bana maasuah nan mudo-mudo. Baliau alah aktif sajak tahun 60-an di RRI. Penyair Upita Agustine (Ir. Raudha Thaib, MS) adolah salah surang nan banyak badiskusi jo baliau katiko mudo. Papa sampai kini masih aktif dan mangawani kami urang mudo kalau ado alek. jarang bana baliau indak datang, asa lai diagiah tahu. Parewa marupokan kumpulan saja Papa nan paliang langkok. Nan manarik, sajak tu banyak nan bacarito tantang PRRI. Papa dulunyo anggota Mobri, kudian baliau kalua dari kesatuannyo. Parnah mandapek pandidikan militer di babarapo tampek di nagari lain. Satau ambo, ado duo urang awak nan dulunya tantara, kudian jadi panyair. surang lai, Zaidin Bakri, urang tuo Sastri Yunizarti Bakri dan Free Hearty dan kaduo anak baliau tu dikenal juo sabagai penyair, tapi indak talalu aktif kini lai.   Maaf talalu panjang. salam dari Padang.