Ahaa, Tapek bana,
Lah balega takok taki kito
dari Palai Rinuak jo Murai Kukuban dari Tapi Danau Maninjau
sampai ka Pandai Sikek ka Lereng Gunuang Singgalang,
kini lapeh jawabnyo ka Biaro,
disantuang dek Angku St. Sri Bagindo
di Tapi Batang Siak di Pakanbaru
badabua runtuah Durian Kamang,
takana Puluik nan Isilamang....
Di Santa Kuruih
di tapai Riak nan Badabua
Lai juo puluik, lai pulo durian
indak doh jatuah dari dahan
diimpor urang dari Tahilan.
Salamaik makan Lamang jo Durian ...
Ambo cc kan email ko ka Al Yose Rizal.
Dahulu Urang Magek "manjua anak"
kini lah ado Rang Biaro
nan "manjua anak" di Koto Malekat,
lah ambo silau Al bagaluik jo "anak-anak"nyo
iyo bana sambuah rancak-rancak.
Rang Lapau tolong lah takok,
Aaa lo aratinyo tu Urang Magek "manjua anak?
Salam,
Mak Ngah
At 11:07 PM +0700 8/12/00, Elthaf wrote:
> PULUIK Mak Ngah, ha haaa , kok lai batua go eh..
> lai ado puluik di santa kuruih ko, ko sadang musim durian kawannyo
>puluik, lah manjejeh aia liua mak ngah dek baun durian, ha..ha...
> S.S.Bagindo
>
>> ----------
>> From: Sjamsir Sjarif[SMTP:[EMAIL PROTECTED]]
>> Reply To: [EMAIL PROTECTED]
>> Sent: Saturday, August 12, 2000 10:21 PM
>> To: [EMAIL PROTECTED]
>> Subject: Re: Ikua Pasa Kapalo Pasa, Re: [Rantau-Net] Pasa...
>>
>> At 7:15 PM +0700 3/9/15, Adyan wrote:
>> >Assalamualaikum w.w.
>> >
>> >Mohon maaf baru kini bisa sato baliak, dek karano saluran interenek ambo
>> di
>> >wasantara bukittinggi iyo sabana taseok-seok jalannyo.
>> >
>> >Mak Ngah maagiah takok-taki nan tampaknyo mungkin alun tajawek (mohon
>> maaf
>> >kalau ambo salah) ..
>> >
>> >Mak, nan ambo danga, "Ikua Pasa Kapalo Pasa" to adonyo iolah di dapua,
>> >dipagunokan dek biai-biai untuk mananak nasi. Lai batua tu mak?
>> >
>> >
>> >> From: Sjamsir Sjarif <[EMAIL PROTECTED]>
>> >> Subject: Ikua Pasa Kapalo Pasa, Re: [Rantau-Net] Pasa...
>> >> Date: Friday, August 04, 2000 12:26 AM
>> >> Kok iyo ado lo urang nan tingga di pasa tu, batanyo lo lah Nyit Sungut:
>> >> Di maa tu nan dikatoan urang, "Ikua Pasa Kapalo Pasa?"
>> >>
>> >
>> >Salam,
>> >Adyan St.Rumah Panjang
>> >
>> >
>> Bana, tatakok nan iyo, sabana tapek 100% jawabnyo nan tradisional nan samo
>> kito simak dari Budaya Kampuang kito:
>>
>> "Sanduak" untuak payanduak jo pangariah nasi dek Biai-biai kito di
>> Kampuang. Biasonyo sanduak tu dibuek dari sayak atau tampuruang
>> (Kapalonyo), sadangkan tangkainyo dari buluah atau batuang. Kapalo sanduak
>> tu lah pasa dipakai untuak panyanduak nasi, Ikuanyo (tangkainyo) lah pasa
>> pulo dek pangariah nasi dalam pariuak.
>>
>> Jadi, dalam Caro Awak, "pasa" ko ado duo aratinyo. Nan ciek "pasa" tampek
>> urang manggaleh, "kabek-mangabek" atau "tingga" tu. Nan kaduo "pasa" dek
>> acok dipakai atau acok ditampuah saroman dalam papatah:
>>
>> "Pasa jalan dek batampuah, apa kaji dek baulang."
>>
>> Ha, haa Rita. Jawab Rita talalu scientific mungkin dek acok mek bagulimang
>> jo papers di kampuih. Disangko Rita (Anak Dusun) di Tapi Danau nan ka
>> tapek
>> jawabnyo, sudah ambo tunggu-tunggu ko ado nan manyelo, kironyo kalua
>> Lapeh
>> ka Angku Adyan dari Pandai Sikek di Lereng Singgalang. :)
>>
>> Nah, iko dibari kasampatan ciek lai jo takok-taki anak-anak nan batanyo ka
>> kawannyo:
>> "Kok iyo Urang Isilam Ang, aaa Isilam Ang?"
>>
>> Cubolah takok ....
>>
>> Salam,
>> Mak Ngah
>>
>> At 10:10 PM -0600 8/3/00, Rita Desfitri wrote:
>> >....
>> >> Kok tanyi Nyiak Sunguik tantang Ikua pasa jo kapalo pasa...
>> >> Kok kapalo pasa itu urang Pemda 'tu Nyiak...
>> >
>> >Bacarito tantang 'ikua pasa' jo 'kapalo pasa',
>> >jadi takana pulo tantang 'ikua koto' jo 'kapalo koto',
>> >barangkali caro manamokannyo samo antaro pasa jo koto ko.
>> >
>> >Satu hal nan manarik dalam pangamatan ambo, (khususnyo di Maninjau),
>> kalau
>> >nagari tu malereng dilingkungan bukik, 'kapalo koto' lataknya labiah
>> >tinggi, atau nan di ateh, dan kalau nagarinyo mandata, 'kapalo koto'
>> >lataknyo nan disabalah 'ilie' atau 'hilir'.
>> >
>> >Ambo sendiri ndak tahu apokah iko representative atau indak, sabab bisa
>> >juo dasar manamokan 'kapalo koto' atau 'ikua koto' tu dari 'proses'
>> >pembangunan nagari/koto dan arah perluasan/perkembangan koto itu sendiri
>> >zaman dulu.
>> >
>> >Contoh nan paling dakek nampak di ambo, adolah namo "kokoto" (rimbo
>> >ketek) nan mamisahkan Kukuban jo Bancah, (bukan 'Bancah' di nagari Bayua,
>> >tapi Bancah nan di nagari Maninjau). 'Kokoto' sendiri berasal dari kato
>> >'ikua koto', samantaro 'kapalo koto' nyo talatak di ateh dusun 'ujung',
>> >dan sampai kini daerah tu masih dipanggia 'kapalo koto'.
>> >
>> >Kalau 'kapalo pasa' jo 'ikua pasa', satahu ambo kalau di Maninjau
>> biasonyo
>> >diliek berdasarkan 'arah latak' nyo ka jalan gadang (tolong paelokkan Z,
>> >kalau ambo salah). Apolai kalau diliek sacaro umum, satiok 'pasa' nan
>> >dipunyoi nagari-nagari di Maninjau, sadonyo memang talatak di pinggir
>> >'jalan utama' lingkar danau. (Kecuali 'pasa rabaa' nagari 6 koto).
>> >
>> >Samantaro kalau di jajak-i dari selatan ka utara, pasa anak nagari Sungai
>> >Batang ado disabalah bawah jalan arah ka danau, pasa anak nagari Maninjau
>> >di ateh jalan, pasa anak nagari Bayua babaliak di bawah jalan, dan pasa
>> >anak nagari 6 koto ado lah disabalah ateh jalan pulo, selang seling.
>> >
>> >Kabanyo zaman saisuak memang ado samacam 'perjanjian' mamak-mamak antar
>> >nagari di lingkungan danau, dalam pembagian 'hari pakan' ko, sahinggo
>> >ditatapkan hari Minggu pasa 'milik' urang 6 koto, hari Salasa punyo anak
>> >nagari Maninjau. Kalau Rabu pakannyo anak nagari Sungai Batang, dan hari
>> >Jumat 'jatah' urang Bayua. Suatu pembagian nan 'adil' dan keputusan nan
>> >diambiak dari proses 'kesepakatan'.
>> >
>> >Tapi tibo di kami-kami nan mudo-mudo kini (kalau lai buliah mangaku masih
>> >mudo :-)), nan biaso mamasyarakat di kami adolah 'muko pasa' jo 'bulakang
>> >pasa' nan kami kerenkan pakai bahaso Indonesia jadi 'belakang pasar'
>> >supayo labiah keren jadi 'belpas'. (Kalau da Fred lamo di Belfast, ambo
>> >kalau di Maninjau tiok hari Rabu pai ka belpas Sungai batang :-)
>> >
>> >Ambo kurang tahu baa 'kapalo pasa' jo 'ikua pasa' di tampek lain.
>> >Model pasa bawah Bukittinggi, dima 'ikua' di ma 'kapalo' nyo tu ?
>> >Baa ko lah yo Nyiak ? :-)
>> >
>> >salam
>> >anak dusun
>> >
>>
>> X____________________________ Sjamsir Sjarif
>> Indonesian Translator and Cultural Consultant
>> Tel. (831)-426-1333 Fax (831)-426-8907
>> Email: [EMAIL PROTECTED]
>> Web Page: http://www.usindo.net/hambo
>> ************************************************************
Mailing List RantauNet http://lapau.rantaunet.web.id
Database keanggotaan RantauNet:
http://www.egroups.com/database/rantaunet?method=addRecord&tbl=1
=================================================
Mendaftar atau berhenti menerima dari RantauNet Mailing List, kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
[email_anda] = isikan alamat email anda tanpa tanda kurung
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
-------------------------------------------------------------------------------------------------
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
