Assalamu’alaikum wr.wb.,
Manolah angku Pakieh di Bekasi sarato nyiak Sunguik di Santa Kuruih sarato rang lapau
nan basamo,
Akan tatapi tantangan sambah manyambah, kito pulangkan sajo pado Allah, salam
salawaik bakeh nabi, maoh dimintak kapado baliau angku nan tuo niniak jo mamak nan
gadang basa batuah, nan tinggi dilambuak gadang diamba, sarato ipa dengan bisan nan
samo duduak di palanta lapau nangko. Usah dibilang diatok gala, jo salam sajo
dimuliakan, indak katabilang taratok gala, maoh jo reda dimintakkan ,iolah jo
parundingan pulo dianta baliak kabakeh Pakiah Sutan di Bekasi sarato ka nyiak Sunguik
di Santa Kuruih, laikoh kadalam adaik nan baitu.
Dek disabuik alah dalam adaik, sapanjang panitahan Pakiah nan ka tangah, nan alah
pulo diparenahi dek nyiak Sunguik, alah disimak didangakan, alah dihinok di
ranuangkan, dek urang lapau nan basamo, sapanjang nan tajapuik tahanta dek baliau nan
baduo, iyolah sapanjang adaik nan bapakai, lah dalam limbago nan batuang, alah di
cupak nan barisi. Sungguahpun alah dalam adaik nan bapakai, lah dalam cupak nan
barisi, bak undang juo di nan tuo, lamak siriah lega carano, lamak kato lega bunyi,
nak bulek buliah sagolong, nak picak buliah satapiak, dek karano ado pulo nan taraso
diati nan takilang dimato, lai kasamparono adaik kok ambo katangahkan.
Bana nan kaambo katangahkan bakeh Pakiah Sutan sarato nyiak Sunguik, sapanjang nan
panah ambo danga, dari gurindam urang tuo-tuo, nan jadi ibaraik dek urang cadiak, jadi
pitaruah niniak mamak, disabuik dalam tambo adaik, tambo adaik Minangkabau, sabab
baitu nan bapakai, sajak jaman dulu kalo, sampai sakarang kini nangko.
Kapa siapo dilauitan
Tiang bapaluik ameh jati
Laia baturap suto putiah
Tanunan anak sutan-sutan
Antah kamano dilaiakan
Tampak dilauik tanah Jao
Takajuik rajo ateh anjuang
Sadang babilang-bilang tambo
Tambo banamo tambo adaik
Adaik alam Minangkabau
Saba baitu nan bapakai
Sajak jaman dulu kalo
Sampai sakarang kini nagko
Maoh jo reda dimintakkan
Kapado Pakiah Sutan di Bekasi
Sarato nyiak Sunguik di Kalipornia
Bukanlah ambo maindakkan
Satantang nah alah bakatangahkan
Tantangan inyiak muyang kito
Manuruik apo nan ambo danga
Ado saketek panambahnyo
Tasabuik dalam tambo adaik
Didalam ranah Minangkabau
Bahaso nan mulo-mulo mamakai
Aturan adaik jo limbago
Adolah urang nan batigo
Baliau batigo badunsanak
Ciek ibu, tigo bapo
Partamu Datuak Parpatiah Nan Sabatang
Bakaum adaik Bodi Caniago
Kaduo Datuak Katumanggungan
Kaum baliau Koto Piliang
Katigo Datuak Asa di Rajo
Baliau tagak ditangah
Tantangan Datuak Asa di Rajo, tasabuik baliau dalam pantun
Pisang kalek-kalek hutan
Pisang timbatu nan bagatah
Koto Piliang dio bukan
Bodi Caniago dio antah
Baliau ikolah agakno, nan manurunan kaum nan indak basuku, nan sampai kini tatap ado
di Minangkabau.
Sakitu bana nan kadianta kabakeh Pakiah Sutan sarato nyiak Sunguik, mintak dipeloki
dima nan salah, lai kadalam adaik nan baitu.
Wassalamu’alaikum wr.wb.
Lembang Alam
At 8:55 PM +0700 8/19/00, Damrus Lukman wrote:> > INDUAK PASAMBAHAN> > Manolah Angku
rang dapua LapauNet, sambah ambo tibo ka bakeh Angku.> Sambah sujui salam diangkek,
salam dianjuang kiri jo kanan, lahia kapado> Angku surang, batin kapado nan rapek di
LapauNet nangko. Sambah kapado> niniak-mamak, nan gadang basa batuah, nan bakato bana
mahukum adia, ka> pai tampek batanyo pulang tampek babarito. Dipabanyak ampun jo maaf,
maaf> dimintak ka rang banyak, ampun kapado nan Kuaso, titah disarahkan kapado> Nabi,
sambah taunjuak ka bakeh Angku.> > Tatkalo sumua ka digali, tatkalo rantiang ka
dipatah, iyo katiko nagari> ka diunyi, di balai balairuang panjang, di Pariangan namo
dulunyo. Di> sinan lah Datuak Parpatiah Nan Sabatang duo jo Datuak Katumanggungan,>
manurunkan adat jo pusako, dietoang koto jo nagari, sarato luak jo> rantaunyo, luak
tigo lareh nan duo.> > Manonyo lareh nan duo : Partamo, lareh Bodi Caniago, adat
Datuak> Parpatiah nan Sabatang, asa nan dari Indojati. Kaduo, l!
areh Koto Piliang,> adat Datuak Katumanggungan, barasa dari Rajo.> > Manonyo Luak nan
Tigo : Partamo, Luak Tanahdata, nan babatu bungo> satangkai, nan basungai bakayu
tarok, nan bakampuang di baliak labuah,> nan banamo dusun tuo, ba limokaum di sanan,
sambilan koto di dalam,> duobaleh koto di lua, batabek basawah tangah, sawah gadang
satampang> baniah. Kaduo, Luak Agam, nan salilik gunuang Marapi saedaran gunuang>
Singgalang, alaeh saedaran gunuang Pasaman, hinggo lado sulah mudiak,> sahinggo dusun
Tungga Hilia. Katigo Luak Limo Puluah Koto, dari sisauak> Sungai Rimbang, sampai ka
sipisau-pisau anyuik, sialang balantak basi,> sikokoh pinang tuo. Itulah barik nan
bajawab, itunyo tutua nan didanga,> kini tasabuik-sabuik juo.> > Ujuang labuah
Tanjuang Sungayang, di dalam luak jo lareh, babasa ampek> balai, badaulat nan
dipatuan, ka baruang lunang gunuang pasisie, hinggo> pintu rajo ilie, ilie badatuak
mudiak batuan. Tuan kadi di Padang> Gantiang, Indomo di Saruaso, Mangkudun di S!
umaniak, Tuan Gadang di> Batipuah, Rajo asa di Pagaruyuang. Itunyo urang nan mamrentah
dalam luah> nan tigo, sarato lareh nan duo.> > Manolah Angku rang dapua LapauNet
nangko !> > Dek gunuang tatapan kabuik, di sungai jalo bamain, ka padang marantang>
tali, karimbo bakarek kayu, tabiang ditungkek dengan janji, rimbo dialah> jo mufakat,
tagak dek duduak di nan rapeklimbago basidang dalam adat,> supayo rantak nak saragam,
lenggang nak nyo sarayun, suto jo turak nak> salasai, nak samo naiek ka antakan,
diulua kato sapatah, kato dilipek> dalam barih, bana disimpan di limbago, basaba Angku
sakatiko.> > Kok lai ado sumua di ladang, Buliah kito manumpang mandi, Kok Umua lai>
samo panjang, Isuak lusa disambuang lai > > Sambah Sujuik Ambo,> > DAMRUS LUKMAN
PAKIEH SUTAN> BEKASIMaa Angku Pakiah Sutan,Ka Tuhan kito adokkan Sambah, dari Nabi
kito tarimo Titah, salam bajawek dari Pakiah, kumbali ka Angku Pakieh juo,salam nan
baliak dari Nyiak Sunguik,sarato Rang Dapua nan baduo batigo.Jo ma!
oh juo Inyiak sampaikan, kaharibaan Angku Damrus Lukman Pakieh Sutan.Sapanjang
panitahan Pakieh nan ka Tangah,jauah nan datang dari Bakasi,dihadokkan ka Rang Dapua
di Lapau nangko, sarato ka Rang Lapau nan Basamo.Badantun bunyinyo ka Tanah
Bundo,Luhak nan Tigo Lareh nan Duo,lapeh ka Rantau ka Lautan,manggalaga bunyinyo
Kuliliang Bumi.Dek di Lapau kito lai baduo jo batigo,bakarilahan Pakieh
sabanta,maengong kito suok jo kida,mampalegakan sambah dari Pakieh,bak kaji lamo
Pakieh juo,lamak siriah dikunyah-kunyah,lamak kato dipalegakan.Samantaro manunggu
carano balega,ataupun kato dipatenggangkan,kok buliah Inyiak manyambah,maantakan kato
nan bak kian, paurak-urak tanyo pamulo kato,paurak selo pambukak langkah,kok kurang
tarang mintak pajaleh,pambukak tanyo Rang Lapau nan Basamo.Limbak nan dari Baliau nan
Baduo,Datuak Parpatiah nan Sabatangduo jo Datuak Katumangguangan,Urang Baduo balain
asa,surang barasa dari Indojati,surang barasa dari Rajo.Kan baitu bana sambah dari
Pakieh?Dek b!
anyak Kaba nan kami danga,baitu juo Tambo nan tabukak, Inyiak mandanga dari
Jauah,baitu juo nan sampai ka Rang Banyak,bahaso Baliau nan Baduo ko,Datuak Parpatiah
nan Sabatangduo jo Datuak Katumangguangan,bukan doh jauah balain asa,tapi Baduo
Badunsanak.Dek Kaba nan balain nantun,ataupun carito nan babeda,mamintak kami ka
Pakiehmanarangkan suluah ka Rang Lapau,cucua papakan di maa bedanyo.Itulah pinto nan
paratamu.Limbak nan dari pado itu."Ujuang Labuah Tanjuang Sungayang,di dalam luak jo
lareh,babasa ampek balai, badaulat nan dipatuan,ka baruang lunang gunuang
pasisie,hinggo pintu rajo ilie, ilie badatuak mudiak batuan.Tuan kadi di Padang
Gantiang, Indomo di Saruaso,Mangkudun di Sumaniak, Tuan Gadang di Batipuah,Rajo asa di
Pagaruyuang.Itunyo urang nan mamrentahdalam luah nan tigo, sarato lareh nan duo."Kan
iyo baitu Kaba dari Pakieh Sutanbunyi nan lah samo kadangaran.Dek lah baitu nan kami
danga,kok buliah batanyo Nyiak Sunguik tantang itu,tantang Rajo nan mamarentahLuhak
nan!
Tigo Lareh nan Tigo.Kaba nan sampai ka Rang Banyak,Tambo dibukak Rang Pasak Kunci,ado
Tigo Rajo di Alam Nangko,dalam Luhak nanTigo Lareh nan Duo:Rajo Alam di
Pagaruyuang,Rajo Adaik di Buo,Rajo Ibadaik di Sumpu Kuduih.Itulah pinto nan
kaduo,dimaa takucainyo Rajo nan Duo?Sakitu sambah dari Nyiak Sunguik,samo mananti kami
basamo.Salam,Nyiak SunguikDi Baliak Bumi di Subarang Lauik BasaDi Tapi Riak nan
BadabuaDi Santa Kuruih, Kalipornia
------------------------------------------------------------
Free Web-email ---> http://mail.rantaunet.web.id
Minangkabau WebPortal ---> http://www.rantaunet.web.id
Mailing List RantauNet http://lapau.rantaunet.web.id
Database keanggotaan RantauNet:
http://www.egroups.com/database/rantaunet?method=addRecord&tbl=1
=================================================
Mendaftar atau berhenti menerima dari RantauNet Mailing List, kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
[email_anda] = isikan alamat email anda tanpa tanda kurung
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
-------------------------------------------------------------------------------------------------
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
