Assalamualaikum W.W.
Sato pulo ambo bakomentar agak saketek, dek awak punyo
darah rang Piaman dari Ayah.
Ambo lai batanyo ka Mandeh (rang Gaduik
KikTinggi-Agam) tantang pitih jamputan tu dek karano
Ayah bagala Sidi di Piaman. Dijawek Mandeh, lai ado...
tapi di agiahkan baliak ka penganten untuak pambali
perabotan untuak paisi rumah tanggo rang gaek mbo.
Tapi ambo lai ado pulo mandanga versi nan lain dari
bako-bako mbo nan kawin tantang pitih hilang tu. Iko
kecek Ungku mbo (Mamak dari Ayah Mbo). Kadang-kadang
pitih tu diagiahkan ka mandeh marapulai dek lah banyak
kepeangnyo habih dek manyakolahkan anaknyo (sampai
manggadai sawah ???). Jadi kok lah kawin tantu
penghasilan anak laki-lakinyo untuak keluarganyo
(istri & anak).
Tapi pitih tu ambo caliak banyak nan barasa dari Mamak
sarato sanak keluarga anak daro, jadi indak saratuih
persen dari rang gaek anak daro. Taraso bana disiko
barek samo dipikua ringan samo dijinjiang.
Iko pengalaman wakatu adiak sepupu mbo kawin di
KuraiTaji-Piaman. Sasudah alek salasai... sanak famili
anak daro bakumpua dan mulailah acara
sumbang-manyumbang tu (lupo ambo namonyo). Satiok ado
nan manyumbang langsuang disorakkan jo halo-halo. Iko
dari kakaknyo nan di Pakanbaru sakian... Iko dari
Mamaknyo di Jakarta sakian... Alhasil pitih nan
takumpua labiah gadang dari modal... hehehe (balabo
adiak mbo tu).
Iko alun lamo lai doh... kami mangawinkan adiak mbo
nan padusi. Sagalo bako mbo turun tangan mambantu jo
tanago (iyo taraso keakraban di keluarga bako Mbo).
Tapi dek awak urang Agam indak ado acara saroman di
Piaman sasudah alek... tapaso sagalo dana ditangguang
pihak kami sandiri. Eh... indak disangko-sangko wakatu
malam Ungku mbo manyodorkan amplop ka adiak mbo. Iko
dari bako. Ondeh takajuik Mandeh mbo mancaliak
tabanyo.
Jadi ambo caliak nan positif tu jarang tadanga... tapi
kok nan negatif ko capek naiak ka permukaan. Iyo batua
ndak Mamak Mamak ? (Saroman Padang sampilik...
hehehe).
Wassalam.
Firdaus MG.
--- Zubir Amin <[EMAIL PROTECTED]> wrote:
> Dengan masing-ma
> sing pemberian dari kedua mamak kanduang itulah
> pasangan nak daro dan
> marapulai baru tu memasuki hidup baru.Iko nan balaku
> di Piaman saisuak.
> Sistim nan rancak ko,manjadi rusak kurang labiah
> tahun-tahun limo pu
> luhan sasudah banyaknyo anak-anak kito nan tamaik
> dari perguruan Tinggi
> tapi indak kasadonyo doh.Pihak nan laki-laki samacam
> manggaleh,kok baga
> la sutan,sidi,bagindo atau marah ditambah lai bagala
> SH,Dr,DRS,Ir,iyo ta
> cangang awak dibueknyo,sebab uang jemputan nan dari
> pihak padusi indak
> seimbang la idoh,kadang-kadang lapeh awo saja alias
> nan laki-laki manari
> mo barasiah sajo,ikolah cakal bakal timbulnyo "uang
> hilang"
__________________________________________________
Do You Yahoo!?
Get email alerts & NEW webcam video instant messaging with Yahoo! Messenger.
http://im.yahoo.com
RantauNet http://www.rantaunet.com
Isikan data keanggotaan anda di http://www.rantaunet.com/register.php3
===============================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke/To: [EMAIL PROTECTED]
Isi email/Messages, ketik pada baris/kolom pertama:
-mendaftar--> subscribe rantau-net [email_anda]
-berhenti----> unsubscribe rantau-net [email_anda]
Keterangan: [email_anda] = isikan alamat email anda tanpa tanda kurung
===============================================
