Assaalamualaikum ww
Haa ... ko amuah ko, kok ka ba pantun2 agiahan ka mak malin, hee .. pantang2 awak bana ko mah, lupo jo pulsa lai kanamuah …..
Assalamualaikum kanda ZAP dipulau Bali, Salam nan datang dari Riau Duri Petropolis
Nan ba-alamaik Mak Malin Om-nya si Rarach
Indak denai ba-kampanye tiok aghi, Kacuali hanyo paramian milis, Ba-sarius sariosa sarato kabucikak jo bagarah
Uda Zul nak rang Philiang, Pai raun ka Tabanan, Dunsanak mak Malin nan di Duri
Lah di-semprit lah di-larang, Lah baduo bana uda awak managahan, Bia lah baranti juo ambo kini2
Mak Malin urang pagurau, Gurau ba-gurau rang palanta, Mokasi Da Zul nan lah mahimbau, Nasehat uda ka ambo pakalang jadi banta
Buruang si-nurak buruang si-nuri, Malayang malayok ateh pamatang, Manukiak turun kabatang sago
Indak denai cari simpati, Hanyo pasan da’wah nan ambo hidang, Pitaruah ustadz Haji Firman Caniago
Sangkak buatan tukang Pasia Baru, Balam lia dipikek di Padang Lua, Pai mamikek di ari Minggu
Ah masak iyaaa..diajak ka nan elok kok nggak mau, Atau mungkin mak malin nan panggageh bana, Kok iyo baitu, bia tareneang mak malin daulu
Bungo Satangkai ustano alam, Gandang ditabuah dubalang Sati, Bunyi tadanga ka Ulakan
Iya dong dalam Islam kan dilarang ngobral janji, Makanya lihat aja tuh bukti, Soal pilihan kito pulangkan ka diri kito sendiri nan punyo badan
Mandi bakucimpuang di Mandi Angin, Malin Malin Bandaro ba-gubalo kabau, Kabau di-irik ciat2
Iyesss …Hati muluik parbuatan jan sampai balain, Bukan sajo itu pantangan anak Minangkabau, Itu banalah nan dipitaruahkan rasul kito nabi Muhammad
Indak Nokia sumbarang Nokia, Handphone mak malin Motorola, Tak buliah badariang kutiko ba-jama’ah
Curito iyo curito, ba-isi da’wah sudahlah nyata, Ma-ajak umat jauhi maksiat sarato bala, Tapi nan pantiang jan sampai kito ba-pacah balah
Alhamdulillah, iko pasan dari jauah dari dunsanak kito dipulau Bali, pasan untuak kito kasado alah no, indak tabateh ka caleg sajo doh tapi kasado alahe kito nan basamo, semoga umat Islam menjadi tuan dinegeri sendiri, mari galang kekuatan kita mari teriakan kembali “IJHO ROYO-ROYO arati no Kekuatan Politik Islam menjadi Mayoritas dinegeri yang bermayoritas Mosleem ini. amiin
Assalamualaikum wr.wb:
Nan rancak mangaa yo dihari minggu ko , elok lah kito bapantun ria sajo mumpung bapantun alun dilarang , karano iko khasanah budaya minang kabau nan mesti awak lestarikan , kiro kiro pantun ambo baiko bunyinyo :
Mak Malin om nya ….Rarach
Amuah kampanye satiok hari
Lai ditagah indak tatagah
Pabia se lah iyo nan jadi .
( maksud hati manghimbau ....bukan manyemprit , nggak diterima apa boleh buat)
Mak Malin urang pagurau
Namuah bagurau satiok hari
Buruang nan randah nan kadijangkau
Tangan tagarik jo tabang tinggi
( mau menarik simpati , eh tak tahunya malah bisa buyar kabeh )
Bunyi gandang talu batalu
Sauik basauik alu didanga
Balam pamikek kok indak mau
Di maa kadapek si balam lia
( jadi jurkam kudu ulet , bisa membaca situasi , dan bisa memanfaatkan peluang)
Gadanglah aiea di sitingkai
Gadangnyo sampai ka Ulakan
Nan sabuah jaan diungkai
Nan rumik usah dikatokan
(Tetap kemukakan persatuan dan kesatuan di palanta )
Dibaok ribuik dibaok angin
Dibao pikek dibao langau
Muluik jo hati kok balain
Pantangan adat minang kabau
( janji harus ditepati , setelah terpilih dalam pemilu nanti , jangan lupa sama rakyat kecil yaa , semoga sukses)
Wassalam : zul amry Piliang ( 55 ) di kuta bali
Do you Yahoo!?
Exclusive Video Premiere - Britney Spears
