Mungkin Angku Suryadi, sadang MakNgah se indak takona jo panggilan MANTIALAU ko doh? Sakadar ejaan apokoh MANTIALAU atau MANTILAU? Rasonyo itu namo buruang yo?
Kalau AMAK PAJA, di daghek ado variasi-e AMAI PAJA. Salain Induak Bareh, Urang Rumah, Anak Rumah, Biyainyo, Biyaino, atau disunglap Beno. Ado juo Meno, kapendekan dari Amaino. Kadang-kadang agak aluih ado juo tadanga Kawan. Dalam batanyo apokoh saurang padusi alah kawin atau alun tadanga tanyo tu, alah bakawan atau alun. Mungkin pamainan bacoan huruf Malayu (Jawi) kaf-wau-nun. Memang kayo perbendaharaan Bahaso Awak. Beno jo Pakno ko baru ambo dapek parajai dari mambaco agak teliti Carl Chairul (alm) Ketika Merah Putih Terkoyak nan banyak barisi unsur budaya dalam miniatur seluk beluk kehidupan nyata Minangkabau dalam Nagari dan Masyarakat Serasah. Tantang Beno, kok tadanga di Dino, mungkin dapek ditakokno. Beno kapendekan dari Biyaino. Sadangkan unik dalam panggilan keluargano, Dino, adolah panggilan khusus kapendekan dari Adino atau Adiakno. Dalam keluarga Dino ado Dano (Udano, kakak laki-laki dari Dino) dan Nino (Unino) kakak perempuan sepupu dari Dino. Langkokno, adiak Dino nan padusi banamo Dini. MakNgah indak ka Konperensi Diaspora Indonesia di Los Angeles tu karano indak terkaha pai sajauah tu. Konsiderasi terlalu panuah acara akan terlalu banyak urang. Labiah rami dari pasa taranak raso kahilang se awak indak tantu ikua pasa kapalo pasa... Ambo raso Joduta pun dindak pai doh. Laporan atau tinjauan Hasil Konperensi Diaspora tu alun ado tadanga lai di media doh. Salam, -- MakNgah Pagi Minggu sahabih wakatu subuah Manjalang matoari tabik Di Tapi Riak nan Badabua July 29, 2012 --- In rantau...@yahoogroups.com, Lies Suryadi <niadilova@...> wrote: > > Aha ha...Mak Ngah, untuang sajo Mak Ngah indak mamakai istilah kami di > Piaman 'MANTIALAU' atau 'AMAK PAJA' ka Uwan Dino. Kalau istilah tu nan Mak > Ngah pakai, tantu tambah tacangak baliau. > > Lai rami nan datang di pertemuan Indonesian diaspora tu, Mak Ngah? > > Wassalam, > Suryadi > > Dari: sjamsir_sjarif <hambociek@...> > Kepada: rantaunet@googlegroups.com > Dikirim: Jumat, 27 Juli 2012 17:25 > Judul: Re: [R@ntau-Net] OOT, Kartu Nama Pak Dino > > Mungkin mukasuik Joduta "mamasokan" [diri], bukan "mamaso". > > "> Jadi tapasolah pintu rumah dibukak.....hehehe...." > Takana di ambo kedek Papanyo Dino, Pak Hasjim Djalal, > kawan sakampuang sajak ketek: "Tamu tu rasaki ..." > Jadi, jan disasai, barasaki lah Joduta kadatangan tamu ... > InsyaAllah samo batambah rasaki di maso datang. > > Jan lupo Dino jaleh Urang Awak, tapi mungkin laia di lua, nan jaleh gadang di > lua nagari baputa-puta manuruik ayahnyo di Diaspora. Jadi mungkin banyak Caro > Awak nan takalimbun dinyo. > > Patang ko di San Fancisco sabalun mangatangahkan gagasan acara Diaspora, Dino > tagak di lua Wisma di gerbang masuak maliek ka bawah ka jalan mandaki. Ambo > maegek-egek dari bawah maangah-angah; sudah dakek kami basalaman. Dek lah > lamo indak basuo, sajak baliau jadi Duta (bukan mardin:) sambia basalam ambo > batanyo, Lai takana? Lai Pak keceknyo. Ambo tanyo baa kaba Papa? InsyaAllah > lai sehat Pak. > > Dek indak tampak induak barehnyo nan ambo alun panah bakatahuan, > ambo tanyo "Maa Induak Bareh?" > Dino agak tacangak kurang paham jo tanyo ambo jo Caro Awak tu: > "Apa itu Induak Bareh?" tanyonyo. > "Rangkayo" kecek ambo. > Karano masih tabaco di ambo matonyo masih batanyo-tanyo, > Ambo langsuang tambah: "Nyonya". > "Oh," keceknyo, "kerja tak bisa datang..." > Mudah-mudahan batambah juo perbendaharaan Bahaso Minangnyo. > > Salam, > -- Wan Sjamsir > Sjamsir Sjarif > Di Tapi Riak nan Badabua > Santa Cruz > Takana lo Sate Padang Rangkayo Lis jo Juduta ...:) -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
