Nakan Armen nan pro aktif dan kreatif sarato dedikatif, Buliah mamak batanyo ciek, apo beda nyo "urang nan ampek Jinih" jo "urang Jinih nan ampek"? Di Pasisia nan mamak tau hanyo istilah Urang nan ampek Jinih, baiak ditingkat Nagari, Suku jo kaum.
Khusus di Nagari Kambang , sagalo katantuan/tatacara Adat ado di Monografi Adat Nagari Kambang. Soal lareh nan bapakai , tatulih "Adat Koto Piliang Langgam Budi Chaniago" Kecuali intern suku Tigo Lareh, Adat jo Langgam Budi Chaniago Dalam babarapo acara adat di Kambang masih nampak pelaksanaan musyawarah mancapai mufakat , nan sistemnyo bajanjang naiak batanggo turun, misalnyo dalam acara manatapkan Rajo Adat, Pangulu Ikek, Pangulu Pucuak, Pangulu Sandi dan Pangulu Kaum. Demikian pulo dalam acara kematian, perkawinan dsb. Sajak adonyo Kerapatan Adat Nagari Peran Lembaga Adat memang tidak lagi berfungsi, terutama dalam soal-soal pamarentahan,pembangunan jo kemasyarakatan dalam Nagari, perangkat Urang Ampek Jinih jo Tigo Tungku Sajarangan indak nampak, Wali Nagari nan dulu dipacik Rajo Adat, dipiliah indak badasarkan adat, Monografi Adat Nagari nan cukuik lengkap pedomannyo indak dipedomani lai sapanuahnyo, Pangulu nan diangkek umumnyo indak mamanuhi syarat, indak manguasai Adat istiadat, tidak menguasai/mengenal ulayat jo anggota kaum, kurang religius, kurang wibawa dst. penyebabnya banyak sekali, nan cadiak2 banyak dirantau, nan dikampuang tingga nan miskin, kurang ilmu , ndak bisa jadi panutan, pangulu ado nan dirantau jarang pulang, panungkek susah dicari urangnyo, anggota kaum banyak taserak jo susah mangumpuakan dst., Itulah sekedar gambaran singkek situasi jo kondisi Nagari kami. Dari ma kamamulai managakkan ABS-SBK, Mamak alah maagiah buku Pedoman Pengamalan ABS-SBK ka KAN jo ka 4 Wali Nagari Kambang, maagiah pangarahan, tapi alah satahun indak ado perkembangan , antah lai dibaco atau indak buku itu. Wassalam, AA /090812/ 71-, Kampai, Tangsel. From: Armen Zulkarnain Sent: Thursday, August 09, 2012 4:01 AM To: rantaunet@googlegroups.com Subject: Bls: [R@ntau-Net] Mari kito mangaji (28) Mak Sutan Sinaro nan ambo hormati, Salaruik salamo nan ko ambo sadang mancubo mancari nagari ma nan ado di ranah minang nan manyabuikan lareh nan bapakai adolah Koto Piliang. Namun hinggo kini iyo alun basuo bana lai. Kabanyakan nan dianut adolah azas pisang sikalek-kalek utan, pisang timbatu nan bagatah, bodi caniago inyo bukan koto piliang inyo pun antah. Baa kok bitu? Sistem bajanjang naiak batanggo turun ko labiah kental aroma 'feodalnyo' nan bisa mambuek nagari santoso pabilo urang nan ampek jinih sarato urang jinih nan ampek sabana amanah untuak kemaslahatan masyarakat di nagari. Pabilo kito mancaliak, sajak tahapuihnyo sistem pemerintahan nagari di era awal 80-an nan kudian pado era otonomi daerah ko mulai dicubo untuak dipakai baliak. Apo nan tajadi samaso kurun wakatu 20 tahun terakhir, iyo mambuek masyarakat kito nan disabuik ranah minang ko labiah nafsi-nafsi untuak hiduik bamasyarakat. Kebersamaan untuak musyawarah mancapai mufakat alah banyak hilang di nagari-nagari, dimano lembaga pamangku adat ko banyak nan indak bafungsi lai. Baa kok bitu? Apo nan tajadi kini di masyarakat di nagari-nagari di ranah minang, peran pemangku adat ko indak sabana bafungsi. Baa kok bitu? Mo lah kito tanyokan kapado niniak mamak nan ado di palantan nan ko, apokah baliau ko adolah pangulu, datuak andiko, malin, manti, dubalang, kadi, imam, khatik ataupun bilal. Apokah niniak mamak kito ko lai jaleh dek baliau-baliau ko anak kamanakannyo? Apokah jaleh dek baliau-baliau ko bateh-bateh ulayatnyo, baiak nan ulayat kaum, ulayat suku, apolai ulayat nagari. Nan terakhir apokah lai ado komunikasi antaro niniak mamak nan sanagari dalam limbago adat nagari ko? Baitu pulo kito urang minang nan barasa dari nagari-nagari ko, apokah kito lai jaleh kapado dunsanak kito saparuik, sajurai, sakaum hinggo sanagari. Apokah kito lai tahu niniak mamak urang nan ampek jinih sarato urang jinih nan ampek dari nagari asa kito masing-masing. Baa pulo kehidupannyo, sabab baliau-baliau nan ditinggikan sarantiang, didulukan salangkah nan ko mampunyo tangguang jawab dunia akhirat untuak maurus anak kamanakan dari mulai tingkek paruik, jurai, kaum, suku hinggo nagari. Adolah hal nan ambo caliak kini, hampia di satiok nagari-nagari di ranah minang hal iko indak bafungsi lai. Adolah hal nan kito caliak kini, pado satiok nagari-nagari, dimano kepedulian urang minang pado limbago adat nagarinyo hampia indak ado samo sakali. Hal iko pulo, nan disabuik malu sabana malu nan indak dapek dibagi, dimano pado suatu nagari indak tajalin usaho untuak mampasamokan, baiyo batido managakan apo nan disabuik Adat Basandi Syarak, Syarak Basandi Kitabullah nan ko. Pabilo ado dari angku, mamak, bundo sarato dunsanak nan berkeberatan manyabuik limbago adat nagari di nagari asa indak bafungsi lai, mohon barikan data personal satiok niniak mamak urang nan ampek jinih sarato urang jinih nan ampek ko, sahinggo hal iko bisa kito taruihkan kapado LKAAM dimasing-masing kabupaten/kota, sahinggo keterwakilan anak kamanakan disatiok nagari bisa pulo sampai ka Lembaga Karapatan Adat & Alam Minangkabau ko. Apo nan tajadi kini, indak ka bisa dipaelok-i oleh urang lain, sabab hanyo anak nagari sendiri lah nan bisa managakan limbago adat nagari nan ko, sabab sifatnyo mambasuik dari bumi, mulai dari paruik taruih ka jurai kudian ka kaum blek kato di satiok suku sahinggo marwah adat limbago di nagari ko bisa tabangkik baliak. Oleh karano itu, peran penting perantau minang kapado nagari asanyo, marupokan hal urgent untuak managakan baliak limbago adat nagari ko, sahinggo apo nan tajadi di nagari-nagari, apo nan balaku pado kahidupan anak kamanakan bisa babaliak sasuai ABS SBK mantun. Bacurito hal iko, tantu mamaralukan wakatu, tanago, pamikiran, pendanaan dari kito basamo, tantunyo untuak maatur kamaslahatan urang sanagari, baiak nan di kampuang maupun nan di rantau. Dek karano itu, usah juolah kito bamimpi pemda/pemko akan mamikiakan hal iko, sabab 99,99 % masajik nan tagak di nusantara ko dilakukan jo caro baiyo batido, dengan semangat gotong royong untuak dunia & akhirat, baitu pulo pabilo kito mangkaji proses babaliak banagari nan ko. Mungkin itu sajo nan bisa ambo sampaikan, akan sabana rancak di bulan suci Ramadhan ko, kito mahubuangi dunsanak kito saparuik, sajurai, sasuku, sakaum & sanagari untuak mampaiyokan basamo-samo managakan marwah nagari kito, sahinggo usaho manuju hiduik di dunia & di akhirat ko bisa kito ansua-ansua taruih. Angku, mamak, bundo sarato dunsanak sapalanta nan ambo hormati, dalam Islam, ukhuwah islamiyah ko indak ado kato baranti untuak taruih mausahokannyo, apolai dalam tatanan adat kito nan disabuik urang minangkabau nan ko, alah diwarihkan sajak niniak moyang dari zaman saisuak tatanan adat nan bisa kito pakai, tingga dikito sajo untuak mampasamokannyo tantu ditanggakan pulo ego surang-surang, sabab kendala utamo untuak baiyo batido ko adolah ego pribadi kito sendiri, banyak maaf. wasalam AZ/lk/34th/caniago Kubang, sadang di kampuang babako ka Canduang Koto Laweh, Agam -------------------------------------------------------------------------------- Dari: Sutan Sinaro <stsin...@yahoo.com> Kepada: "rantaunet@googlegroups.com" <rantaunet@googlegroups.com> Dikirim: Rabu, 8 Agustus 2012 22:47 Judul: Re: Bls: [R@ntau-Net] Mari kito mangaji (28) Maa sanak Armen, jo dunsanak kasadonyo yang Insya Allah dimuliakan Allah swt. -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/