Bung Anwar Djambak, tarimo kasih ateh pertanyaan nan rancak tu, nan diforward dek bung Marindo Palar. Ruponyo alah lamo pertanyaan tu: tg 24 Februari. Mungkin taliwaik ambo mambaco karano sadang dirawat di rumah sakik Surabaya. Ambo cubo menjawab ciek-ciek sebagai berikut. 1) Tentang pemakaian hukum Balando dalam hukum perdata dan hukum pidana. Utk sebagian batua, namun alah diadokan panyusunan RUU pengganti, khususnyo dalam KUHP dan KUHAP. Dalam hukum transitoir memang dibanakan manaruihkan mamakai hukum nan lamo, sampai ado nan baru utk panggantinyo. Utk hukum perdata kan alah banyak kito buek hukum baru, saparati UU tentang Perkawinan, ttg Zakat, ttg Haji. Itu pasti bukan hukum Balando. Baitu juo jo UUPA th 1960 ttg Agraria, mangganti Agrarische Wet th 1870. 2) Tentang Wilayah NKRI. Batua, wilayah NKRI th 1945 mulonyo samo jo wilayah Hindia Belanda, kudian berdasar Hukum Laut Internasional cq UNCLOS 1982 dan Wawasan Nusantara dalam Deklarasi Djuanda th 1957 dipalaweh jo laut wilayah dan zona ekonomi eksklusif 200 mil di lua laut teritorial. Jadi wilayah NKRI kini jauah labiah laweh dari wilayah Hindia Belanda dek sari. 3) Wilayah bekas kerajaan tapaso masuak NKRI ? Samo sakali indak batua. Sumatera bagabuang jo NKRI tg 24 Agustus 1945, melalui Proklamasi nan diumumkan dek Angku Syafei dari Kayutanam. Sudah tu manyusul baturuik-turuik Sultan Jogja, Sultan Siak dll. Paling akhir, tg 17 Agustus 1950 melalui Mosi Integral Mohammad Natsir di Parlemen RIS seluruh Indonesia bagabuang jo NKRI,kecuali Papua nan masih dikuasoi Balando, dan baru baintergasi th 1963, walau masih dipersoalkan sampai kini. Soal Timor Timur itu lain carito, dan kini alah tagak surang. 4) Pemimpin kito didikan Balando ? Ha iko sabagian batua, karano faham nasionalisme iko kan lahia di Eropa dalam abad ka 18. Sekedar catatan, banyak juo kaum nasionalis kito bapendidikan Mesir cq Universitas Al Azhar di Cairo. 5) Indak ado samo sakali sejarah Nation State ? Iko jaleh kaliru gadang. Silakan baco sejarah kebangkitan nasional 1908, Sumpah Pemuda 1928, risalah sidang-sidang BPUPKI-PPKI Mei sd Agustus 1945, Proklamasi 17 Agustus 1945, Agresi Balando Pertamo th 1947, Agresi Balando Kaduo th 1948, PDRI Desember 1948 sd Juli 1949, DI/TII 1949 sd 1962, PRRI-Permesta 1958-1961, G30S/PKI th 1965 dll. 6) Soal rumusan Proklamasi ? Batua, dalam mambuek Negara baru, harus ado pamindahan kekuasaan dari pamarentah nan lamo ka pamarentah nan baru. Wilayah dan Rakyatnyo tetap. Rumusan proklamasi iko juo ado dalam alinea katigo Pembukaan UUD 1945. 7) Tentang hubungan Indonesia - Malaya ( bukan Malaysia ), itu alah salasai. Kito manampuah jalan surang-surang. 8) Tentang seharusnyo Balando mambayia hutang karano Balando kalah ? Indak juo, Balando indak kalah doh, tapi ditakan dek Dewan Keamanan PBB. Dalam Konferensi Meja Bundar di Den Haag th 1949, pak Hatta pernah manyingguang soal hutang iko, namun alih-alih Balando nan mambayia ka kito, malah kito nan mambayia ka Balando. Heran nggak tuh ? Untuang hasil KMB tu alah dibatalkan Soekarno kudian. Itu sekedar nan nampak dek ambo. Kok balabiah tolong dikuduang, kok singkek tolong dibilai. Talabiah takurang mohon maaf. Wassalam, SB.
Saafroedin Bahar. Taqdir di tangan Allah swt, nasib di tangan kita. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://rantaunet.wordpress.com/2011/01/01/tata-tertib-adat-salingka-palanta-rntaunet/ - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti [email protected] . Untuk opsi lainnya, kunjungi https://groups.google.com/groups/opt_out.
