Assalamualaiakum warahmatullahi wabarakatuh, Kalau baitu Angku Mantari Sutan, iyo bana lah paralu kito basuo. Ambo ingin bana bajalan-jalan sekitar tu. Bukik-bukik jo Rimbo di Triangle ko lah marupokan bagian dari iduik ambo, lah ambo rancah maso saisuak. Jalan mancik ambo mamutuih dari Buo jo Tigo Jangko ka Tamparungo lapeh ka Sumpu, Tambang, Silantai, Unggan.
Patabngko, 2003 ambo lai ka Kumanih, duduak-duduak maota jo ummat di Simpangf Kumani, sudah tu taruih ka Pasa Kumani. Basuo Urang Sumpu bakadai nasi, maota panjang. Ruponyo inyo kenal jo ambo katu inyo ketek-ketek masih carito-carito Kak Kancia jo adiaknyo. ka pai ka Sumpu wakatu itu, ditagahkannyo karano awak bahonda ari lah pukua amopek pulo. Awal 2004 ambo ka Ampalu Halaban, ka Lintau, Kumanih taruih ka Sumpu jo Kijang. Tibo di Sumpu lah malam pulo, ambo ingin bamalam, tapi anggota saoto nan indak pandai mengembara ingin pulang. Ambo basuo jo Etek Sukar nan mangucap-ngucap maimbau-imbau namo ambo Sjamsir.Alahamdulillah lai basuo awak baliak kecek baliau. Balau kenalkan ambo ka anak-anak mudo nan sadang rami di Kampang wakatu sore tu. Ikonyo nan kalian bayangkan urang kiramat nan mananam Durian di rimbo tu... ambo ingin baliak kuliliang di daerah Triangle tu. Kok awak basuo nanti, kito sadiokan wakatu agak sacacah-duo-cacah buliah nak lapeh angah-angah. Sakitu lah dahulu. Salam, --MakNgah Sjamsir Sjarif --- In [EMAIL PROTECTED], Mantari Sutan <[EMAIL PROTECTED]> wrote: > > Assalamualaikum Mak Ngah, > > baru sempat ambo mambaco postingan nan iko. > agak tasibuk bara ari ko jo urusan manggaleh ubek > Ambo urang kumanih tulen Mak. Sampai kini urang gaek ambo masih tingga disinan. > Tabik ramang ambo mambaco postingan Mak Ngah. > Biasonyo carito iko hanyo ambo danga dari urang-urang tuo di kampuang. > Dan ambo anggap cuma parasaan "little chauvinistik" mereka sajo atas kampuang sendiri. > Bicaro soal situs, di kampuang ambo memang ado beberapa situs lamo. > Diantaronyo kubu rajo (pandam pakuburan bako ambo suku malayu), di tapi batang sinama tu juo ado sabuah tempak banamo batu bajonggi. Ambo menerjemahkan tampek tu samacam "punden berundak" tampek pemujaan masyarakat animisme pra islam. Cuma batu ko kini indak ado lai do. Urang kampuang ambo masih suko ka sinan, untuak proses bakaua sabalum musim tanam di mulai. > > Kubu Rajo ko ambo mancaliaknyo sabagai sebuah tampek menhir, karano tengginyo batu-batu nisan disinan. > > Kapatang urang tuo padusi ambo sempat bacarito, ado bule datang ka sikolah tampek baliau maaja. mananyoan soal kubu rajo dan batu bajonggi ko. Si bule ko sempat bajalan ka sinan. > > Kok ado mak ngah rancana pulang kampuang, hubungi ambo mak. Ambo kawani mamak ka kampuang ambo. > Kito sigi tampek-tampek nan marupokan situs lamo "pagaruyuang kuno". langkok jo curito-curito legenda rajo-rajo dulu. > > Ambo nan bongak ko pernah berteori, meyakini proses mudiak aia dulu niniak moyang kito dari daerah asia balakang ado duo jalur. yaitu liwaik batang hari dan liwaik batang indragiri. Nah nan maandok di kampuang ambo, nan mamudiak batang indragiri. Tapi antahlah... > > Wassalam > > Mantari Sutan > > Note: > Ibu ambo saat iko sadang berusaha untuk membebaskan lahan-lahan situs bersejarah mantun. Takuik dipaladang urang dan tampek-tampek ko, jadi ilang se lai. Alhamdulillah, kini lah ado anggaran dari pemkab untuak itu. > > > > ----- Original Message ---- > From: hambociek <[EMAIL PROTECTED]> > To: RantauNet@googlegroups.com > Sent: Sunday, February 17, 2008 9:45:18 PM > Subject: [EMAIL PROTECTED] Wisata Sejarah, ... Triangle Pagaruyuang - Buo - Sumpu Kudus > > > Assalamualaikum warahmatullahi wabarakatuh, > > Kadang-kadang ambo punyo tendensi pamahaman pluraliti untuak > pangaratian nan tasimpan di dalam "Kerajaan Minangkabau" ko > sabagai "Kerajaan-kerajaan Minangkabau"; baitu juo dengan "Adat > Minangkabau" sabagai "Adat-adat Minangkabau". "Kerajaan Minangkabau" > tampaknyo bukanlah suatu kesatuan lembaga nan solid; baitu juo "Adat > Minangkabau" bukan suatu kesatuan budaya nan solid, Lain Lubuak lain > Ikannyo, lain Padang lain Bilalangnyo. > > "Pagaruyuang" sandiri ,isanyo, ado duo, "Pagaruyuang Lamo" > jo "Pagaruyuang Baru". Pagaruyuang Baru talatak di Nagari Pagaruyuang > nan kito katahui kini ko, tampek parumahan "Bekas Ustano Rajo > Pagaruyuang nan Asli" [indak samo jo Ustano Pagaruyuang nan babuek > baru untuak museum nan baru tabaka ditembak patuih baru-baru ko]. > Sadangkan "Pagaruyuang Lamo", nan lah takalaimbun pulo dalam Pandangan > Sejarah kini, ado di Kumanih di Tapi Batang Sinama ... Pagaruyuang > Lamo ko marupokan triangle strategis antaro Buo dan Sumpu Kudus, > Triangle Kekuasaan Rajo Alam, Rajo Adat, dan Rajo Ibadat... > > Salam, > Sjamsir Sjarif > > > [EMAIL PROTECTED] Re: Wisata Sejarah yang Terlupakan, Perpaduan Hindu- Budha > dan Islam nan Mempesona > > > Assalamualaikum w.w. Nanda Nofriadi. > > Terima kasih Nanda. Saya rasa memang masih banyak khazanah sejarah > Minangkabau yang belum kita ketahui bersama dan karena itu perlu kita > ungkap. Dalam Seminar Kebudayaan Minangkabau -- kira-kira tahun 2006 -- > saya pernah mendengar adanya 43 kerajaan di Minangkabau. > > > Wassalam, > Saafroedin Bahar > (L, 70+6+7, Jakarta) > --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet. - Tuliskan Nama, Umur & Lokasi anda pada setiap posting. - Hapus footer & bagian yg tidak perlu, jika melakukan reply. - Email attachment, DILARANG! Tawarkan kepada yg berminat & kirim melalui jalur pribadi. - Posting email besar dari >200KB akan dibanned, sampai yg bersangkutan minta maaf & menyampaikan komitmen mengikuti peraturan yang berlaku. =============================================================== Berhenti, kirim email kosong ke: [EMAIL PROTECTED] Daftarkan email anda pada Google Account di: https://www.google.com/accounts/NewAccount?hl=id Agar dapat melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
