Saak Arfi dari Tiku, Tarimo kasih ateh katarangan tambahan dari Sanak. Memang bagi kito di salingkaran Maninjau jo Piaman, nagari Sanak Arfi ko sangaik menarik, sangai tasabuik. Banyak nan unik2 dihubuangan urang jo Tiku ko. Kalau soal carito Anggun Nan Tongga Magek Jabang (Mak Ngah tantu labiah banyak tau), indak ado lai.......lah jaleh Tiku di sabuik2. "Ondeh adiak Santan Batapih, anak rang Tiku Pariaman", baitu antaro lain penggalan kato rukang sijobang. Ado kesan nampak dek ambo Tiku ko samacam nagari panuah kiramaik lo dulu. TIKU. Dari ma lah kato ko asa e? Ambo kiro banyak hal nan masih paralu digali tantang nagari Tiku ko. Oh yo, zaman Ulando (Parang Pidari), di Tiku Ulando malatak'an ciek gezaghebber (samacam camaik ketek), dek nagari ko dianggap penting dek Ulando. Kok pulang Sanak Arfi ka kampuang, jan lupo makan gulai SINANGIH jo BADA TIKU tu. Suruah banyak'an daun kuku (ruku2) de gaek Sanak, nak badaceh raso e, malakok santan jo garam. Kok padeh siuik2-i Sanak dek kuah lado padi marapuang tu, caritokanlah ka kami di lapau ko. Sakadar untuak mailia-ilian aia salero kami je, he he. Baa agak hati Sanak Jepe jo Dinda Andiko tu? Wassalam, Suryadi
________________________________ Dari: Arfi Bambani <a_bamb...@yahoo.com> Kepada: "rantaunet@googlegroups.com" <rantaunet@googlegroups.com> Dikirim: Rabu, 26 Juni 2013 5:55 Judul: Re: Bls: [R@ntau-Net] OOT: Galeh lah tasorong ka Tiku Salam sanak RN, Tarimo kasih, Pak Sur (ambo sangajo panggia apak karano sakampuang jo ayah ambo), atas pepatah yang baru ambo danga kini tu. Ambo raso batua analisis Pak Sur tu soal posisi Tiku sebagai palabuhan gadang zaman dulu, tampek urang Agam manggaleh dan mambali barang dari lua nagari. Di Tiku ko banyak pulo katurunan Arab, Pagai jo Batak gai. Makonyo, gagah-gagah jo rancak-rancak Rang Tiku ko, sampai tasabuik dalam carito Anggun nan Tongga. Ciek lai, ambo tambah saketek, dulu di Tiku ko ado komunitas orang Cino. Sampai awal abad 20 masih ado, tapi konon sekitar tahun 40-an, diusia rang kampuang ko. Abih lari malam urang-urang Cino ko dari Tiku. Rumah toko tampek ambo digadangan malah peninggalan urang Cino ko, tapek di tapi Pasa Tiku lataknyo kini. Dulu, kecek amak ambo, Cino yang manggaleh di rumah toko ko. Inyo lari (atau mungkin dibunuah), Ungku ambo yang maambiak rumah toko ko. Warisan kebudayaan Cino ko masih tatingga sampai kini. Misalnyo makanan. Di Tiku ko, setidaknyo ado duo makanan unik yang tanyato setelah ambo pelajari, warisan kuliner Cino yaitu lapek koci-koci dan bubua pakai sop ikan atau sampadeh ikan. Lapek koci-koci ko banyak di Singapura, samantaro bubua ko agak identik jo bubua Pontianak yang diproduksi warga keturunan di sinan. Pernah pulo ambo wakatu ketek, manggali-gali tanah dakek sakolah, basirobok pitih koin balubang di tangah e. Katiko alah jadi jurnalis, tampak foto pitih Cino di Trowulan, takana ambo jo pitih koin tu. Sarupo mode e. Carito urang kampuang, dulu pasie Tiku memang sampai ka dakek sakolah SD ambo tu. Soalnyo kini, Pasie Tiku tu batambah taruih, makonyo diagiah namo Pasie Maelo di rang kampuang. Sangenek, Arfi Rang Tiku karajo di Jakarta ________________________________ -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti berlangga...@googlegroups.com . Untuk opsi lainnya, kunjungi https://groups.google.com/groups/opt_out.
