Assalamualaikum!
Mak Ngah sarato mamak2 nan lain di lapau. Di bawah mbo kutipkan babarapo pantun
koleksi Van Ophuijsen nan nyo salin di Minangkabau akhir abaik ka-19.
Manuskripnyo kini tasimpan di Perpustakaan Universitas Leiden. Mbo inok
manuangkan sabana tajam saik kato malereng bahaso Minang ko. Nyo sabuik SAMPAN,
tapi maknanyo jauah di baliak tu. Cubolah jalehan dek Mamak2 nan arih bijasano
di lapau ko, supayo nak tahu nan mudo2 nan duduak di palanta sabalah tu ha.....
Salam dari Leiden
Suryadi
==========
Ayam kinantan Sutan Bantan,
Basah dadonyo pulang mandi,
Elok dibongka isi sampan,
Nangkodo raso ka baganti.
Putiah kasiaknyo Pulau Karang,
Tampak nan dari Ujuang Batu,
Lauik intan bapaga karang,
Adokah buliah sampan lalu?
Kayu aro di Kampuang Surau,
Ikatan ayam biring jalak,
Putiah mato mamandang pulau,
Sampan ado pangayuah tidak.
Kambang mambacuik bungo bakuang,
Juntai bajuntai kapeh Cino,
Batulak ajuang samo ajuang
Tasisiah sampan dagang hino.
________________________________________________________
Bergabunglah dengan orang-orang yang berwawasan, di di bidang Anda! Kunjungi
Yahoo! Answers saat ini juga di http://id.answers.yahoo.com/
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di
http://groups.google.com/group/RantauNet/web/peraturan-rantaunet.
- Tuliskan Nama, Umur & Lokasi anda pada setiap posting.
- Hapus footer & bagian yg tidak perlu, jika melakukan reply.
- Email attachment, DILARANG! Tawarkan kepada yg berminat & kirim melalui jalur
pribadi.
- Posting email besar dari >200KB akan dibanned, sampai yg bersangkutan minta
maaf & menyampaikan komitmen mengikuti peraturan yang berlaku.
===============================================================
Berhenti, kirim email kosong ke: [EMAIL PROTECTED]
Daftarkan email anda pada Google Account di:
https://www.google.com/accounts/NewAccount?hl=id
Agar dapat melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
