Bls: [R@ntau-Net] sedikit tentang Estetika Pantun Minang

[azmi abu kasim azmi abu kasim]

Assalamu’alaikum w.w.                         Kerlapa Gading 4 Maret
2009

 

Angku Lies Suryadi, Buya
HMA,  

sarato dunsanak sapalanta
nan ambo hormati.

 

            Batua nan dikatokan angku Suryadi,
takana samaso ketek, samaso lalok di surau. Sasudah mangaji turun kabawah ka
sasaran, baraja basilek dan barandai, kemudian lalok, sabalun lalok di
lanjuikkan dengan parang pantun, di waktu baraja barandai ado beberapo pantun
nan masih takan sampai kini :

 

            Urang
darek barumah sudah

            Baukia janjang
tanggonyo

            Kato arek janjilah
sudah

            Kamukia pulo malah
kironyo.

            

            Urang Kamang jo urang Magek

            Nan
bapakan ciek baduo

            Urang tagamang lai
bajawek

            Ambo tagamang jatuah
sajo

 

Kemudian dilanjuikkan parang pantun :

 

            Maninjau
jo Sungai Batang

            Ka Tigo jo Tanjung
Sani

            Di sangko paneh sampai
patang

            Kironyo ujan tangah
hari

 

Nak duo pantun sairing, tigo dima kabuliah ambo nan indak
babatangnyo.

 

            Maninjau
jo Sungai Batang

            Kasuwok jalan nan ka Bayua

            Di kiro cahayo paneh
patang

            Kironyo bungo dalam
sanggua

 

            Maninjau jo Sungai batang

            Anam koto bapadi Masak

            Maliek rono loyang
datang

            Tasampak ameh urai
awak.

 

            Pado mandaki ka Batung
Panjang

            Elok manurun ka Muaro
Pauh

            Nampak nan dari koto
tuo

            Pado mularaik di bao
pulang

            Bialah rantau di
pajauh

            Jatuah badari aia mato

 

Sakutu pulolah dahulu, ibulo hati jadinyo, lain kalilo di
sambung.

Wasalam,

Azmi Dt.Bagindo 

 

 



--- Pada Rab, 4/3/09, Lies Suryadi <niadil...@yahoo.co.id> menulis:

Dari: Lies Suryadi <niadil...@yahoo.co.id>
Topik: Bls: [...@ntau-net] sedikit tentang Estetika Pantun Minang
Kepada: "azmi abu kasim azmi abu kasim" <azmi_libra_kenc...@yahoo.co.id>
Tanggal: Rabu, 4 Maret, 2009, 8:45 PM

Bpk Azmi Dt. Bagindo, Bpk. Epy Buchari, Bpk. St.Lembang Alam, Dinda Nofend 
(Buya Mas'oed kama lah kini ko?), sarato dunsanak sakalian,
 
Batua nan dikatokan dek Bapak Azmi, makna pantun Minang ko dapek disasuaikan jo 
situasi bilo dan dalam suasana baa inyo diucapkan. Di situlah kehebatannyo; 
itulah nan ambo sabuik sifat polisemi pantun Minang ko.
 
Memang dulu pantun ko buah kato. "Sarancak sagagah ko awak, indak bapantun agak 
sabuah" indak kameh badan rasonyo. Baitu bana dulu. Urang nan pandai basilek 
lidah pasti pinta mangarang pantun. Maluncua sajo pantun nan panuah ibaraik jo 
kato melereang dari muluiknyo, Pasambahan jo pantun bapilin2 tumah, bantuak 
tali gasiang. Tabayang dek ambo wakatu ketek di kampuang: takaagum2 ambo maliek 
urang tuo2 basilek kato sabalum maurak jamba.
 
Mambaco transliterasi pantun2 nenek muyang kito nan tasimpan di nagari urang 
ko, tagalak2 surang ambo, sudah tu tarumuak surang, tabayang lereng Singgalang 
jo Marapi. Ko sajamang lai, koleksi Van Ophuijsen dkk. tun:
 
428
Batang sago di hulu rumin, 
Ambiak sakarek jalimuiknyo, 
Kok santano manjadi angin,           
Masuak ka dalam salimuiknyo. 
 
429
Pucuak katela, pisang hutan, 
Ureknyo dikakeh balam, 
Allah Taala Tolan bukan, 
Takana juo siang-malam. 
 
(I love this pantun; Suryadi. Takana dek ambo maso mudo; Buya jo Pak Azmi pasti 
takana pulo dek baliau wakatu mudo dulu mah he he...)
 
430
Anak gagak di Pulau Anso, 
Mangakeh mancari makan, 
Malempah minyak dalam kaco, 
Riaknyo tidak kalihatan.
 
(pantun ini dalam sekali maknanya; Suryadi)
 
438
Basikek duduak di pintu, 
Rambuik tajelo ka halaman, 
Bari tarang Kualo Tiku, 
Mukasuik nak lalu ka Pariaman. 
 
441
Barabab batali tujuah, 
Bagandang lalu ka tapian, 
Sababnyo mumbang tidak tumbuah, 
Dirandang paneh tujuah bulan. 

 
447
Lapeh nan dari Pulau Pandan, 
Andak manjalang Gosong Limo, 
Sanggua nan ranjuang lipek pandan, 
Lawan e deta saluak timbo.
 
(ahai..........mati badan den!; Suryadi)

 
464
Batiak cimangko tangah padang,  
Masak baparam dalam paneh, 
Itiak jo anso nan baranang, 
Manga kok ayam mati lameh? 

 
 

1500
Sia tagak sia manari, 
Doro-badoro lantai papan,  
Ungko  patah siamang mati, 
Maambiak buah manggih hutan.  
 

1511
Ayam putiah tabang ka lambah, 
Tibo di lambah makan padi, 
Kapa upiah pangayuah bilah, 
Maksuik juo ka Batawi. 
  
1512. 
Kapa parang kapa Ulando, 
Kapa Parancih muek garam, 
Jangan ditompang biduak ambo, 
Kapa tirih mananti karam. 
  
1513. 
Hari paneh mananam tubo, 
Tanam sagagang di halaman, 
Biduak ameh layia kasumbo, 
Mintak manompang ambo sinan. 

 

Alah tu dulu. Kokdipaturuik'an sansai badan ambo dek e. Makin dibaco koleksi 
pantun lamo warisan nenek muyang kito o, ko makin maramang bulu kuduak dek e.
 
Wassalam,
Suryadi
=============================

--- Pada Rab, 4/3/09, azmi abu kasim azmi abu kasim 
<azmi_libra_kenc...@yahoo.co.id> menulis:


Dari: azmi abu kasim azmi abu kasim <azmi_libra_kenc...@yahoo.co.id>
Topik: Bls: [...@ntau-net] sedikit tentang Estetika Pantun Minang
Kepada: RantauNet@googlegroups.com
Cc: "Lies Suryadi" <niadil...@yahoo.co.id>
Tanggal: Rabu, 4 Maret, 2009, 6:04 PM







Assalamualaikum w.w..                                               Jakarta , 4 
Maret 2009 
  
Angku Lies Suryadi sarato dunsanak 
Sapalanta nan ambo hormati 
  
Ambo sangat tetarik dengan apo nan  Angku Lies Suryadi  sampaikan yaitu tentang 
perbedaan pantun Minangkabau dengan pantun Malayu dan sekali gus juo angku 
manulihkan pantun-pantun Minang yang asli dan sangat bagus dan tinggi nilainyo, 
halko sangat baharogo buek kito masyarakat Minang, terutama bagi ambo pribadi. 
           
------------------
  
 




Berselancar lebih cepat dan lebih cerdas dengan Firefox 3!

      Berselancar lebih cepat dan lebih cerdas dengan Firefox 3!


      Coba Yahoo! Messenger 9.0 baru. Akhirnya datang juga! 
http://id.messenger.yahoo.com
--~--~---------~--~----~------------~-------~--~----~
=============================================================== 
UNTUK DIPERHATIKAN, melanggar akan dimoderasi/dibanned:
- Anggota WAJIB mematuhi peraturan serta mengirim biodata! Lihat di: 
http://groups.google.com/group/RantauNet/web/peraturan-rantaunet
- Tulis Nama, Umur & Lokasi di setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama 
- DILARANG: 1. Email attachment, tawarkan disini & kirim melalui jalur pribadi; 
2. Posting email besar dari 200KB; 3. One Liner
=============================================================== 
Berhenti, kirim email kosong ke: rantaunet-unsubscr...@googlegroups.com 
Daftarkan email anda yg terdaftar disini pada Google Account di: 
https://www.google.com/accounts/NewAccount?hl=id
Untuk melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---