Memang batua, Sanak Tasril Moeis. Ijazah ambo dari SR/SD sampai SMA tatulih "Saafroedin" sajo. Wakatu di universitas ambo tambah surang jadi 'Saafroedin Bahar'. nan ambo pakai sampai kini. 'Namo ABS SBK' kan baru wacana. Sakironyo nantik kito sapakaik mamakai 'Namo ABS SBK', kan bisa dibuekkan kaidahnyo. Pamaerntah kan manuruik sajo. Tapi, sakali lai, kalau alah nyaman kito jo keadaan indak bapola ko, ambo oke-oke sajo.
Wassalam, Saafroedin Bahar (L, masuk 72 th, Jakarta; Tanjuang, Soetan Madjolelo) "Basuku ka Ibu; banasab ka Bapak; basako ka Mamak". Alternate e-mail address: saaf10...@gmail.com; saafroedin.ba...@rantaunet.org ________________________________ From: Tasril Moeis <tasril_mo...@telkom.net> To: RantauNet@googlegroups.com Sent: Tuesday, March 10, 2009 6:48:38 PM Subject: [...@ntau-net] Re: Manjawek Tentang Tifatul jo Suku Dibalakang Namo Da Sa'af jo dunsnak sa palanta, Raso no kalau untuak generasi nan akan datangpun pasti akan labiah susah. Takana di ambo wakatu anak2 laia kamambuek akta kelahiran. Jan kan kamanambahkan namo suku namo ambo sen sebagai apak no indak buliah ditulihkan dek pagawai nan mambuek akta tu. Akhirno ya namo2 mereka sen nan tapampang di Ijazah, di SIM, Paspor dan surek2 penting lain no. Jadi nan labiah disuruah di agamo sen lah susah apolai manambahkan namo suku. Mungkin bisa kalau dalam pertemuan urang awak sakadar bungo2 namo sen. Wassalam Tasril Moeis st. Tan Ameh (50+) ----- Original Message ----- From: Dr.Saafroedin BAHAR To: RantauNet@googlegroups.com Sent: Tuesday, March 10, 2009 5:07 PM Subject: [...@ntau-net] Re: Manjawek Tentang Tifatul jo Suku Dibalakang Namo Waalaikumsalam w.w., Riri. Hebat, langsuang Riri mancari data statistik dari namo dan gala kito-kito nan bawacana di RN ko. Rasonyo salamo ko memang alun ado di antaro kito nan alah manyigi soal ko sarupo nan Riri lakukan. Rancak dilanjuikkan taruih.Batambah pangatahuan kito. Tasirek dalam data dan analisis Riri tu adolah simpulan, bahaso awak-awak ko indak sistematis bana dalam soal manggunokan namo suku jo soal gala ko. Raso-rasonyo memang baitulah simpulan nan dapek kito tarik dari kenyataan konkrit ko. Tipak di ambo, ambo memang tagalitik bana jo soal ABS SBK ko -- sajak tahun 2004 -- khususnya tantang bara bana serius dan sistematisnya urang awak dalam managakkan doktrin ABS SBK ko dalam kahidupan sahari-hari. Dalam hubuangan ikolah ambo luncuakan gagasan 'Ranji ABS SBK' dan 'Namo ABS SBK'. Gagasan namo ABS SBK ko ambo kambangkan dari fatwa Buya Mas'oed Abidin. Salain itu ambo sato mandorong supayo ado rumusan nan jaleh tantang kandungan nilai ABS SBK, nan alah disambuik baiak dek Gebu Minang jo Pemda Sumbar, walau alun salasai lai. Saran dan gagasan tu ambo mukasuikkan untuak maso datang, bukan untuak maubah namo kito-kito nan alah batahun-tahun kito pakai.. Bahaso indak banyak bana di antaro kito nan alah mamakai namo suku dan gala adat -- tamasuak ambo sandiri -- itu memang kenyataan juo. Sairiang jo itu memang paralu juo kito ranuangkan masalah lanjutannyo: lai sungguah-sungguah dan lai konsistenkah kito untuak malaksanakan doktrin ABS SBK sabagai 'jati diri Minangkabau' nan alah dicanangkan salamo ko ? Atau sakadar untuak buah bibia sajo ? Ambo sampai kini juo masih batanyo-tanyo ka diri ambo surang. Atau nan alah kito biasokan kini alah cukuik rancak, indak paralu diapo-apokan lai ? Kalau memang baitu nan kito sapakati, ambo juo samo sakali indak bakabaratan. Bak kato para pakar, Minangkabau tu memang alah banyak barubah. Kalau soal urgent, tantu indak. Banyak soal lain nan labiah mandasak untuak kito paratikan. Iko sakadar gagasan teoretikal parintang hari. Tapi, mano tahu ado gunonyo nanti. ------ --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: rantaunet-unsubscr...@googlegroups.com Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
