Maa Angku Muchlis Hamid, Radius Lingkaran Jarum Jam Kuliliang Solok nanMakNgah jalani bulan Seoptember 1958 tu lah malabiahi jarak Solok - Muaro Paneh maupun jarak Solok - Panyakalan. Mudaro Paneh wakatu itu memang alah agak paneh dalam suasana parang sahinggo paralu MakNgah jauahi.
Lingkaran pejalanan Solok Sept 58 tu adolah marupokan salah satu lingngaran kecil dari Lingkarang Besr dan belok-belok Karak Kaliang selama April 13, 1958 sampai July 1961. Dari total milieage, mungkin tapak kaki MakNgah nan malatah bumi kampuang halaman nan terpanjang diantara para pejalan wakatu itu. Panjang carito, indak ka takemehi pemintaan Rangkayo Rina di Batam dalam postiang ko. Baa maheraknyo radius Lingkaran Solok nan MakNgah jalani, kalau lai apa namo-anamo nagari, tolong simakkan dan telusur lingkaran Jarum Jam tu. Muloi sajo mancumbok di Suik Aia dari Rawang sasudah merayap dan marangkak dari Padang Gantiang Malinteh Buikik Batu Palano. Sulik Aia. Malapor dan ditarimo sabagai Tamu Wali Nagari. Malamnyo mambari Ceramah di Musajik Sulik Aia. Suatu Ceramah yang suskses dihadiri Rang Kamouang nan rami wakatu itu. -> Tanjuang Balik. Malapor ka Wali Nagari dan Camat. Manjadi Tamu dari kawan lamo di Kantor Gubernur Bukittinggi, di rumah keluarga Angku Dt. Tumanggung. Kasampatan tu dipagunokan untuak istirahat dan maota jo kawan lamo. Paralu istirahat karano sabalun mancoogok di Sulik aia Makngah dari Bonjol Pasaman manarimo mandat surek tugeh dari Pak Imam. Barangkek dari Tanjuang Balik bajalan taruih ka -> Katialo, -. Labuah Panjang, -> Sibarambang. Pemandangan indah yang tidak terlupakan seumur hidup. Perjalanan MakNgah (anggota hanyo duo urang, MakNgah dan Ridwan Asky, kini alm.) dianta dan dibimbing Urang Rundo nan selalu MakNgah picayoi sabagai kawan pembimbing panunjuak jalan, penyumbang pantun dan maota carito lokal. -> Kajai, -> Lumindai, -> Indudu, -> Pianggu. DAri Pianggu turun malinteh jalan Gadang di Sungaii Lasi, Mancirupoih masuak lembah sempit manuju Sawah Liek jo Sigumantan. Bajalan panjang mudiak taruik ka Supayang, akhirnya sampai ka Sirukam Di Sirukam malapor ka Pak Bupati Solok Buya H. Darwis Taram (waktu itu sudah amerangkap Resident PRRI Sumatera Barat. MakNgah baduo manjadi tamu baliau dengan keramahan yang tiada terhingga. Bukan saja karnea kami memperlihatkan surek Tugeh dari Pak Imam, tapi sesudah MakNgah beri tahu MakNgah kenal baliau wakatu masih muda sekali waktru beliau manjadi Kapalo Lareh ampaek Angkek-Tilatang di Biaro tahun 1940. Waktu itu MakNgah baumua 5 ka 6 tahun mancaliak baliau mangecek jo Tapipon dari Biaro ka Bukittinggi. Itulah Talipn nan MakNgah caliak dan paratikan urang mangecek dengan kesungguhan hati. Dari Sirukam mukasuik ka Taruih mancari Kol Ahmad Hussein di Selatan, namun tanyato masihs tujuah lampih bukik lai nan ka ditampauah. Setelah berpisah dan diberkati selamat jalan dek Buya H. Darwis Taram, kami tareuih masuak rimbo sabalah timur Kubang nan Duo, babega ka Batu Bajanjang manunggu hari malam untuak malinteh jalan manuju ka Aia Angek di Lereng Gunuang Talang, markas Kecamatan Gunuang Talang. Namo nagarinyo aia angek, taopi diginnyo AlahuRabbi iyobana mancikutuik awak kalau lah pagi. Di Aia Angek manjadi tamu kecamatan Talang. Sasudah briefing di sinan tib0olah masonyo MakNgah jo Ridwan ka mambari Ceramah di Musajik Talang. -> Talang. Malamnyo dalam suasana yang mencengkam, daopek dikumpuakan urang di Musajik. Sadang maagiah ceramah, MakNgah manarimo surek ketek, tantara pusek nan mancium acara tu lah ado kiro-kiro duo kilo dari musajik. Raoek dibubarkan, para pengunjung pulang dengan diam-dianm dan waspada. MakNgah dan Ridwan dilarikan Urang Rundo jauah-jauah di malam tu dan di sembunyikan di suatu Dangau Santo di BatuKuali jauh di leteng Gunuang Talang. Dari Dangau Santo di Batu Kuali tu lah MakNgah dapek manyaksikan Parang Penghadangan Konvoi di Jalan Raya Solok Padang antaro Talang dan Aia Sirah. Parang basosoh nan diakhiri pembakaran Rumah-ramah Gadang makngah saksikan dalam persembunyian. Api merek mengepul rasonyo dakek bana dihadapan MakNgah masih tabayang sampai kini. Pasukan PRRI menjunjuang korbannyo jo tandu masih jaleh tabayang. Memang maramang bulu kuduak, jan-jan parang sampai malalah ka tampek mandok awak. Namun, sampai sore, MakNgah selamat. Lupo Makangah apo namo kamouang nan dibaka tu. Kalau angku Muchlis nanbaumua teenage waktu itu di Muarao Paneh, mungkin urang-urang setempat dapek mangana namo kamouang dengan rumah-rumah gadang nan tabaka tu. Kalau indak salah mungkin Kubu. Kok dapek datqa tolong verivikasi bari tahu MakNgah untuk catatan. Sakitulah dahulu carito satangah lingkaran Solok. Kok umua lai samo panjang, kok pangan lai tabukak juo Makngah taruihkan sambungan lingkaran tu kok bilo-bilonyo. PS. Sebagian versi Posting ko lah panah muncul dalam posting di Rantaunet di Maso lalu. Mungkin sabagian Rang Lapau alah mandanga atau mambaconyo. Mudah-mudhan indak bosan jo Carito Urang nan Tabawo Rendong Gaek. Salam, --MakNgah --- In rantau...@yahoogroups.com, Muchlis Hamid <hamid_much...@...> wrote: > > MakNgah, > Kalau MakNgah bakuliling dari Sulik Aie sampai ka Gantung Ciri, di sinan basuo jo Rivai Marlaut Sep 1958, apakah MakNgah lewat kampuang ambo, Muaro Paneh. Kalau baputa arah jarum jam tantu lewat nagari-nagari sebelah timur kota Solok, Panyakalan dst. > > Tadinyo ambo bapikiran samo jo Iffah. Cuma kadang-kadang cerita MakNgah tidak menggambarkan berjalan dengan pasukan.Belakangan baru ambo mangarati bahwa MakNgah bertindak sebagai penyiar Radio PRRI di hutan berbatasan dengan Riau. Agak-agaknyo di daerah Solok Selatan? > > Setelah tentara pusek masuk, radio di kampuang ambo sudah menghilang. Orang mulai takut menyetel radio. > Sebelum bogolak ambo selalu mengikuti warta berita RRI jam 9:00 malam di lapau, sepulang mangaji dari surau. > > Kisah-kisah ijok MakNgah menjadi bacaan menarik bagi ambo. > > Salam, > > Muchlis Hamid > > ________________________________ > From: sjamsir_sjarif hamboc...@... > To: rantaunet@googlegroups.com > Sent: Sun, February 14, 2010 5:34:56 AM > Subject: Fw: Re: [...@ntau-net] DAMPAK PRRI > > Angku Muslim Hamid, > > Dalamj perjalanan ambo mangililingi kabupaten Solok arah jarum jam dari Sulit Air ka Sulit Air bulan September 1958 Ambo basuo jo angku Rivai Marlaut di tampek Ijoknyo di Gantuang Ciri. Ambo pangagum baliau wakatu mambaco tulisan-tulisan berharga bliua di Harian Haluan dalam tahun 1950an. Sasudah basuo jo baliau di Gantuang Ciri, ota kami samalam suntuak manambah arek hubungan baiak jo baliau. Sudah tu ambo indak panah mandanga kaba dari baliau lai. Dima lah baliau kini? Mungkin alah mangingga; kalau alah maninggqa pulo dima dan bilo baliau maningga? > > Baru-baru ko ambo check-out buku Dr. Haslinda buah tangan Rivai Marlaut, dari perpustakaan Univeristy of California, tapi indak barupo buku, hanya computer file. Sayang, indak dapek ambo buka karena filenyo alah rusah. > > Sjamsir Sjarif > Di Tapi Riak nan Badabua > http://www.mercurynews.com/centralcoast/ci_12030675?nclick_check=1 > > > --- In rantau...@yahoogroups.com, Muchlis Hamid hamid_muchlis@ wrote: > > > > Pak Saaf, sato ciek. Kalau bisa juga desertasi Pak Saaf. Baa caronyo? > > Sebelum meninggal, ambo dakek jo Pak Suwardi Idris. Beliau yang berteriak di Seminar Solok Saiyo Sakato, tak ado tu Bundo Kanduang. Nan ado Bundo Bunduang. Masak dek minum air karambie bisa baranak. Beliau memang rada vokal, tetapi buah pikiran beliau menarik untuk disimak. > > > > Alm Suwardi Idris adalah urang Selayo. Selayo banyak melahirkan tokoh. Penulis Rivai Marlaut berasal dari Selayo. Ada pula diplomat Nazir Sutan Pamuncak yang juga tokoh perintis kemerdekaan. Ayah ambo bacarito. Wakatu Nazir Pamuncak pulang kampuang (masih zaman penjajahan Belanda), beliau baampok. Ambo tanyo ka Pak Marwan Paris tentang iko, MP galak gadang. > > Dirut PT Telkom saat ini juga urang Selayo. > > > > Salam, > > > > Muchlis Hamid, 64. -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe