Assalaamu'alaikum wa rahmatullaahi wa barakaatuhu Katiko ka parang PRRI urang gaek ambo tingga di Lambau, di muko sakola pertanian, di Kiktinggi, nan jadi asrama tentara pelajar (sarupo nan ditanyoan Ifah dari Bangkulu). Tiok hari ambo mancaliak tentara mudo-mudo ko balatiah di sapanjang jalan Lambau tu, babarih-bariah, main parang-parangan, kalua masuak banda (got) mamakai baju ijau nan batutuiki jo daun-daun. Tantara palajar tu bapakaian hijau, mamakai sinjato asli. Panah suatu kali, ado duo urang dari mareka malapehan tembakan, mungkin ndak singajo. Kaduono dapek hukuman balari sajak dari Lambau, kabano taruih ka Pasa Banto, taruih ka ateh ngarai sampai akhirno baliak ka Lambau. Bitu tibo baliak di muko asrama kaduono jatuah pingsan. Walaupun umua ambo katiko tu baru 6 taun, masih takana bana di ambo dan masih tampak-tampak di ambo baa bana latihan tantara-tantara tu maso itu.
Salah suarang dari tantara palajar tu adolah Cino, anak toke sayua nan bakadai di balakang pasa bawah. Sakali wakatu ambo pai jo almarhum ayah ambo kapasa singgah dakek toko toke tu nan rupono bakatauan elok jo ayah. Dan takana di ambo baa si toke tu marilahan bana anak tu sato di antaro tantara mudo nan balatiah dan tingga di Sakola Partanian tu. Itu dikecekanno katio maota jo ayah ambo. Bialah nak dicubomo, baitu jano toke tu. Sasudah sender di anak limau dibombardir tantara pusek, kumpulan tantara ko maninggaan asrama tu jo oto Himsar (banyak jumlah otobusno wakatu itu) dan pai arah ka Payokumbuah. Ambo indak tau baa kalanjutan pamuda Cino nan surang tu. Antah sampai dima talok dino barado 'dilua' katiko itu. Dan Cino nan ciek ko mungkin pakacualian nampakno. Banyak bana sabanano kenangan dampak PRRI ko di ambo. Katiko kami alah pindah ka kampuang, ado samaso, tiok pakan mancaliak mayik anak mudo kanai tembak. Ado nan bajarak 50 meter dari rumah rang gaek ambo. Baduo sakali tatungkuik. Anak-anak mudo sakitar murik SMA urang kampuang ambo ado baranam urang nan mati kanai tembak. Mareka bukan tentara. Ka panambah-nambah carito sajo. Wassalamu'alaikum, Muhammad Dafiq Saib Sutan Lembang Alam Suku : Koto, Nagari asal : Koto Tuo - Balai Gurah, Bukit Tinggi Lahir : Zulqaidah 1370H, Jatibening - Bekasi ________________________________ From: Dr.Saafroedin BAHAR <saaf10...@yahoo.com> To: rantaunet@googlegroups.com Sent: Mon, February 15, 2010 10:02:36 AM Subject: Re: Fw: Re: [...@ntau-net] DAMPAK PRRI Pak Abraham, nampaknyo lain daerah, lain pulo kulikaik urang Cino ko. Di Medan, bukan main angkuhnyo, bisa maatur pamindahan pejabat, khususnyo nan agak karek mamberantas judi. Di Tangerang dan Kalimantan Barat, dimano banyak Cino miskin, hampia indak tadanga suaronyo. Di bangsa Belitung jo Manado, mereka lah manjadi satu jo penduduk pribumi. Di Solo, mereka bersatu jo kaum bangsawan, babarapo malah dapek gala bangsawan Jawa 'kanjeng ratu tumenggung'. Nampaknyo paralu kito palajari bana soal Cino dan suku-suku bangso kito nan lain. Kalau indak baitu, bisa-bisa salah kito maambiak kasimpulan. -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe