Assalaamu'alaikum Tan Mancayo,
Sabagian mungkin iyo. Iko sabana carito. Tapi singkek sajo.
Ayah ambo sabalun bagolak PRRI jadi pagawai KUA di Jirek di Kiktinggi. Baitu
muloi parang baliau alah sato jadi tantara, sabab katiko tahun 1948 baliau pun
ikuik pulo jadi tantara. Jadi kumandan. Anak buah baliau 60 urang. Ibu ambo
dimintak baliau manjaik-an lencana sabanyak itu di rumah. Baliau bamarkas di
kampuang baliau di Koto Panjang di Kamang Hilia. Pado suatu hari, kari Kamih
sahari sabalun hari rayo Haji di bulan Juni tahun 1958 baliau jo anak buah
baliau mairiak di sawah dunsanak baliau. Sawah tu jauah dari jalan. Siang hari
tu tadanga daruang bunyi oto tantara pusek. Anak-anak buah baliau, baliau
suruah pai mainda samantaro baliau tingga di pondok dakek lampok padi.
Raso-rasono ndak kamungkin tantara pusek datang mandakek kian do sabab jauah
dari jalan gadang.
Tapi tanyato datang tantara pusek tu. Balimo urang sacaro tapisah-pisah, sarupo
urang ka mangapuang, manuju bana ka dakek pondok tampek ayah ambo tu. Manuruik
carito, tantara-tantara tu dilawan ayah ambo bacakak, sabab katiko baliau
disuruah kalua langsuang baliau palituakan tantara nan di pintu pondok tu.
Datang kawan no indak barani manembak sabab takuik ka kanai kawan no mungkin.
Nan mandakek tu dapek pulo disepai ayah ambo dan dipalituak-an pulo. Carito ko
disampaian anak buah baliau nan mancaliak dari jauah tapi indak bisa manolong
sabab indak mambao sanjato, dek hari itu mareka mairiak, sinjato batinggaan di
rumah. Sasudah bacakak bapulun-pulun jo antah bara urang tantara tu, datang
tantara lain nan langsuang manembak. Ayah ambo kanai tembak di pungguang jo di
kuduak kalau indak salah.
Dima tantara-tantara pusek ko tau bahaso di sawah nan jauah dari jalan tu ado
sakumpulan tantara PRRI?
Dari informasi tukang tunjuak. Urang sakampuang jo ayah ambo nan konon panah
baketek-an hati jo baliau antah pakaro apo sabalun parang.
Wassalamu'alaikum,
Muhammad Dafiq Saib Sutan Lembang Alam
Suku : Koto, Nagari asal : Koto Tuo - Balai Gurah, Bukit Tinggi
Lahir : Zulqaidah 1370H,
Jatibening - Bekasi
________________________________
From: andi ko <andi.ko...@gmail.com>
To: rantaunet@googlegroups.com
Sent: Tue, February 16, 2010 8:10:41 AM
Subject: Re: [...@ntau-net] Cerpen TUKANG TUNJUK
Mamak
Apokah dampak psikologis PRRI yang dirasoi dek urang Minang itu justru
disebabkan dek tukang-tukang tunjuak itu. Misalnyo inyo bakasus jo urang dalam
konteks politik nagari atau sangketo ulayat, mako nyo tunjuaan lawannyo ko ka
tentara pusek sebagai seorang tentara PRRI, atau paliang indak adolah
simpatisan PRRI tu.
Salam
Andiko Sutan Mancayo
--
.
Posting yg berasal dari Palanta RantauNet ini, jika dipublikasikan ditempat
lain wajib mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi:
- DILARANG:
1. Email besar dari 200KB;
2. Email attachment, tawarkan disini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi pada setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
===========================================================
Berhenti, bergabung kembali serta ingin merubah konfigurasi/settingan
keanggotaan di: http://groups.google.com/group/RantauNet/subscribe
