Assalamualaikum warahmatullahi wabarakatuhu, Tarimo kasih Angku Saaf lah manarangi kapanjangan KKMP tu adolah 'Kongres Kebudayaan Minangkabau Pertama' sarato kapendekan SC Sterring Committee, [nan ambo sangko tadinyo tabawo-bawo pulo Santa Cruz - Santa Kuruih ka Ranah Minang :)].
Buku Christine Dobbin "Islamic Revitalism ..." lah ambo parajai sajak mulo kalua dan ambo miliki sajak tahun 1997. Lah panah ambo katangahkan di Lapau ko untuak dibaco dek para peminat Sejarah. Kalau ambo berkesempatan maagiah kuliah sejarah tu, buku tu akan ambo masuakkan juo dalam daftar text book. Ambo satuju Unand lah mamfaatkannyo sabagai standard. Dari sinan ambo katangahkan di Lapau ko istilah ambo " Triangle Kumanis-Buo-Sumpur Kudus", [nan rimbo-rimbonyo alah ambo rancah] menekankan pentingnyo Kumanis sebagai tampek "Pagaruyung" mulo-mulo nan ambo sabuik "Pagaruyung Lamo". Pagaruyung nan kito kenal kini ko ambo sabuikkan "Pagaruyung Baru". Ambo lah sempat bakomunikasi jo anggota Lapau awak nan dari Kumanis [oh, maaf lupo namo blaiau pado wakatu manulih ko] nan lah manjalehkan lokasi Kuminih ko. Sudarso Saleh mampajalehnyo lai dengan gambar nan baliau ambia sandiri. Sayang kuwalitas foto itamputiahnyo agak kurang. Karano buku tu lah lamo tabik (1985) kalau aindak basuo di toko-toko buku lain nan biaso, buku tu daopek dibali di Souvenir Shop "Silungkang" Komplex Atom Shopping Centre, Jalan Imam Bonjol no. 6A Padang. Satantangan pasang turun naiaknyo ABS SBK sajak 200 atau mungkin 600 tahun nan lalu tu, Hadler manyabuik "Although discord remains, the people agree to follow the law of adat basandi syarak" (Muslims and Matriarchs, 2008:27). Baitu jup lah ambo caliak text huruf Malayu (Jawi) Tuangku Imam Bonjol dan transliterasi Angku Safnir Abu Nain, 2004. Teks Huruf Jawi tu agak sulik dibaco dan ambo paham bara barek karajo Angku Safnir nan kadang-kadang tampak takuliciak talangkaui mantransliterasikannyo. Salam, --Nyiak Sunguik Sjamsir Sjarif --- In rantau...@yahoogroups.com, "Dr.Saafroedin BAHAR" <saaf10...@...> wrote: > > Inyiak Sunguik, kapanjangan KKMP tu adolah 'Kongres Kebudayaan Minangkabau > Pertama' [ mungkin juo iko akan jadi nan kalimo, kalau dihituang jo > kongres-kongres lain nan ado sabalun ko]. > KKMP ko diprakarsai dek Gebu Minang, [salah satu] organisasi urang awak di > tingkek nasional, nan didirikan tahun 1990 nan lalu, jadi sampai kini alah > baumua 20 tahun. Adopun latar belakang diadokannyo KKMP ko adolah untuak > marumuskan sacaro jaleh apo bana ABS SBK nan alah sabana banyak kito bahas > sajak tahun 2003, khususnyo dalam Rantau Net ko. Gebu Minang ikuik dalam > mancari katarangan nan jaleh tantang apo latar belakang dan apo makna ABS SBK > ko,antaro lain sato mamprakarsai seminar tentang Perang Paderi, Januari 2007, > karano dikiro ABS SBK ko ado kaitan jo Parang Paderi. > Sairiang jo itu Gebu Minang mausulkan ka Gubernur Sumbar supayo mambuek > panitia perumus ABS SBK. Panitia iko alah berhasil manyandiangkan 100 pepatah > jo 100 ayat Quran, tapi alun sempat marumuskan baa manindaklanjutinyo. Karano > itu Gebu Minang ingin sato malaanjuikkan karajo Tim Perumus nan dibuek dek > Gubernur Gamawan Fauzi ko. > Adopun tantang asa dari rumusan ABS SBK ko, dalam buku sejarah Christine > Dobbin disabuikkan bahaso pado tahun 1832 Tuanku Imam Bonjol mambuek fatwa, > nan kudian kambang jadi apo nan kini kito sabuik sabagai ABS SBK, sasudah > baliau sadar bahaso kekerasan nan balangsuang salamo parang tu indak > basausaian jo ajaran Islam nan sabananyo.Konflik antaro 'kaum adat' jo 'kaum > agamo' kan mulai dalam tahun 1803, sasudah pulangnyo babarapo haji dari Tanah > Suci, nan maso itu dikuasoi dek kaum puritan Wahabi. > SC adolah singkatan dari 'Steering Committee' [bia nak gagah saketek > tadanganyo, he he.] > Ambo iyo agak ragu jo katarangan Inyiak bahaso ABS SBK ko alah 600 tahun > usianyo, karano kok iyo baitu, rasonyo indak kapacah Parang Paderi tu, nan > tajadi --antaro lain -- karano kaadaan masyarakat Minangkabau maso itu sabana > panuah dek maksiat, sampai-sampai salah surang di antaro tuanku Paderi -- > tantu sajo dari aliran Sufi -- mambaka rumah gadang di Pandai Sikek sabagai > protes kareh. > Ambo ingin bana mambaco buku nan Inyiak kutip [Sumber: Mengenal Sejarah > Perkembangan Ketatanegaraan Kerajaan Pagaruyung di Minangkabau. Ditinjau dari > Segi Arceologi & Sisiologi. Oleh Soedarso Salih. Alumni UNAND - Purn ABRI. > dilengkapi dengan Ilmu Pengetahuan dan Hukum Adat. Cetakan Pertama 1985. > Pribumi Offset Purwokerto.] tamasuak sumber bacaan nan dirujuak baliau. Tapi > rasonyo buku sejarah karangan Christine Dobbin labiah andal, antaro lain > karano dijadikan buku standar kuliah di Fakultas`Sastra Universitas Andalas > di Padang. > Sampai di siko dulu Inyiak. > > Wassalam, > Saafroedin Bahar > (Laki-laki, masuk 73 th, Jakarta) > > > --- On Tue, 2/23/10, sjamsir_sjarif <hamboc...@...> wrote: > > > From: sjamsir_sjarif <hamboc...@...> > Subject: Re: [...@ntau-net] Persiapan KKMP > To: rantaunet@googlegroups.com > Date: Tuesday, February 23, 2010, 7:39 AM > > > Sabalun malangkah, jo maaf ambo ambo pintakan, kurang manyimak, apo > kapanjangan KKMP. Panah pouylo tacalaiak di postiang lain, SC apo pulo > kapanjangannyo? > > Sampai hari ko, kito danga angko 207 tahun tu, diambiak dari angko 1837 "[Btw > sampai kini rasonyo alun panah basuo dokumen ABS SBK nan manuruik panjalasan > diadokan/dibuek di Buki Marapalam tu, tahun 1837]". Manuruik ambo mungkin > dokumen tu indak ka basuo doh, karano mungkin indak ado atau tadanga di ambo > istilah ko mulo-mulo dikutip dikutip dari Tulisan Inyiak Canduang nan indak > mambarikan dokumentasinyo. > > Sumber baru nan dapek di ambo, istilah "Adat basandi kepada Syarak. Dan > Syarak akan basandi kepada akan basandi kepada kitabullah" ko lah tabasuik > hampia ANAM RATUIH TAHUN. Hampia tigo kali 207. Tapeknyo sampaikini 590 > tahun. > > Danga lah sumber bari ambo baco: > "Yang Dipertuan Raja Berkilap Alam [huruf taba-taba] bergelar Raja Bergewang > I ['tando tambah kurang' 1420M. [huruf taba-taba] > > Di bawah Pemerintahan Raja [huruf miring] dan dibantu oleh anak kemenakannya > maka krisis [huruf miring] dapat dicegah walaupun sudah banyak korban selama > puluhan tahun [huruf miring]. Semua kukuatan telah dapat dipersatukan > kembali dengqan satu metoda. Aturan-aturan yang telah ada akan tetap berlaku > selama tidak bertentangan dengan aturuan-aturan baru dalam Kitab Suci yang > dibawa oleh para pedagang Islam. [kalimat ini seluruhnya garis miring]. > Demikian juga dengan adat [garis miring]. Jika tidak dapat dipersesuaikan > deengan ajaran Islam [garis miring], maka akan dipertimbangan oleh Basa Ampek > Balai [huruf miring] dan Raja Adat [huruf miring]. Adat akan basandi kepada > syarak huruf miring]. Dan Syarak akan [huruf miring] basandi kepada > Kitabullah [huruf tebal]." > > Sumber: Mengenal Sejarah Perkembangan Ketatanegaraan Kerajaan Pagaruyung di > Minangkabau. Ditinjau dari Segi Arceologi & Sisiologi. Oleh Soedarso Salih. > Alumni UNAND - Purn ABRI. dilengkapi dengan Ilmu Pengetahuan dan Hukum Adat. > Cetakan Pertama 1985. Pribumi Offset Purwokerto. > > Salam, > -- Sjamsir Sjarif > > --- In rantau...@yahoogroups.com, "Dr.Saafroedin BAHAR" <saaf10leo@> wrote: > > > > Tarimo kasih bung IJP. Sasudah lapeh rangkik-rangkik dari Solok, > > sosialisasi ko akan ditaruihkan ka kabupeten/kota lainnyo di > > Sumbar. Sosialisasi di lua Sumbar -- khususnyo untuak Jabotabek dan Jawa > > Barat -- akan diadokan di Jakarta, difasilitasi dek baliau-baliau dari LAKM > > Jakarta. > > > > Wassalam, > > Saafroedin Bahar(Laki-laki, masuk 73 th, Jakarta) -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
