Waalaikumsalam w.w. Inyiak Sunguik, Mukasuik diadokannyo KKMP tu -- antaro lain -- adolah untuak mengumpuakan dan manulihkan sacaro janiah apo bana nan kito mukasuik jo Minangkabau dan apo pulo isi ABS SBK sarato baa malaksanakannnyo dalam kurun kito hiduik kini. Supayo kito jan batangka taruih dan supayo bisa kito bakarajo samo untuak maso datang. Masing-masing kito jaleh tahu sakuduang-sakuduang tantang Minangkabau, tapi nampaknyo jarang bana kito mancubo mambuek gambaran manyaluruah taradok Minangkabau jo ABS SBK tu. Kaadaan kito kini bagaikan limo urang buto nan manggambarkan baa bantuak gajah gadang dari apo nan dirasonyo jo jarinyo surang-surang. Nan surang mangatokan gajah tu saroman ula gadang (=belalai}, dan surang mangatokan, indak baitu doh, gajah tu saroman tampiyan (=talingo); disalahkan pulo dek nan lain, nan mangatokan gajah tu saroman gentong gadang {=paruik gajak}; nan sorang laoin alah manyalahkan pulo, dan mabgatokan gajak tu saroman batang kayu (=kaki gajah); dan nan surang lai mangatokan gajah tu saroman cambuk (=ikua gajah). Mari kito samo badoa dan bakajo samo, Inyiak Sunguik, mudah-mudahan sasudah ko kateh sadonyo urang awak basadio saling manambah dan saling mandukuang, bukan lai saliang garajai-manggarajaikan saroman salamo ko. Insua Allah.
Wassalam, Saafroedin Bahar (Laki-laki, masuk 73 th, Jakarta) --- On Wed, 2/24/10, sjamsir_sjarif <hamboc...@yahoo.com> wrote: From: sjamsir_sjarif <hamboc...@yahoo.com> Subject: Re: [...@ntau-net] Persiapan KKMP To: rantaunet@googlegroups.com Date: Wednesday, February 24, 2010, 12:13 PM Assalamualaikum warahmatullahi wabarakatuhu, Tarimo kasih Angku Saaf lah manarangi kapanjangan KKMP tu adolah 'Kongres Kebudayaan Minangkabau Pertama' sarato kapendekan SC Sterring Committee, [nan ambo sangko tadinyo tabawo-bawo pulo Santa Cruz - Santa Kuruih ka Ranah Minang :)]. Buku Christine Dobbin "Islamic Revitalism ..." lah ambo parajai sajak mulo kalua dan ambo miliki sajak tahun 1997. Lah panah ambo katangahkan di Lapau ko untuak dibaco dek para peminat Sejarah. Kalau ambo berkesempatan maagiah kuliah sejarah tu, buku tu akan ambo masuakkan juo dalam daftar text book. Ambo satuju Unand lah mamfaatkannyo sabagai standard. Dari sinan ambo katangahkan di Lapau ko istilah ambo " Triangle Kumanis-Buo-Sumpur Kudus", [nan rimbo-rimbonyo alah ambo rancah] menekankan pentingnyo Kumanis sebagai tampek "Pagaruyung" mulo-mulo nan ambo sabuik "Pagaruyung Lamo". Pagaruyung nan kito kenal kini ko ambo sabuikkan "Pagaruyung Baru". Ambo lah sempat bakomunikasi jo anggota Lapau awak nan dari Kumanis [oh, maaf lupo namo blaiau pado wakatu manulih ko] nan lah manjalehkan lokasi Kuminih ko. Sudarso Saleh mampajalehnyo lai dengan gambar nan baliau ambia sandiri. Sayang kuwalitas foto itamputiahnyo agak kurang. Karano buku tu lah lamo tabik (1985) kalau aindak basuo di toko-toko buku lain nan biaso, buku tu daopek dibali di Souvenir Shop "Silungkang" Komplex Atom Shopping Centre, Jalan Imam Bonjol no. 6A Padang. Satantangan pasang turun naiaknyo ABS SBK sajak 200 atau mungkin 600 tahun nan lalu tu, Hadler manyabuik "Although discord remains, the people agree to follow the law of adat basandi syarak" (Muslims and Matriarchs, 2008:27). Baitu jup lah ambo caliak text huruf Malayu (Jawi) Tuangku Imam Bonjol dan transliterasi Angku Safnir Abu Nain, 2004. Teks Huruf Jawi tu agak sulik dibaco dan ambo paham bara barek karajo Angku Safnir nan kadang-kadang tampak takuliciak talangkaui mantransliterasikannyo. Salam, --Nyiak Sunguik Sjamsir Sjarif --- In rantau...@yahoogroups.com, "Dr.Saafroedin BAHAR" <saaf10...@...> wrote: > > Inyiak Sunguik, kapanjangan KKMP tu adolah 'Kongres Kebudayaan Minangkabau > Pertama' [ mungkin juo iko akan jadi nan kalimo, kalau dihituang jo > kongres-kongres lain nan ado sabalun ko]. --- -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe