Roni jo dunsanak sadonyo,
Uni mangalami bana apo nan disabuik jo Abu diateh Tunggua ko Kami ado konflik badunsanak satantangan tanah pusako tinggi, pihak di Uni mananti sajo apo nan dipputuihan Kami lah sepakat jikok pun tanah tu musti baraliah ka dunsanak tun salamo indak dijua ka pihak lua, indak akan bamasalahan doh, dan akan maambiak sumpah se di ateh tanah tu. Bialah Nan Kuaso Nan Maha Adil manunjuakkan keadilannyo. Masalahnyo keputusan ko di dukuang pulo dek surang Mamak nan sadonyo keluarga manghormati baliau, bialah liau mamutuihan maagiahan, jikok ado manfaatnyo di dunsanak tun. Katiko tu Papa Uni sebagai nan dianggap tuo diantaro mereka tu tantu bisa tau asa muasa tanah tu, dan bisa manjalehan sia sabana no nan berhak. Tapi Papa maambiak sikap hanyo manjalehan sajo, kok iyo tanah tu awak ndak berhak dek ndak ado bukti surek2 dari urang gaek saisuak bialah mode itu sajo. Papa indak amuah ikuik campua di urusan pihak Mama ko. Dan ambo paham bana apo nan dirasokan Papa. Dek itu pusako tingg pihak padusi tantunyo liau indak amuah sato doh. Apo kecek rang tuo2? Maju kipper mah, tantu akan kanai ceme'eh mode tu. Tapi Papa mayakinkan baso lah batua kami maambiak keputusan mode tu. Keadilan akan tagak nantik dan mungkin akan butuh ukatu. Memang iyo, ditunjuakkan bana dek Nan Kuaso ka keluarga dunsanak kami tu. Usah pulolah kami bukakkan, sampai bara baleh tahun sasudah tu, mereka agiahkan baliak pusako tinggi tu disaratoi jo surek ditando tangani saluruah keluarganyo plus permintaan maaf ka Mama ambo nan sebagai padusi surang badunsanak limo. Antah apolah nan katajadi kiro-kiro kalo Papa nan sebagai "Abu Di Ateh Tunggua" ikuik pulo sato, kan ka mariangik sajo tumah. BUliah jadi pihak nan basangketo akan memojokkan kami, manga lo Rang Sumando saro-sato? Disiko ambo meyakini apo nan alah digarihan dek niniak muyang awak saisuak tun, alah basanda ka syara' dan alah mamikian aspek sosialnyo bagai. Dan iko adolah pandapek ambo pribadi sajo. Ambo indak manutuik nan lain bapandapek lain, silahkan sajo, toh awak kan lah merdeka. Walaupun Abu diateh tunggua, Papa bagi keluarga Mama sangaik dihormati dan dituokan salangkah layaknyo hormat ka Angku Datuak walaupun liau bukan Angku Datuak. Salalu dimintai saran jo pandapek tapi liau indak namuah pernah untuak sato, hanyo sekedar maagiah informasi jo saran jikok dimintak. Sanang bana rasonyo iduik badunsanak, bamamak, bainduak jo baurang kampuang di kampuang. Antahlah kok nan lain. Wassalam Rina, 33, batam -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe