Mamak Dave, Di urang awak ado pulo disabuiknyo 'ikan teri', padohal aluih-aluih sagadang bareh nyo. Apo itu pengecualiannyo yo?
Lalu di nenek Maninjau saisuak. Maco khusus untuak manamokan ikan kering. Baik itu nan asin atau nan tawa (ndak bagaram waktu mengeringkan). Jadi ado maco teri, maco bada (biasonyo ndak asin bana), ado mace tete nan gadang-gadang, atau maco baledang nan gajang dan panjangpanjang. Tapi dek lah jadi ikan asin, di Maninjau sadonyo dinamokan maco. Mungkin beda tampek beda istilah juo yo mamak Dave? Ambo sendiri suko makan maco :) Malah ka India tahun lalu ambo mambao maco bada (tawar) babungkuih-bungkuih. Bilo taragak makan maco, babuek samba lado tanak atau bagulai jo kacang panjang India nan aluih-aluih tu :) Lah ka pulang pulo ka Indonesia baliak, nan maco di Kulkas masih ado juo baru, jadilah rasaki kawan-kawan nan tingga :) Jadi takana pantun kesayangan mak ngah: Sariak sungai pua Batagak batu palano Abih lapiak banta tajua Anak diaja makan maco :) Salam, Rita Lukman --------------------------- Pada 1 Mei 2010 07:57, Muhammad Dafiq Saib <stlembang.a...@gmail.com>menulis: > Assalaamu'alaikum wa rahamatullaahi wa barakaatuhu > > Nak iyo sato pulo ambo bapagi pandapek jo nan ditanyoan dek angku Abraham > ko. Jadi sabuik-an amak-amak kami di kampuang, ikan lauik ko paliang indak > ado duo istilah; ikan jo maco. Ikan untuak nan baukuran sagadang talampok > tangan kaateh (iko manuruik nan ambo pahami). Mako disabuiklah dek > baliau-baliau tu ikan tanggiri, ikan ambu-ambu, ikan bawa. Baiak ikan nan > masih dijua urang sabagai ikan basah ataupun nan alah dikariangkan atau > diasin. > > Maco adolah untuak nan ukuran tigo jari ka bawah. Ado maco kukai, maco > bulek (ketek saketek pado kalingkiang, ado juo nan manyabuik maco arai), > maco picak, maco sapek, > > Samantaro ikan sungai atau ikan tabek, nan ketek-ketek ado nan disabuik > pantau.... > > Itu sajo..... > > Wassalamu'alaikum > > Lembang Alam > > > -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
