Khusus untuak istilah "martabak" MakNgah cari dalam Kamus Minangkabau M.Thaib St.Pamoentjak 1935 indak ado tadaftar doh. Mungkin di maso baliau alun ado populer martabak ko lai. Tapi dalam KBBI ado tatulih martabak. Sedangkan dalam KBBM disabuik saketek sajo, sejenis makanan.
Nah, tanyo MakNgah, kamungkinan istilah "martabak" ko bukan kato Minangkabau. Tampaknyo kalau Ita di India mancari-cari martabak ko indak tahu urang sinan aratinyo doh, kamungkinan bukan dari istilah Sanskerta pulo. Dimaa lah asa katonyo eh? Dek pakai"mar" di mukonyo mungkin istilah Batak juo ndak? Tolong verifikasi kalau ado nan semat batanyo. Dek karano duo macam martabak tu, ado martabak manis, nan di awak biaso disabuik Martabak Pariaman dan martabak nan pakai dagiang jo talua, nan biaso didanga namonyo Martabak Kaliang, Martabak Mesir, dan kini, antah sajak bilo mulonyo, Martabak Kubang. Mungkin AngkuJepe dapek macarikanlatar belakang untuak bahan sejarah kuliner. Karano dalam tahun 1935 Thaib indak mandaftarkan adonyo istilah "Martabak Kaliang" ko, mungkinkah istilah "Martabak Kaliang" ko sendir barasa dari Bukittinggi, nan memang di Kampuang Cino dahulu ado Kadai Martabak Kaliang dan Urang Kaliang bana nan mambuek martabak ko. Mungkin Kadai Martabak Kaliang alaun ado di maso Inyiak Thaib, 1935 tu. Dalam tahun 1950an MakNgah suko ka Kadai Martabak Kaliang tu. Tapi patang ko tampaknyo, Urang Kaliangnyo nan lamo indak ado lai sahinggo mungkin anak cucunyo nan mambuek. Tanyo salanjuiknyo hinggo maa istilah "Martabak Kaliang" ko menjelajah daerahnyo? Apo di Padang, di Payokumbuah, Pariaman Solok disabuik juo Martabak Kaliang? Sadangkan di Medan dan Jakarta mungkin Martabak Mesir? Kalau Martabak Pariaman nan manih tu, memang koh asalno dari Pariaman? Kalau di daerah Rantau apokoh Martabak Manis ko memang dikenal juo sabagai Martabak Pariaman dan nan mambueknyo juo Urang Pariaman juo? Hinggo maa pulo daerah jajahan istilah "Martabak Pariaman" ko dikontraskan dengan istilah "Martabak Manis". Tolong verifikasi Rang Rantau di Piaman Laweh. Salam, --MakNgah Sjamsir Sjarif --- In rantau...@yahoogroups.com, Rita Desfitri Lukman <rita.desfi...@...> wrote: > > Assalamu'alaikum Wr. Wb. > > Urang mambicarokan dodol, jadi takana pulo 'dodol of Goa' nan ambo bali di > Goa, pantai barat India dulu tu baliak. Nan sempat ambo cinam-cinamkan urang > di Palanta. Rasonyo persis-sis jo galamai payakumbuah... :) > > Ciek Lai Da Riri, > > Martabak Kaliang alias Martabak Kubang. > > Di Padang, paling indak sakali sabulan, kami basamo-samo mambali martabak > Kubang. Sahinggo katiko Januari 2009 ambo ka pai ka New Delhi, kato Om ambo, > "Bara lah ka sanang hati nantik tu mah yo. Salamo sa tahun ko bisa pueh > makan Martabak Kaliang tiok hari...". > > Ambo pun maangguak-angguak kasanangan, mambayangkan makan lamak tiok sabanta > di kampuang mak Gandhi. > Olalaaaa... ambo kecele, > > Lah ba bulan-bulan ambo di sinan, bia pai ka Barat, Timur, Selatan ataupun > Utara nyo, indak ado urang manjua martabak kaliang doh... :( > Bahkan di India Selatan nan cukuik banyak urang makan daging dan terkenal > dengan berbagai gulainyo pun, ndak tahu urang jo martabak nan awak mukasuik > doh. Mulo-mulo ambo kiro dek namonyo awak sabuik martabak urang ndak > mangarati, kironyo lah masuak ka berbagai food stall bana, di liekkan foto > martabak kaliang tu bagai, manggeleng se mak kaliang tu nyeh... > Akhirnyo katiko di asrama Mukherjee Nagar ambo punyo waktu luang, ambo buek > se surang lai dek lah taragak bana... Tapi kulik martabaknyo pakai kulik > lumpia ... :) > > Salam, > > Murai K. > > ------------------------------------------ > Pada 21 Juni 2010 13:36, Riri Mairizal Chaidir > <riri.chai...@...>menulis: > > > Mak Ngah, > > > > Mungkin dalam beberapa hal, lempok, dodol, kalamai ado kesamaannyo. > > > > Ambo baru tau tentang "lempuk dodol" dari Riau. Salamoko yang ambo tau cuma > > "LEMPOK" (pakai o, bukan u) dari Palembang. > > > > Namonyo Cuma lempok sajo, ndak pakai durian di belakangnyo, karano lempok > > itu pasti durian (Uda Mulyadi, please CMIIW). > > > > Tentang kalamai, sebagai urang yang "origin" nyo dari Sungai Balantiak, Kab > > 50 Kota, tantu ambo suko ban ajo kalamai. Jadi kalau disuruah piliah, nio > > dodol atau lempok, ambo jawab: Kalamai J > > > > Ado nan takana sabantako, "kalamai jaguang". Ambo tau dari lagu Tak > > Tontong, tapi ambo alun pernah basuo jo kalamai jaguang ko lai. Apakah > > "kalamai jaguang" itu pernah menjadi makanan nan "trendy" sahinggo disabuik > > sabuik dalam lagu? Karano di jaman2 belakanganko rasonyo ndak ado tadanga > > kalamai jaguang tu lai do (atau ambo nan kurang gaul) > > > > Tentang bika ambon, yo agak2 mirip jo Soto Padang nan dijua urang di > > Jakarta. Ambo ndak pernah basuo "soto padang" di Sumbar do, tapi nan jaleh, > > di Padangpanjang dulu ado "Soto Surabaya" nan isinyo persis samo jo Soto > > Padang nan di Jakarta. > > > > Ciek lai, Lapek Bugih. Kebetulan kakak ipa ambo urang sinan, ndak taunyo jo > > lapek tu do … > > > > Riri > > > > Bekasi, l , 48 -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
