Assalamualaikum Wr Wb, Sanakmbo Muzirman Tanjuang basarato Dunsanak komunitas r...@ntau-net Nan ambo cintoi.
Izinkanlah ambo mambari komentar jo sistem poin basarato brand ambo salamo ko nan mungkin aga cipeh dan agak babedo jo dunsanak lainnyo dalam mayikapi konspirasi dahsyat si Yahudi dunia dalam mancakiek batang lihie Si Padang nan salamo ko masih juo karengkang dan bangga jo "paga kabun minangkabaunyo" nan banamo ABS-SBK. 1)Apo nan tajadi di nagari awak hari ko, bukanlah tabantuak sakatiko atau bahaso Ajo Duta --di Amrik-- adolah INSTANT. Apo nan nampak kini di Minangkabau (kabatulan di dalamnyo ado ciek kekuasaan resmi nan direstui pusek, banamo provinsi Sumatra Barat) adolah buah dari dokumen Edinburg - Toronto nan diproklamirkan dalam jaringan terbatas (1974). Dan kini, alah sabagaian saksi hiduik di Minangkabau khususnyo, dan Indonesia umumnyo alah habih lupo. Kadibuek apo Minangkabau tu dek konspirasi dahsyat nan mampunyoi pitih taba dan sangaik mangarati di zaman nan mandewakan dan manuahkan kabarhasilan materi di kulik, Minangkabau adolah target nan paliang utamo untuak dijinakkan. 2)Soal dokumen Edinburg-Toronto nan dibuek dek Dewan Gereja Dunia, ambo indak punyo doh bantuak aslinyo sebuah dokumen (tatulih dan dapek dipacik sacaro zahie). Nan jaleh, ambo panah mambaco kutiko ambo aktif di YISC (Youth Islamic Study Club) musajik Al Azahar, Jl. Sisingamaraja Jakarta Selatan, 1974. Inti dari dokumen itu, kato (almarhum) Buya HAMKA (Haji Abdul Malik Karim Amrullah) bake ambo kutiko tu, intinyo adolah : mambuek Minangkabau (nan dikenal dek adonyo paga ABS-SBK) basarato Jawa Barat, limo puluah tahun ka muko (tmt 1974) samo kondisinyo jo provinsi lain (ukatu tu di RI baru ado 26 provinsi. Tim-Tim masih di bawah "anak jawi" urang Porto). Kini, satalah 36 tahun kamudian, liek sajolah di kampuang halaman awak, apokoh si-kon Minangkabau masih samo jo kondisi kutiko Ajo Duta masih bakain saruang di Gasan Gadang mangaji ka surau?, atau kutiko Sanakmbo Abraham masih basarawakotok pai ka rumah Inyieknyo di Kotogadang, atau kutiko Mak Ngah (guru STN Lambau) rajin mangaji di Birugo zaman baliau jadi karak-karak doeloe? Nah, ikolah kunci utamo untuak mambukak banak Si Padang supayo jajok dan muntah maliek tatanan dalam ABS-SBK. Jadi, sacaro indak awak sadari, strategi si Konspirasi Jaek dan Sangaik Kuaik dalam malobi kekuasaan di Pusat Pamarintahan, untuak mambuek UU (supayo konspirasinyo adoh landasan hukum tatulih) alah awak makan mantah-mantah kasadonyo. Buktinyo, alah banyak timbua pamikiran dari isi tangkurak Si Padang di rantau nan bagala S-3 nan didapekinyo dari Barat (bukan dari Cairo atau Madinah....!!!!) mangatokan paga tageh Minangkabau nan banamo ABS-SBK alah katinggalan zaman. Paralu direvisi supayo sabaun jo UU nagari (kumpulan para bedebah) ko dalam manyikapi kemajuan dunia. Ambo yakik sayakinnyo, bahaso kendala nan mambuek pusiangnyo urang Pusek bake kultur & adaik di Minangkabau nan tageh dalam ABS-SBK, bisa diruntuahkan jo caro mancuci utak Si Padang di parantauan jo paham modern : vox populi vox Dei. Kalau isi tangkurak Si Padang di parantauan alah sapacokian jo isi kapalo Si Konspirasi Dahsyat (nan inyo palewakan dalam tempo 50 tahun beres...!!) mako saluruah nagari di Republik Indonesia ko indak adoh lai nan bangga jo kultur & adaiknyo nan spesifik ABS-SBK. Kalau paham demokrasi alah tamakan pulo bake Inyiak Datuak, Mamak Rumah, Mamak Sako kutiko duduak baselo "di rumah gadang" mamacahkan masalah anak jo kamanakan di kampuang halaman, mako campakanlah saluak di kapalo atau deta di kaniang ka Rimbo Panti. Nantik, dampak dari paham demokrasi di Minangkabau dijalankan dek Inyiak Datuak, Mamak Rumah, Mamak Sako, nan maajak pulo "anak kamanakan & kaum padusi nan alah gadang" sato sakaki barapek. Punyo hak suaro sarupo kredo "vox populi vox Dei". Insya Allah, kutiko ado niaik dari anak kamunakan kamanjua tanah pusako (tinggi) diadokan forum demokrasi. Karano anak kamunakan banyak suaronyo dibandiangkan suaro Inyiak Datuak, Mamak Rumah, Mamak Sako, mako tajadilah kredo "Kandak didapek pinto dikabukan". He he hee... Adokoh tapikie dek Dunsnakmbo kasadonyo dampak jangko panjang dari barubahnyo paham "musyawarah manuju mufakaik" nan dipakai di Minangkabau hari ko manjadi "Suaro tabanyak adolah suaro Tuhan"? 3)Caro manjinakkan Minangkabau nan tanamo jo "rumah gadang"..., rangkiangnyo nan balirik.... dst, adolah mancuci utak-utak Si Padang nan tanamo jo kultur takuruang nak di lua taimpik nak di ateh tapi tataok mamacik alam takambang jadi guru dan indak panah lupo ka ABS-SBK, kamudian Si Padang nan bapaham modern ko disuruahkan (scarao sistemik) untuak dipakai di kampuang halamannyo. Caronyo? Sudah tantu manyigi rambu-rambu tageh dalam ABS-SBK nan paralu diubah manjadi paham demokrasi. Dima paralu UU Pusek nan manyamokan saluruah provinsi di RI (kecuali DIY jo NAD) dipakai untuak mangampihkan paham ABS-SBK. 4)Baliak ka komentar Sankmbo Muzirman di bawah (Katanya Pemilu Kada badunsanak, kok bantuak iko jadi nyo, ala sampai pulo di MK. Dunsanak tingga dunsanak, yuang. Iko soal kursi nan empuk) ambo hanyo dapek bakomentar co iko sajo : Nan dipabuek MATO, (kabatulan akronim TO adolah bakeh Bupati kampuangmbo dan sampai datiek ko No.HP-nyo lai tasimpan rapi di saku ambo) dibuliahkan dalam paham demokrasi nagari (kumpulan kaum para bedebah) ko. Kalau dalam paham ABS-SBk sudah pasti problem sia nan manang ia nan kalah tu kadisaikan sacaro duduak baselo di lapiak pandan. Dimintak pandapaik Inyiak Datuak, Mamak Rumah, Mamak Sako, kamudian baru disinkronkan jo "fungsi" TUNGKU TIGO SAJARANGAN lainnyo. Kalau buliah ambo batanyo, apokoh aturan main nan balaku di Minangkabau samanjak "alam mingkabau bakambang" tu lai dipakai juo hari ko di Minangkabau? Dan, tanyo ko ambo jawaok sandiri : Karano provinsi Minangkabau indak dikenal dek Urang Pusek, nan ado hanyo provinsi Sumatra Barat, mako nan dipabuek MATO indak paralu malu-malu doh. Demi managakkan paham "vox populi vox Dei", biasonyo mamparalukan pitih bakaruang-karuang basarato ruok di podium bakaranjang-karanjang, apo sajo dijalani mereka. Demi kursi nan empuk (istilah Sanakmbo Muzirman) dima paralu dunsanak jadi lawan, si langkaneh jadi konsultan dan "tanaman-tanaman nan dipaga, untuak samantaro bulieh dimakan". Nantik kalau alah duduak di kursi nan empuk (istilah Sanakmbo Muzirman) tu, dicibo malah maansua utang budi atau utang kaceo salamo ko. Dan...... sakatidiang kabijakan ka kalua nantik panabuih "utang" salamo ko. Dek karano ikolah, makonyo si mm ko dalam r...@ntau-net (Juni 2009) paranah manulih jo tageh dan kareh, bahaso Minangkabau nan ambo banggakan sampai hari kiamaik, indak ka bisa disamokan jo nagai lain di ateh dunia ko. Ambo bangga jo nagarimbo nan punyo ABS-SBK, nan indak dipunyoi dek nagari lain. Kalau Dunsnakmbo nan lain paralu mambaco komentar (spontanmbo) mananggapi komentar LaeRamadhan Pohan (anggota DPR RI dari Partai Demokrat) untuak mangubah Pantai Minangkabau sarupo Pantai Sanur atu Kuta di Bali, sialakan dicibuak di www.rantaunet.com. Jadi, kama angin ka barambuih dari niaik mampaeloki paham ABS-SBK alah tabaun dek Inyiak Datuak, Mamak Rumah, Mamak Sako, di kampuang halaman awak. 5)Sarupo komentar Pak Saaf bake tulisan-2 si mm dalam r...@ntau-net ko babarapo ukatu nan lalu (si mm tu produk pasca PRRI..!!!), saketek pun ambo (si mm) indak bangih bake Dunsanakmbo lainnyo nan kabarancana mampaeloki tatanan struktur adat istiadaik di Minangkabau. Tapi.... satalah ambo liek sandiri (jo mato kapalo) kutiko 3 X ambo pulang ka kampuang halaman satahun tarakhie ko, ado tigo hal nan sangaik mandasak untuak awak taruko jo hati nan barasiah dan panuah raso sayang, adolah : a)Baliak ka surau. (hiduikan baliek program wajib mangaji ka surau buek anak kamunakan di kampuang halaman. Dima paralu buekkan Perda wajib bagi anak-2 usia >17 tahun untuak sato program "Didikan Subuh" nan marak di Sumbar pasca Gestapu (1966-1969) tempo hari. Barek untuak dilaksanakan? Kalau indak barek indak tantangan doh namonyo. aa)Samokan suduik pandang Tigo Tungku Sajarangan di SumBar dalam menyikapi apo sajo nan banamo arus moderen, antaro lain misalnyo : ab : sagalo macam makanan (snack, kue nan babungkuih) di waruang, swalayan, toko WAJIB MAMAKAI LEBEL HALAL dari institusi resmi nan diakui pamarintah. ab)Sacaro rutin, tiok hari Jumaik (?) razia kasado alahe toko-toko nan manjua parangkaik urang modern (VCD, kaset, buku-buku). Basuo barang nan diharamkan dek ugamo atau indak sajalan jo pandangan hiudik urang minangkabau (nan ABS-SBK) kumpuakan capek. Baka basuluah matohari dan bapaga urang banyak. Masih juo, nan punyo kadai tu tatangkok kutiko dilakukan razia barikuiknyo, proses sasuai jo UU nan balaku di nagari (kumpulaan kaum bedebah) ko. ac)Tigo Tungku Sajarangan, dalam mawujudkan ABS-SBK nan sabana-bananyo, supayo mambuek Dewan Kontrol Minangkabau. Koran atau TV swasta nan mulai (sacaro indak sadar) ditunggangi dek "kekuatan" Konspirasi Dahsyat dalam mambumi hanguihan kabanggan Minangkabau dalam tempo limo puluah tahun, cubik dan cikuih!!!! Kalau pemodal kuaik tu masih juo karengkang manayangkan & mahidangkan sajian (tontonan & bacaan) nan manjadikan genarasi mudo Minangkabau samakin jauh dari ABS-SBK, ajukan ka meja hijua (meski panyalasaiannyo nantik balaruk-laruik). Nah, sengan ko dulu pandapek ambo dalam manyikapi komentar pendek sanakmbo Muzirman Tanjuang bake kurenah MATO jo Edi-Husni dalam mawujuikan "vox populi vox Dei" sejati di Minangkabau. Kini bola babaliak ka hati sanubari Si Padang di ateh dunia ko. Apokoh Sanak bahagia jo Minangkabau nan mandewakan demokrasi nan digungguang Amrik (basarato konco palangkinnyo) atau bangga maliek kampuang halaman kito nan zaman saisuak panah malahiekan H.Agus Salim, M.Hatta, M.Yamin, Ta Malaka, St.Syahrir, M.Natsir, HAMKA, Harun Al Rasyid Zain, Rosihan Anwar..dll, dst.....???*** Sarupo biaso, kalau ado kalimaik si mm nan ditulih sacaro spontan ko (hanyo jo modal memori sajo, jauah dari literatur tatulih) nan indak lamak Sanak tarimo, sabaleh jo kapalo ambo mintak maaf. Cuma, pasan ambo. Sarancaknyo poin-poin nan ditulih diateh Sanak ranuangkan jo hati barasiah, kamudian (kalau sanak lai sadang punyo POWER kini ko) jabarkanlah jo sapanuah hati bahaso kito kasado alahe Si Padang di ateh dunia indak kanamuah kampuang halamannyo indak barapo lamo lagi hanyo tingga namo sabagai nagari nan paliang spesifik di ateh dunia. (Ciri-cirinyo gampang sajo : Apokoh alah ado di nan dijua urang di emperan jambatan panyabarangan Glodok Jakarta alah dijua urang pulo di Padang atau di Bukiktinggi? Apokoh kurenah remaja di Taman Monas malam hari atau di tenda-tenda Bina Ria alah ditiru pulo dek anak mudo Minangkabau di tapi lauik Pariaman, Pantai Carita Sungailimau atau di bawah Jam Gadang kutiko malam hari?? Mako ikolah bukti bahaso nagari Minangkabau alah "sabana maju". Alah bisa disamokan jo nagari rantau. He heee..) "Antahlah Yuang".., tulih Buya Ma'rif di koran KOMando PAStur babarapo ukatu nan lalu. Salam......................, mm*** Lk-2, Koto Dt. Tumangguang, >50 th, Bekasi. ________________________________ From: Muzirman -- <muzir...@gmail.com> To: muzir...@gmail.com; rantaunet <RantauNet@googlegroups.com> Sent: Tue, July 27, 2010 7:30:39 AM Subject: [...@ntau-net] BESOK, GUGATAN CAGUB MATO DAN EDI-HUSNI DI MAKAMAH KONSTITUSI Katanya Pemilu Kada badunsanak, kok bantuak iko jadi nyo, ala sampipulo di MK. Dunsanak tingal dunsanak , yuang iko soal kursi nan empuk, nan paralu di pajalehan. , Apa ya maksud nya lagi , kansdh jelas yg meang nya siapa, dan sdh di putuskan KPU malah.? Wass. Muzirman Tanjung -------------------------------------------------- Sumbar | Senin, 26/07/2010 20:06 WIB Sengketa Pemilukada Besok, Sidang Gugatan MATO dan Edi-Husni di MKHeri Sugiarto - Padang Today Sidang perdana gugatan hasil Pemilukada Sumbar yang diajukan pasangan calon gubernur dan calon wakil gubernur Marlis Rahman - Aristo Munandar terhadap KPU Sumbar, mulai disidang di Mahkamah Konstitusi, Selasa (27/7/2010). Agenda sidang adalah pemeriksaan perkara gugatan. Gugatan calon incumbent itu, terkait dugaan telah terjadi pelanggaran dalam proses Pemilukada berlangsung. Salah satunya dugaan kampanye hitam dan dugaan keterlibatan orang asing dalam kampanye salah satu pasangan calon lain. Dari penelusuran Padang Today di laman situs resmi MK, sidang gugatn terhadap hasil Pemilukada di Provinsi Sumbar, juga diajukan calon gubernur dan calon wakil gubernur Edi Warman-Husni Hadi dengan kuasa hukum Adi Mansar, SH, MHum, dkk. Agenda sama yakni pemeriksaan perkara. Sebagaimana diketahui, hasil rapat pleno terbuka rekapitulasi penghitungan suara Pemilukada Sumbar, Senin (12/7/2010) lalu menetapkan pasangan calon gubernur-wakil gubernur Irwan Prayitno-Muslim Kasim sebagai pemenang Pemilukada. Pasangan yang diusung PKS, PBR dan Hanura itu, meraih 657.763 suara (32.44 persen), sementara Marlis Rahman–Aristo Munandar memperoleh 531.601 (26.22 persen), disusul Endang Irzal-Asrul Syukur 416.567 (20.54 persen), Fauzi Bahar-Yohannes Dahlan 330.123 (16.28 persen) dan Edi Warman-Husni Hadi 91.726 (4.52 persen). Dalam rekap hasil suara pemilu gubernur dan wakil gubernur 2010, partisipasi pemilih berkisar 63,62 persen. Dari Daftar Pemilih Tetap (DPT) sebanyak 3.319.459 orang, yang menggunakan hak pilih hanya 2.111.835.(*) -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe. -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.