Inyiak Lako nan ambo hormati sarato saluruah dunsanak lapau, Waalaikumsalam Warahmatullahi Wabarakaatuh,
Sanang hati ambo mambaco tulisan Inyiak ko, sampai mukasuik hati katiko nak ka mangiriman ka Milis awak ko. Apopun nan ambo tulih kok dapek Nyiak, sanang hati urang mambaconyo. Labiah lo sanang hati ambo nan manulihannyo. Satantangan suduik pandang Inyiak ka tulisan ambo ko, iko ambo dapek dari nenek-nenek ambo ukatu saisuak kaciak-kaciak jolong ka gadang. Nenek ambo barasa dari Kanagarian Tilatang Kamang desa Kaluang. Namo liau Sadi, Alhamdulillah ukatu bagolak saisuak nenek ambo lai aktif lo di dapua umum di kampuang kami tu. Nan minantu liau Papa ambo ikuik jadi Palang Merah sahinggo baganduah jo ikuik jadi kurir Pak Imam (Buya Natsir). Ayah Papa H. Syamsuddin jadi urang nan dituokan di Musajik Kaluang tu, liau juo ikuik di MUI Sumbar di zaman liau. Rina kurang tau apo posisi liau sangkek saisuak tu. Kini Papa jadi nan paliang tuo di antara keluarga nan masih iduik. Inyiak jo nenek tu alah lamo lo maningga, katiko rina masih sakolah dasar. Hanyo sajo Nyiak, apo nan dicaritokan Nenek jo Inyiak tarutamo nenek sabok Nenek tingga jo kami, dek anak Liau hanyo Mama nan padusi. Sahinggo sambuah carito nan rina dapekkan dari nenek mengenai jaman japang, bulando juo ukatu bagolak pereri ataupun sekedar carito ringan ala kampuang kami tu. Acok bagaluik jo lalok di tampek tidua nenek, sabana banyak manfaat no, samba nenek nan tapisah dari samba kami acok masuak paruik rina hehe..dek nenek maag ndak bisa makan balado dan rina sangkek ketek takuik jo lado mangkonyo badan kiluih dek pamaleh makan. Itulah Nyiak baa dek mode tapatri di ingatan rina bahaso-bahaso nan ganjia-ganjia tu di perbendaharaan kato nan acok rina pakai untuak manulih jo bahaso awak ko. Mudah2an Inyiak sakaluarga dibari Allah SWT sehat salalu,amin. Wassalam Rina, batam -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.