Alaikum Salam Mamak St. Sinaro, Tarimo kasih ateh ingektan Mamak. Kok diingek2 iyo pulo. Tapi kalabihan urang Barat tu itulah: nyo pacik2 Al-Qur'an tu, nyo kaji2 budaya urang Islam supayo inyo tahu parangai awak, dima lamah dima kuaik awak. Iko nan dilakukan dek banyak orientalist tu, antaro lain Snouck Hurgronje. Walau lah dibantah deh Edward Said, nan kajian Islamologi ko taruih jalan. Kalau awak agak cameh mamacik Injil tu. Capek takuik awak dituduah lah barubah akidah lo, sarupo nan Mamak St. Sinaro takuik'an. Namun, dek itu juo barangkali awak salalu kalah salangkah (atau babarapo langkah?) dari utang Barat ko. Takana dek ambo kutiko sorang kawan dari Aceh di seminar di Liverpool babarapo waktu lalu. Sudah seminar, panitia mambao jalan2 (eskursi), antaro lain masuak sebuah gereja tuo. Nan kawan dari aceh ko indak namuah masuak ka dalam, di lua sajo. Rupoe inyo takuik iman e rusak, kecek e. Apo nan Mamak Sutan cameh'an dalam postiangan Mamak di bawah tabukti indak balaku di abaik ka-19, taradok diri BAPAK SASTRA MELAYU MODERN, ABDULLAH ABDUL KADIR MUNSYI (lahir di Melaka 1796). Abdullah lah nan menyunting terjemahan bahaso Melayu kitab Injil nan diterjemahkan dek penginjil Inggris Alfred North dkk si Singapur. Banyak kritik Abdullah terhadap terjemahan North dkk tu. Tapi, sarupo sangko Mamak St. Sinaro, banyak urang Melayu wakatu tu lah manuduah (mampitanah) Abdullah lah jadi urang kapia, dek inyo lah mambantu missionaris tu. Tapi ruponyo iman Abdullah indak dapek diago doh dek North dkk. Abdullah mambedakan antaro mancari kehidupan jo iman (takan di ambo sdebat, kalau urang Islam bakarajo di perusahaan urang Yahudi baa? Badoso atau bapahalo? Samo jo ambo pernah alami: di kampuang ado surang gaek nan manyabuik ambo lah indak mungkin masuak sarugo lai dek mamakan pitih urang Ulando, dek karajo di Ulando, wallahualam, Allah SWT nan tahu!). Abdullah samo sakali indak pernah manjadi Kristen walau sahari2 bagaua jo urang Eropa, jo penginjil bantuak Afred North. Kajian Amins Sweeney yg komprehensif tentang KARYA LENGKAP ABDULLAH ABDULKADIR MUNSYI, liek Jilid III, KPG etc. 2008) manunjuak'an bahaso North dkk frustasi juo mahadok'i Abdullah ko. Sabab nyo sangko Abdullah tertarik masuak Kristen, nyo sangko iman Abdullah dapek nyo bali. Tapi malah imannyo, keislamannyo, indak bisa diago doh. North akhirnyo mangedit karya2 Abdullah: unsur2 Islamnyo dipangkeh dek North dkk sabalun ditabik'an. Abdullah maningga di Makah thn 1854. Wakatu tu baru babarapo hari inyo sampai di Tanah Suci memenuhi panggilan Allah SWT. Malah babarapo hari sabalun maningga inyo masih menulis catatan hariannyo, seperti dapek di baco dalam Kisah Pelayaran Abdullah ke Mekah. Kaba nan sampai ka Singapur wakatu tu manyabuik2 bahaso Abdullah maningga karano pinyakik kolera. Tapi baa mako babarapo hari sabalun maningga inyo manyatokan dalam catatanyo bahaso inyo sehat2 sajo. MAKONYO ADO SPEKULASI BAHASO ABDULLAH MUNGKIN MATI DIRACUN oleh pihak2 urang kapia nan tak ingin inyo manulih banyak soal haji dan Islam salamo perjalanannyo di Makah, nan tantu akan dikirim ka dunia Melayu dan akan mampangaruhi urang Melayu. Eh....lah malewa2 carito ambo komah. Kumbali kito ka pangka carito tadi. Nan ingin ambo sampaikan adolah bahaso sagalo karajo TAGANTUANG NAWAITU. Ka Allah kito basarah diri. Ka kawan2 di lapau jo Mamak St. Sinaro ambo mintak pandapek. Wassalam, Suryadi --- Pada Rab, 18/8/10, Sutan Sinaro <stsin...@yahoo.com> menulis:
Dari: Sutan Sinaro <stsin...@yahoo.com> Judul: Pikia banalah dulu Re: [...@ntau-net] gereja minang saiyo ?? Kepada: rantaunet@googlegroups.com Tanggal: Rabu, 18 Agustus, 2010, 10:28 PM Assalamu'alaikum. w.w. Maa sanak Suryadi,... ambo tau memang untuak penelitian ... soal agamo, iman dan aqidah di latak di belakang, urang bausao sa objektif mungkin supayo dapek hasil nan ilmiah kecek urang. Iko lah aia mandi urang-urang nan biaso bagaluik jo dunia ilmu pengetahuan dengan cara barat. Masalahnyo kini Sur,... nan ka diteliti kini tu lah menyinggung hal-hal nan subjektif, indak hanyo hal-hal objektif sipaiknyo. Kalau memang terbatas meneliti "mengapa orang-orang pindah atau tidak ke kristen",... eh silahkan saja, dan silahkan ungkapkan hasilnya dimana saja. Tapi kalau nan diteliti adolah injil (bibel)nyo tu bana bantuak kecek sanak nal nal kompas.. ..ooppps tunggu dulu... salain ko karajo sio-sio kecek ambo... juo akan mempengaruhi urang-urang nan lamah imannyo... jadi tolong jan dilewakan di siko. Kok ka dibuek juo rancak anok-anok sin,... makan sin hasilno surang. Cubo sanak Suryadi bayangkan fitnah nan katajadi kalau ado urang manulih ... "Orang Minang ramai-ramai meneliti titik titik titik titik" ... (paham se lah titik2 tun) ... gadang fitnahnyo tu .... jan main-main... Lai talok dek sanak manangguang dosonyo isuak ?. (kato fitnah ko, fitnah dalam arti bahaso Arab bukan bahaso Indonesia, silahkan merujuk sanak Ahmad Ridha). Ciek lai, karajo ko sio-sio ko, dan manuruik hemat ambo talarang dek Nabi saw., Sijarahnyo.... Katiko Rasulullah maliek lembaran Taurat di tangan Umar ra., beliau berkata dengan merah muka "Kalau seandainya Musa hidup bersama kita saat ini, tiada yang dilakukan nya kecuali mengikutiku". Ndak ado nan dipabuek Umar salain mambuang lembaran tu. Nah, sadang dek Umar sajo,baru dipacik se, nampak dek Nabi saw. merah muko beliau, Umar nan dijamin masuak sarugo mati katakutan dibueknyo... ..haa... kini diawak ka ditimang-timang, ka diinok ranuangi untuak diteliti....dan dipublikasikan ?. iyo labiah santiang awak pado Umar nampak dek ambo ?, Lah dijamin masuak sarugo awak son-sorang ?...aaa... jan lai Sur..., mambana ambo... Pikia-pikia banalah... urusan ko misti subjektif..... not vice versa ... (Lai katalok bisuak sanak Suryadi tacataik dek malaikat sebagai urang nan ikuik menyebarkan agamo kristen jo penelitian ko ?....iiii... tagak bulu ramang ambo, samantaro penelitian al-qur-an masih banyak nan paralu dilakukan, sabab kecek Allah swt. kalau laut dijadikan tinta dan ditambah sebanyak itu lagi, belum cukup untuk menuliskan kalimah-kalimah Allah) Bilaahil hidayah wat taufiq Wassalam St. Sinaro --- -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
