Kapa tabang garuda nan mambaok mbo tabang dari jakarta alhamdulillah manjajak tanah katapiang jo salamaik. Sampaik pulo angok tatahan jo datak jantuang batambah dek karano dapek kaba rinai jo barawan di Padang. '....ambo alah tibo di BIM...Ron...'Kecek mbo mangabaan ka dr Roni Eka nan maundang ambo ka Padang untuak mangarajoan operasi tulang balakang sore tu. Indak lamo sasudah tu alah ado pak jepri manalepon ambo mangabaan baso baliau nan dapek tugas dari dotor roni manjapuik dan maantan ambo ka rumah sakik swasta tampek operasi tulang bulakang dikarajoan. Eh...masih ado wakatu agak tigo jam sabalun operasi. Mbo cubo talipon kawan2 nan jadi mamak rumah di Padang. Duo tigo kawan samo gadang lai pulo basiso. Antusias nyo manyapo taragak ndak basuo. Sakatiko tabuek lah janji ndak babuko basamo dirumah salah surang kawan di daerah gunuang sarik. Daerah ko tamusahua jo sabutan daerah 'karampang angin'. Baitu pak jepri nan maantaan mbo inyak inyin mancaritoan tantang daerah ko. 'Karampang angin'... Ha iyo tagalak sengeang pulo ambo mandanga istilah ko. Baa pulo carito asa usu 'gala' daerah gunuang sarik ko iyo indak adoh nan tau. Baitu pak jepri bakomentar. Nan jaleh alah barangin karampang awak nan daerah gunuang sarik ko alun jo capai dek awak lai. Co itu bana pak Jep manarangkan... Puku 6 diambang patang ambo alah manyalasaian operasi tulang balakang nan jadi mukasuik utamo mbo ka padang. Powered by Telkomsel BlackBerry®
-- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
