Mak Angah, Gunuang Sariak ko maso daulu (tahun 80) mbo tampuah bajalan kaki atau kuretangin (sepeda angin). Bajalan wak dari gunuang pangilun, taruih ka nanggalo, taruih ka Siteba, sudah Balai Baru, indak jauh sudah tu batamu jo gunuang Sariak tu. Kalau kini ko sekitar kilometer 23 jalan bypass. Kawan ko subana e barumah ka gunuang sariak. Dapek bana gadih Karampang Angin nan batanah laweh dek baliau ko. Urang nan tingga di Karampang Angin ko nampak e lai pulo biaso makan puyu, sapek, bakok, pantau, jo baluik. Baitu pulo patai jo jariang. Sahinggo malam tu iyo tapaso babuka kaco jendela oto, supayo indak baun katukuih bana di dalam tu. Maklum balimo kami makan jariang, basusun sapek di dalam oto, takekeh kekeh galak, baa indak ka kurang oksigen dek.
Subana kampuangan bana mak Angah... Salamaik babuko mak angah... Awak baru salasai 3 jam imsak, lah bagageh ka rumah sakik... Rahyussalim Powered by Telkomsel BlackBerry® -----Original Message----- From: "sjamsir_sjarif" <hamboc...@yahoo.com> Sender: rantaunet@googlegroups.com Date: Tue, 07 Sep 2010 00:17:06 To: <rantaunet@googlegroups.com> Reply-To: rantaunet@googlegroups.com Subject: Re: [...@ntau-net] Semalam di ranah minang Maa Malin, eh Angku Dotor, ambo agak buto jo petanyo, dimaa bana lokasi Gunuang Sariak atau Karampang Angin ko? Masih di Padang tampaknyo. Tapi apokoh kawan ko indak urang Karampang Angin tu bana (Urang Padang) karano katu ketek-ketek ambo dangan Urang Padang indak makan baluik doh. Kok di MakNgah, goreng baluik masiak jo jariang tu indak baagoago doh. mandanga ota angku dotor sajo kini ko sadang duo jam lai ka babuko, rasonyo lah ka bata pulo puaso dek turun naiak jakun mambayangkannyo ... :) Salam, --MakNgah --- In rantau...@yahoogroups.com, rahyussalim2...@... wrote: > > ....Sambungan dek indak sangajo lah tatuncik tombol send. > > Iyo indak batunggu lamo doh, salasai operasi mbo langsuang maluncua ka daerah > 'karampang angin' alias gunuang sarik. Mbo pasanan bana ka kawan baso ambo > iyo taragak bana babuko baselo caro kampuang. Mbo alah dapek kaba baso urang > rumah kawan ko santiang mamasak, pandai manatiang, sagalo jagok. Alun adoh > kawan nan makan di sinan nan indak cainan baliak. Kiniko mbo iyo ka mancubo > pangalaman lamo nan alah ilang salamo hampia duo puluah tahun. > '...makan lah malin ijan babaso pulo lai. Sado nan adoh tu iyo tuk di makan > mah...'Baitu baso rang rumah kawan mbo tu. Alah abi nasi sapiriang layak, > lauk puyu baitu pulo, adoh lo goreang baluik bacampu jo jariang, di tingkah > pulo gulai pucuak ubi parancah bada masik. Ondeh mak...indak basiso ruang > paruik lai doh. Nan ambo iyo indak adoh babaso bagai doh. Dek karano kawan > mamak rumah ko konco palangkin salapik sakatiduran di surau balanti maso > ketek2. > Lah salasai makan maota gadang lah kami mulai carito mancik2 sampai carito > serius nan bak awak pulo nan punyo kota Padang ko. > Lambek lamo mulai tadanga bunyi koncek basahuik-sahuik, ditingkah jo suaro > cingkariak sarato uwia2. Taraso bana dikampuang mbo dek tingkah bunyi2an ko. > Alah pukua sabaleh malam, mbo ajak alah konco palangkin ko pai babega ka kota > Padang. Mancalaik baa bana suasana malam di Kota Padang. Ambo diajak > bakuliliang ka pasa raya darurat Padang nan alun juo salasai babangun. Arus > lalu lintas iyo taraso agak aneh. Singgah lo ambo ka tampek kawan nan sadng > manggaleh sipatu di jalan Permindo. Onde sanak langang jua bali kini kecek e. > Alah ampiang rayo alun juo dapek tabaia THR karyawan lai kaluah kawan nan > manggaleh sipatu ko. Panek maota nyo belok an lah oto dek pak jep si supir > oto ka simpang kinol tampek wisata kuliner. > Masih rami memang urang pukua duo baleh dinihari tu. Alah mbo pasan pulo > soto, gado-gado jo sate simpang kinol. Baliak mbo maota-ota baliak carito > maso sikola jaman sma inyak inyin nan makanan ko lai pulo abih. Kok raso > memang alun takalahan masakan urang rumah kawan mbo nan di gunuang sarik > 'Karampang Angin' lai. Antah hari alah malam, cuaca memang agak lindok pulo, > salero mungkin alah mulai tabaok lalok dek ari alah laruik malam. > Nan agak tacangang awak katiko mambaia. Kasir e disangko amai-amai kampuang > rupo e indak pulo doh. Dibao caro awak nyo bae baso Indonesia Raya. Mbo tanyo > dima kampuang, nyo asli simpang kinol. Kok dicaliak rono encik ko agak pitok > mato e. Ondeh sansai lai. Badatak ati mbo, nan manggaleh ko urang awak dari > tanah subarang mungkin anduang e masih di daratan tiongkok sinan. > Mbo bae bana babaso glodok nan mbo bisa lai... Ehe alah tagalak sengeang si > encik tu. Aha.."Ah nyo baso lo awak marokok agak sabatang. Mbo jawek se indak > sambia maluncua pulang ka Karampang angin. > Puku satu malam akhirnyo ambo mulai shalat isya, taraweh, manompang di rumah > kawan nan masih di kaliliangan sawah, banda, jo banyak hutan. > Taraso bana suasana kampuang malam tu. Antah jam bara mbo takalok, tau2 alarm > BB ambo alah manjagoan awak puku ampek tuk kemudian kami sahur, sumbayang > subuh dan siap2 tabang hambua baliak ka tanah betawi. > Di ateh kapa tabang masih aduh siso akuak nan tabaok, takalok kalok ayam ambo > di ketinggian sabaleh kilometer. Takana- kana makan di kinol nan induak > samang e urang subarang, takana pulo makan lauk puyu nan baru taulang sasudah > duo puluh tahun.. > Tarimo kasih kawan...nan kampuang dari dulu iyo coitu juo. Antah pabilo ka > maju e. Nan karampang angin tatap juo karampang angin. Nan toke tatap juo > urang lua... > Ondeh mak..pabilo lo awak ko jadi toke dikampuang suranggg.. > (Salasai) > > Rahyussalim -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe. -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
