Assalamualaikum ww Untuk memperkaya vocab kita2 yang LANSIA ini, ado lo ciek lai istilah MANULA yang berarti Manusia Usia Lanjut
MANULA DUTADUAH ko sarancaknyo MAUNJUA UNJUA DAN BASILUNJUA BASILUNJUA sajo lah nan ka rancak sambia BA-JIKIA JIKIA, walau indak talok bana lai bajalan jauah co dulu lai, kok sumbayang kamusajik jan sampai absen 5 wakatu, bahkan kecek Rasulullah walau lah buto dan lumpuah sakalipun kok masih tingaran juo suaro adzan wajib juo kito nan laki2 ko sumbayang ba-jamaah ka musajik Kok di kana maso dahulu a nan ka disabuik, indak ado bukik nan tenggi nan indak tadaki, indak ado lurah nan dalam nan indak taturuni Jadi kok lai ka buliah go eh, untuak nan mudo2, kok raso2 lai indak ka manggaduah bana doh, tolong diprioritaskan nan senior2 ko dulu, maklumlah urang nan lah tuo2 ko Kok rambuik lah putiah dikapalo Kok ditanggakan gigi palasu nan tampak gigi aseli tingga duo Kok batuak'e sudahlah kareh barisi pulo Kok memori, lah saketek nan takana pado nan lupo Kok pangana kadang2 iyo lah ilang2 timbua pulo Kok ati iyo lah acok pulo nan ta-ibo Baa ka indak dek sanak du, lah cucuak per tu bana nan lah guyah atau mungkin pulo lah patah Lah genjuik kok duduak Lah genjang kok tagak Lah ta aduah ka duduak Lah ta aduah pulo ka tagak Lah mandateh sagalo pa-ulesan Lah ngilu2 sagalo kunci2 Tapi kan kadang disitu pulo lah latak silap kito dahulu, mungkin kok ba-doa lai acok bamintak panjang umua, tapi kok indak, iyo indak paralu manyasali doa saisuak tu doh, paliang nan kamungkin nyeh lai, mungkin wakatu "ultah" bisa jadi mungkin indak "Happy Birthday" sajo nan didendangkan urang, kok indak silap go eh, lai juo tingaran didendangkan urang Selamat ulang tahun, kami ucapkan Selamat panjang umur kami kan doa kan...... Kok doa panjang umur, kok indak bana pernah awak mintak, mungkin dari urang nan mukabua mah tampaknyo Cumo nan timbua pangana kini, baa kok alun juo dapek dek para ahli temuan ilmiyah ubek anti tuo atau ubek awet mudo du go eh... wasalam abp58 ________________________________ Dari: sjamsir_sjarif <hamboc...@yahoo.com> Kepada: rantaunet@googlegroups.com Terkirim: Rab, 20 Oktober, 2010 11:15:09 Judul: Re: Bls: Bls: [...@ntau-net] Sebuah Kamar Merangkap Rumah Ondeeh ... baitu bana gambarannyo LANSIA jo DUTADUAH ko mah yo? Tarimokasih JoBuyuang nan lah manjalehkannyo Tapi sado nan kito imbau (nan MakNgah imbau dalam postiang "Kantuik Badaram")rasonyo indak ado surang juo nan taimbau tu mangatangahinyo doh. Baa tu eh? Mungkin mangkacimuih se wak-e nan lansia-lansia tu mancaliak ota atau kecobas postiang Nyit Sungut yo? ... Salam, MakNgah Nan tadorong Lansia --- In rantau...@yahoogroups.com, zubir.a...@... wrote: > Mak Ngah n kasadonyo nn lah baumua kapalo anam kateh...di RN. > JB n Mak Ngah,Nyiak Mala ko,Uda Syaf,Uni Nismah, Asmardi Arbi dlsb,kito ko >lah masuak kelompok 'LANSIA',ke lompok 'lanjut usia'.Atau kelompok "dutaduah" >yakni ke lompok 'duduak aduah,tagak aduah. > Baik kelompok lansia atawa dutaduah,kalau bangun dari duduak,manggaretek >tangan nyo n jari2nyo manggigia untuk mamacik nn bisa dipa cik.Kadang2 aia >liuanyo lah ba patai2 lo kalua wakatu tagaktu > Semoga Allah swt,melindu-ngi kita para lansia n dutaduah ini dari >kepikunan, palupo n lemah jasmani n roha ni.Amin ya Rabbal Alamin. > > JB,71thn,sk Melayu Mandai ling(bukan Batak),ughang Pia man,Bonjer,Jakbar. > Sent from my AXIS Worry Free BlackBerry® smartphone > -----Original Message----- > From: "sjamsir_sjarif" <hamboc...@...> > Sender: rantaunet@googlegroups.com > Date: Wed, 20 Oct 2010 03:15:31 > To: <rantaunet@googlegroups.com> > Reply-To: rantaunet@googlegroups.com > Subject: Re: Bls: Bls: [...@ntau-net] Sebuah Kamar Merangkap Rumah > Tarimo kasih banyak Rina. MakNgah tacangang-cangang sajo sampai dapek >katarangan tantang istiloah JADUL tu dari Rina. Aaa lah ko eeh, takok-takok >uwok >surang sajo, mungkin Janda Gundul ndak? Taoi ndak mungkin kecek pangana nan >sabalah. Baa lo laki-laki Jadul ka jadi Jando Gundul... > > Kiro-kiro babarapo bulan nan lalu MakNgah ditunjuakkan kawan pulo istilah > baru >LANSIA nan nyo kirim jo sms. MakNgah tanyokan apo tu lansia, kankoretapi indak >ado lai lalu dikamopuang awak? Sabab dahulu nan tahu dek MakAngah nan >lansia-lansia tu di stasioun adolah koretapi. > Jadi wakatu mampostiangkan Sepasang LANSIA bernikahnikahan MakNgah indak >tacangan lai mamostiangkannyo. Indak ado tanyo lai. > Apo lai nan agak popuer kini tapi Makngah indak tahu takalok satangah abad > kan >Rina. Kok ado tolongagiah ciek-ciek. Tapi kok kalua lo nan ganjia-ganjia >tadanga >dek Makangah tanyo lo baliak ko. Mudah-mudahan Rang Lapau nan baru-baru indak >galak-galak nabi lo mandanga ko.l Maklumlah MakNgah iyolah, manuruik Rina, >Urang >JADUL nan takalok istilah satangah abad. > Salam, > --MakNgah > Sjamsir Sjarif > --- In rantau...@yahoogroups.com, "rinapermadi" <rinapermadi@> wrote: > > Mak Ngah di Santa Nan Kuruih, > > Arti Jadul sendiri adolah singkatan dari Jaman Dulu. Jadi Laki-laki Minang >Jadul aratinyo laki-laki Minang nan ado di jaman saisuak > > Kurang jaleh apo laki-laki Minang Jadul ko masih ado sampai kini atau adonyo > > saisuak sajo. > > Jikok jadul ado di kalimat yang berisi sindiran : contoh sambia bagarah jo > > kawan sambia manyabuik ; "Jadul lo.... > > Aratinyo iko ungkapan bahaso urang nan ditunjuak atau disabuik jadul ko > > ketinggalan jaman atau gak up to date alias modern. > > Mungkin ado yang lain manambahkan > > Wassalam > > Rina, 33, batam > > -----Original Message----- > > From: rantaunet@googlegroups.com [mailto:rantau...@googlegroups.com] On > > Behalf Of sjamsir_sjarif > > Sent: Tuesday, October 19, 2010 9:19 PM > > To: rantaunet@googlegroups.com > > Subject: Re: Bls: Bls: [...@ntau-net] Sebuah Kamar Merangkap Rumah > > Apo aratinyo Laki-laki Minang Jadul? Alun panah mandanga Caro Maa tu? > > --MakNgah -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
