Ambo ndak tau apo thread ko paralu di baok ka Surau atau bisa di palanta ko se. Nan jaleh tagarak lo sato sakaki.
Sebelum Nahi Munkar siapkan: ILMU Saat Nahi Munkar siapkan: KELEMBUTAN Setelah Nahi Munkar siapkan: SABAR Acok awak manyabuik'an sesuatu BID'AH. Tapi waktu ditanyo baa kok bid'ah, kan ndak mungkin imam awak sari ka maajaan doso ka umaik. Jawab: pokoknya ndak contohnyo dari Rasulullah Salallahu 'alaihi wassalam. Ahli bid'ah: maa dalilnyo Jawab: laa setiap ibadah kan haram sampai ado suruhan atasnya. Iko lah contoh debat ambo sebagai urang nan ndak bailmu dengan pelaku bid'ah. Makin lamo makin kareh sainggo ilanglah kelembutan dalam managaakan amar ma'ruf nahi mungkar. Ndek ndak mangkuih akhirnya sabar pun jadi hilang. Hal-hal nan panah dipadebatkan: 1. Basalam ka kiri ka kanan satalah shalat fardhu atau sunnah 2. Baco Alfatihah saat jadi makmum shalat jahar 3. Baca Yassin Jumat. Adolo kitab Yassin Fadhillah. 4. Tahlil ndak lamak kalau ndak sato (aqidah<ukuwah) 5. Baco qunut hanyo saat sholat subuah. 6. Manggarik-garik'an talunjuak sapanjang Tasahud, kok baru kini nampak ndak dari sari-sari 7. Mangacuangkan talunjuak saat badoa shalat Jumat 8. Bazikir basamo 9. Batumpu jo tinju waktu bangkik dari sujuik 10. Lutuik atau kapalo dulu wakatu sujuik 11. Shalat ndak pakai suthrah (pembatas) baik di musajik apolai di lapangan saat shalat ied 12. Naik haji mabit (bamalam) di arafah 13. Shalat tetap dg rakaat panuah salamo di Mina, toh awak ndak kama2 14. Jumrah aqabah parak siang, jumrah nan lain tunggu hari lindok agak sore 15. Mamotong hadyu (dam) sabalun hari nahar/tasyrik 16. Zakat Fitrah jo pitih 17. Kaki jo bahu ndak amuah rapek saat bajamaah kan sajadah musajik lah ado kotak-kotaknyo 18. Masuak musajik kaki kiri/kanan sumbarang sajo 19. Manunggu azan usai baru shalat sunat saat imam kutbah. 20. Azan shalat Jumat 2x Iko lah di antaronyo hal-hal nan acok ambo "pakecek'an" dalam amar ma'ruf nahi munkar, tapi dek ndak punyo ILMU, ndak punyo KELEMBUTAN, ndak lo jo SABAR, hasilnyo yo ampia ndak ado doh. Kawan ambo manyabuik'an iko hal-hal ketek nan akan mamacah balah umaik. Naudzubillahi min dzalik. Sapanjang nyo lai basahadat, picaya jo Al Qur'an dan Hadish, alah cukuik tu mah, kecek kawan ambo tu. Sakadar tambahan, alhamdulillah di musajik kami: • Lah batanggaan kaligrafi • Lah badataan tampek imam tagak (ndak tinggi lai) • Shalat Jumat hanyo duo kutbah ndak didaului jo pengumuman keuangan, sia khatib, imam, muazin • Azan Jumat sakali • Lah 5 tahun zakat fitrah 100% bareh • Lah bazikir surang-surang • Ndak ado basalam-salaman nan rutin • Lah dominan jamaah laki-laki nan bajangguik • Lah baganti karpet motif jo polos • Lah jarang ado jamaah padusi nan shalat fardhu • Lah ado PAUD gratis • Ndak pernah ado perayaan Nuzul, maulid, isra' miraj, tabligh akbar • Lah batinggaan 10 Muharram sebagai Hari Anak Yatim diganti pemberian bea siswa tiok bulan bagi mereka • Isbal (kain di bawah mato kaki) lah mulai ditinggaan • Lah jarang nan mangusap muko abih badoa • Lah jarang nan mambukak tapak tangan waktu salam mengakhiri shalat • Shaf sejajar waktu shalat baduo (sesama lelaki) • Pengeras suaro hanyo untuak azan atau saat kajian tapi hanya sebatas dalam masjid sajo • Arah qiblat lah bastel ulang • Lah ndak ado waktu mambaco "amin" madok ka dindian atau pungguang imam. • Lah batinggaan tadarus salamo puaso diganti jo baco surang-surang • Lah batinggaan bacaan2/doa2 tertentu nan menyelingi antara dua rakaat tarawiah dg dua rakaat berikutnyo nan biasonyo dibaco kareh-kareh dek makmum • Shalat tarawiah 11 rakaat sajak dulu tapi meniadakan santapan rohani (taushiah) tiok malam karano takuik jadi ritual rukun. Namun diganti dengan taushiah abis subuah tiok hari Minggu. Jadi lah makin ringkas ibadah-ibadah kami kini, labiah tanang, ndak banyak ornamen-ornamen nan ndak paralu. Banyak maaf bilo kurang pas, karano ilmu nan kurang bana. Salam, ZulTan, L, 50, Bogor "Give me a fish and you feed me for a day; teach me to fish and I'll eat forever, inshaallah." -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/