Mak Ngah, Tabayang dek ambo pangalaman Mak Ngah tu tumah. Manjadi mimpi buruak dek Mak Ngah babarapo lamo. Baitulah kebudayaan manusia ko barubah2, tamasuak dalam memperlakukan binatang. Namun anehnyo manusia ko tatap kontradiktif: kini mambunuah urang (sasamo manusia) mudah bana. Jatuahan bom...tembak'an geren. Piluru kalua co urang marandang kacang. Di Irak, Libya, Syiria, dll. Mayik manusia badarah2 bagalimang tanah. Darah mangalir co anak aia. Ngeri awak...MANUSIA MEMANG MANKHLUK YANG MISTERIUS. Salam, Suryadi
--- Pada Sel, 14/6/11, sjamsir_sjarif <hamboc...@yahoo.com> menulis: Dari: sjamsir_sjarif <hamboc...@yahoo.com> Judul: Re: Bls: [R@ntau-Net] Pembantai Sapi di Indoneia kejam? Kepada: rantaunet@googlegroups.com Tanggal: Selasa, 14 Juni, 2011, 3:33 PM Angku Suryadi, Ambo indak panah mandabiah ayam. Kalau di Kampuang indak ado urang laki-laki di rumah urang mintak tolong ka kambo, ambo tulak. Ibo awak. Maso ketek, mungkin umua 4-5 tahun, ambo punyo mainan, pet, atau piaraan kambiang salamo saminggu di bulan Puaso Ramadhan. Ambo sanang bana jo kamoang tu. Sanang main-main, mambari makan, maniru-niru bunyinyo mambebek-bebek, saroman kami kadang-kadang kontest suaro sia nan santiang mambebek. Tapi, apo nan tajadi? Di hari terakhir, kambiang, kawan mainan ambo tu dibawo ka surau untuak didabiah marayokan Khatam Kaji. Ambo indak tahu ka dipangakan kambiang tu. Ambo cuma sato mairiiknyo ka surau. Di halaman surau lah banyak urang ka mancaliak urang mandabiah kambiang. Kambiang tu didabiah dihadokan mato ambo sandiri. Pakiaknyo mambebek sabana mambuek ambo kaya manangih marantak-rantak ka aurang banyak. Kambiang ambo gbadarah-darah mati didabeiah urang, ambo manangih baibo hati... Malamnyo, urang bakhatam kaji, makan gulai kambiang lamak-lamak. Ambo indak sato, masih sabak, aia mato masih mailia, mangana kajadian siang hari tu, macaliak kalmbiang dipotong lihianyo badarah-darah. Taruma ko manyababkan ambo indak namuah makan kambiang lamo bana dalam hiduik ambo. Hanyo relatif baru-baru ko dalam kedewasan sacaro logis namuah sajo makan gulai kambiang. Baitu juo lamo ambo indak namuah makan ayam... Wakatu urang bakorban di Biaro, ambo pulang partamu kalai dari Rantau, ambo dimintak hadir juo mancaliak urang mandabiah karano awak sato lo bakorban. Ambo hanyo tapaso maraso pai, tai indak namuah mancaliak aurang mandabiah kabau sarancak tu. Urang minta ambo untuak mamaciakkan kabau tu sabalun ddabiah. Ambo cuma maojok-ojok sajo mangaca pinggua kabua nan lah dirabahkan, malakokkan tangan saketek sambia mancaliak malengah jauah dari kabau nan ka di dabiah tu. sudah tuambo mainda, indakmancaliak-caliak lai. Taruma karajo urang mandabiah hewan ko dalam pangalaman pribadi dari ketek-ketek masih taraso mambakeh sampai gaek kini.... Itu barangkali, thread ko ambo muloi wakatu tacangang suahmambaco koran macaliak gambar jawi badabiah. Tasintak pangana lamo. Salam, --MakNgah -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
