----- Forwarded Message ----- From: muchwardi muchtar <muchwa...@yahoo.com> To: "rantaunet@googlegroups.com" <rantaunet@googlegroups.com> Sent: Saturday, September 24, 2011 4:37 PM Subject: Fw: [R@ntau-Net] Minangkabau..... Agama Minakhaba (?) KIRIMAN KE TIGA KALINYA : 25-09-2011 : 05.25 WIB. TERAKHIR....!!!! KIRIMAN KE DUA KALINYA : 24-09-2011 : 16.35 WIB. KIRIMAN PERTAMA KALINYA : 24-09-2011 : 09.29 wib. Sanak komunitas r@ntau-net nan saiman dan (mudah-2-an) sacito-cito. Satalah mancogoknyo panarangan dari Rang Dapua nan maatehnamokan pribadi (enak sekali ya, selaku penjaga “amanah” nan membawa bendera –umumnya-- lambagoMinangkabau menjawab keluhan seorang members-nya secara pribadi? He he….) samakin jalehlah kama kiblat dari Rang Dapua dalam mengelola web ko. Subhanallah. Memang tahun lalu kutiko ambo kareh mamabulalakan mato ka babarapo “pemikiran pesong” dalam maliek eksistensi akidah Islam, Dunsanakmbo nan di PKU manalepon ka HP ambo. Sacaro panjang lebar, Dunsanak nan saiman & sacito-cito ko manjalehkan bake ambo bahaso komunitas r@ntau-net ko tadiri ateh tigo golongan. Golongan partamo adolah nan pangajiannyo samo jo jalan pikiran Buya Rasul, Buya Gaffar, Buya HAMKA, Buya ZAS dan saderetan Buya di Minangkabau nan samakin abih. Golongan kaduo, adolah urang awak nan gadang di rantau tapi masih tahu & cinto bake ABS-SBK, tapi dalam agamo sabana bapokok pangka ka ajaran urang gaeknyo nan ampiang mandakeki pamikiran nan partamo. Sadang golongan ka tigo adolah (Si Padang nan bangih dakatokan urang kapia..!==èmm) tapi labiah barek ka paham kebebasan bapikia nan dijunjuang tinggi dek manusia (mangaku) madani jo slogan Hak Azasi Manusia (HAM). Golongan ka tigo ko, labiah sabaun jo paham hermeneutika dalam mambadah Al Quran. Dan, salalu kurang picayo kapado pandapaik-2 pandulunyo nan kalau inyo sandiri alun mambuktikan jo jalan pikirannyo. Langkoknyo, kalau nenek moyang mangatokan api tu angek, biasonyo wanyo mauji dulu jo tangannyo untuak mamacik api tu. Kalau alah anguih atau malatua talapak tangannyo dek api, baru wanyo picayo kato pandahulunyo. Ikolah kini, paham ---nan indak disadari masuak dan maruyak ka saluruah jaringan syarafnyo--- nan dipadewakan dek generasi panaruih awak. Ambo sandiri, babarapoi kali dapek panjalehan dari surang kawan lain dari PKU juo, nan mangatokan bahaso di r@ntau-net ko ado duo aliran (sumber isi utak) nan ciek bakiblat ka Al Azhar Cairo atau Universitas Madinah, dan ciek lai bakredo dari pamahaman “kaum orientalis” dari Universitas Chicago , bilo dipagunjiangkan dalam milis ko, sampai tabanamnyo Jam Gadang di Bukiktinggi masuak ka bumi, indak ka ado titiak basuonyo. Ambo sajo ---Si m.m ko--- nan karengkang masih juo mancibo manyigi atau maandehan pamikiran ‘Kebebasan Berpendapat’ nan dipaluak komunitas urang awak di milis ko. Pado hal ambo sandiri alah tahu, tahun 90-an sacaro sistemik paham JIL ko alah disuntikan bake calon-calon “ahli agamo” dari Ciputat nan kamudian dikambang biakkan ka saku-saku rayaik badarai nan baitu kuaik pahaman agamonyo (di Minangkabau dan di Jawa Barat). Jadi, kini, alah 20 tahun labiah paham nantun manjala ka isi kapalo generasi mudo (Minangkabau) nan kabatulan sikola di kampus-kampus nan tanamo, indak heran doh kalau alah banyak pulo pangikuiknyo. Paliang tidak, sapacokian jo jalan pikiran pambaruan dalam maliek agamo Islam. Nan labiah disayangkan, dan (bisa) labiah cilako lai, maanggap urang lain (nan kabatulan dulu minum aia susu bundo darinyo) karano wanyo alah maraso labiah pandai dan labiah bawenang untuak maitam putiahkan ciek wadah (misalnyo milis ko), indak baa bagai doh agak saketek kurang aja. Bukankah dalam paham HAM indak dikenal tatanan atau auran timur untuak mahoromaiki urang nan labiah tuo?? “Silakan, sambah taruih paham kabebasan bapandapaik dalam HAM nan indak sajalan jo paham ABS –SBK tu!!!!!!!!!” Nagari ka muko kan punyo kalian, karano anak mudo itu masih punyo masa depan. Sabaliaknyo urang-urang tuo tu hanyo punyo maso lalu. Sabagai tambahan “Who is He” buek Rang Dapua, ambo salamo >14 tahun aktif di Badan Dakwah Islam (BDI) ciek perusahaan plat merah. Alhamdulillah, dari mulai junior sampai senior di badan nantun. Lai tataok tageh dalam mamasang palang pintu bagi paham Ustadz Chicago masuak maracuni jalan pikiran kawan-kawan atau adiak kami ganarasi panaruih. Caro nan ambo tampuah adolah indak panah mambari angin sagalameang pun bake paham ko untuak mancogok sabagai khatib atau caramah agamo di musajik tampaik ambo makan gaji. Tapi kalau, di r@ntau net ko balain jalan pikirannyo dalam manyikapi pandangkalan akidah nan cibo diulok-ulokan “kaumnyo”, kabaa nyano awak? “Kapalo iyo samo-samo hitam tapi isi tangkurak kan balain-lain?” Taakhia, sabalun ambo manapi untuak sataruihnyo dari lapiak milis ko, bagi Dunsanak lain nan masih ado di Palanta ko (misalnyo Sutan Sinaro di PDG, Sanak TR di PKU, Tan Nan Batuduang Ameh di PKU, dll) tolong juolah intip-intip jalan pikiran urang samacam Emeraldy Chatratu maruyak dalam milis ko, Kalau ambo punyo kawewenangan untuk manjago gawang milis ko tantu pamikiran pesong dari urang samacan Alec Sunaryo atau Firson Maryutenli (dan hari ko Emeraldy Chatra) indak ka ambo padiakan bakambang biak di komunitas urang minang ko. Meski Rang Dapua (anak-anak mudo) baalasan demi kebebasan mangaluakan pandapaik, tapi nan ambo (pribadi) labih rancak managah sabalun bakambang biak jadi panyakik. Kalau alah masuak ka isi kapalo komunitas lainnyo, samakin banyak urang nan mangidap virus JIl malalui r@ntau-net ko. Kalau iko nan tajadi, picayolah…. Rang Dapua nan (bakredokan JIL) akan mampatangguang jawabkan nantik di padang mahsyar!!!!!!!!!!!!!!!! Maaf, maaf…..dan maaf. Mudah-mudahan Allah SWT dapek mampatamukan kito di tampaik lain dalam suasana dan kondisi nan tataok sakampuang dan saakidah sarato sacito-cito. Amin Ya Rabbal Alamin. Karano Si mm mancogok di r@ntau-net ko tempo hari sarupo jo jalangkuang : “datang indak dijapuik dan pulang indak dianta”, tantu pai hari ko pun indak paralu disasa-an bana. Salam…………………., mm*** LAMPIRAN : QS 66 (At Tahrim) ayat 6 : Hai orang-orang yang beriman, peliharalah dirimu dan keluargamu dari api neraka yang bahan bakarnya adalah manusia dan batu; penjaganya malaikat-malaikat yang kasar, keras, dan tidak mendurhakai Allah terhadap apa yang diperintahkan-Nya kepada mereka dan selalu mengerjakan apa yang diperintahkan. 2)FLAMMING. Flamming adalah mengirim email (posting) yang materinya bisa membuat penerima email tersinggung (membakar keadaan). Posting yang sering mengakibatkan terjadinya Flame, materi isinya kontra-produktif, berisikan kata-kata kasar, menyerang pribadi, sindiran, hujatan, pelecehan/meremehkan terhadap perorangan, suku, ras, gender dan agama (keyakinan). ________________________________ From: Nofend St. Mudo <nof...@rantaunet.org> To: rantaunet@googlegroups.com Sent: Friday, September 23, 2011 2:38 PM Subject: Re: [R@ntau-Net] Minangkabau..... Agama Minakhaba (?) Hehehe.... Tadi ambo lah manjawek via Japri ka mak MM*** ko tapi setelah ambo baco baliak, agak kareh bunyinyo sarupo nan pernah takirim dulu akhirnyo ambu buang baliak, dan ambo galak mani se atas pertranyaan mak MM*** ko Mak MM*** kalau mambuka link2 aktivitas/pertemuan rang RN dulu mungkin akan nampak urang2 nan mak MN tanyo salamoko di RN. mak MN ko biasonyo jago soal manggugling mancari di internet, biaso bisa panjang dapek refernsi dek baliau, tapi kok ndak balakukan di arsip group ko mak?? manaruik ambo sacaro pribadi, kalau ado opini semestinyo kito lawan jo opini, kalau pangka langan ambo hado i pulo jo pangka langan, apolai mamak nan katonyo bakeh wartawan senior, tantu mamak jago soal mambaleh tulisan2 sarupo iko?? Jadi mak, kok lai bulia ko a... rancak diam se kalau indak tajawek jo opini nan mencerdaskan bakeh kamanakan2 mamak di palanta ko, indak mancari2 urang secaro pribadi baiak fisik atau lain sebagainyo. takana istilah mak titik HB dulu, gaek itu memang pasti, tapi dewasa adolah pilihan. Sagitu je komen ambo saketek mak, iko bukan jawek dari rang dapua, tapi ambo secaro pribadi. wassalam Nofend/34+ CKRG. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
