Kang
Syam, lamun nu noel teras ngahipnotisna Dian Sastro nu dipuj-puja ku kang Syam
kumaha tah...hehehe kanténan wéh ditampi,...sanes kitu kang ???
:b
-Original Message-From: urangsunda@yahoogroups.com
[mailto:[EMAIL PROTECTED]On Behalf Of syam
ridwanSent: Friday, January 27, 2006 10:57 AMTo:
urangsunda@yahoogroups.comSubject: [Urang Sunda]
NOEL
Lamun urang keur dimana wae heug ujug
ujug aya nu noel,tur nu noel eta langsung barang penta kalayan tanpa
sadar sagala pamenta eta kuurang dihayonan, tandana urang geus keuna ku
hipnotis. Mangkana mun aya nu noel ti wangkid ayeuna kudu waspada
tur ati ati, ngan ulah ari kaleuleuwihi mah,sabab teu kabeh nu noel tur
dituntungan kubarang penta nek ngahipnotis, boa eta mah kondektur beus
anu nek menta ongkos. Enya mun inget kadinya matak maruringkak bulu tuur.
Sieun aya nu noel! Coba we mun urang keur ngeunah ngeunah ngamomoy es bon
bon heug ujug ujug aya nu noel, tanpa sadar es bon bon anu keur dimomoy teh
dibikeun tur langsung dihuapkeun ku nu noel. Sanggeus kitu, bari
namprakeun leungeunna, nu noel ngomong kieu "Lagih donk!" lantaran es bon
bon anu bieu dihuapkeun teh kagelong. Tuh nya pan sieun, sieun
lalagiheun. Tapi aya deui nu leuwih muringkak, cenah gara gara ditoel
"reuneuh", ah maenya? Tah eta mah jawabanana mung aya di buku keom
sakedap nu bade dongkap( mangga we antos sugan jadi eta ge).
Ceuk beja, kiwari ngahipnotis teh lain kucara
ditoel wae, tapi lewat telepon atawa sms ge bisa. Kade,lain nyingsieunan ieu
mah da enya, sakumaha anu kungsi ditayangkeun salahsahiji tipi sawasta
dina acara sentuhan qolbu, aya nu ngaku kungsi dihipnotis lewat telepon.
Sok pirajeunan nempo acara eta, lantaran pedaran alus, loba pulunganeunana,
implik implikna mah nya kaasup sunat kalampah tea meureun, itung itung
cucipanon we isuk isuk, lantaran presenterna matak pogot nu nempo, aya
cheche kirani jeung natalie sarah, kaayeunakeun diselang seling ku dewi
hughes. Balik deui kanu tadi, anu jadi korban teh wanoja (16 taunan). Hiji
mangsa meunang telepon, terus panggih, anehna daek wae tur nurut wae sanajan
dikukumahakeun ge, nepikeun kasagala dipasrahkeun, enya ari ngan ukur es bon
bon mah moal matak cilaka. Tapi da ieu mah "mustika" nu ngan ukur
hiji hijina teh dikukud teu disesakeun pisan, saleuheung mun boga dua,
tapi saha jalmana boga nu kitu nepikeun kadua. Bari ngurut dada,
hate ngadadak ngilu keuheul " sikasebelan asa kabina bina teuing, boga elmu
teh dipake teu uyahan!"
Kiwari, hipnotis teh geus jadi tongtonan
balarea,da aya acarana ditipi dijadikeun hiburan. Rada reuwas puguh, sabab
sakapeung sok pirajeunan nongton oge, cenah najan kaasup hiburan ge, ceuk
ustad nu ngaguar masalah eta, hukumna tetep haram, nu nyieunna komo, nu
nongtonna oge. Meureun kawas Oma Irama
nyaritakeun bujur inul, nu ngageolna komo haram, nu nempona ge kabawakeun.
Sakapeung mah sok mikir, naha hipnotis kiwari dijadikeun hiburan,
padahal kunu jahat mah boa dipake ide atawa asa diingetan pikeun ngajalankeun
kajahatan kujalan ngahipnotis. Sajeroning mikir kitu, disisi jalan
kareret dina tatangkalan aya plang ku triplek, sugan teh iklan naon da biasana
mah mun teu sedot wc,babby sitter atawa guru ke rumah, tapi geuning
iklanna matak ngagebeg, les Hipnotis, kumplit jeung nomer teleponna. Beu atuh
beuki hariwang we, lamun hipnotis eta aya kursusna, leuheung mun geus mahir
ngan ukur dipake hiburan saperti nu aya ditipi, kumaha mun dipake ngajalankeun
kajahatan.
Dina guaran eta, aya tips pikeun nangkal supaya
teu keuna pangaruh hipnotis, mun nek narima telepon atawa nek muka
sms biasakeun maca heula asma Alloh meunang tilu balikan mah. Kumaha
mun poho? nya bejakeun we kanu telepon atawa ka nu nga-sms-na wayahna titah
nelepon atawa nga-sms sakali deui. Kumaha mun mun ujug ujug aya nu noel ? tah
eta mah sidikeun heula jalmana, boa nu noel teh urut popotongan, mun
sakirana teu wawuh bales toel deui, dina enyana ge nek ngahipnotis, sugan we
ari ditoel deui mah pangaruh sihirna balik deui. Kumaha mun noel deui ? nya
bales deui bae. Atuh jadi patoel toel? Keun wae pan mimitina otel, sugan we
jadi pacantel. Enya saleuheung mun nu noelna lalaki gandang atawa wanoja
demplon, kumaha mun aki-aki atawa nini nini. Rajeun otel jeung nini nini atawa
aki aki. Beu!
SR ( nurutan kang MGT, ngan teu
bisa, ngolo deui elmuna ah ka kang MGT)
This message (including any attachments) is only for the use of the person(s) for whom it is intended. It may contain Mattel confidential, proprietary and/or trade secret information. If you are not the intended recipient, you should not copy, distribute or use this information for any purpose, and you should delete this message and inform the sender immediately.
Komunitas Urang Sunda --> http://www.Urang-Sunda.or.
