|
Di dieu ayeuna sim kuring bade ngabahas Al Qur-an
surat An Nisaa , ayat 3 . Ka palawargi USNet nu sami Mulya , upami bae aya ka
teu cocokan sareng pangemut salira , mangga tiasa ngabantah atanapi kritik ka na
ieu seratan . Tangtosna oge sanes sagawayah teu cocog , tangtos nganggo
argumentasi anu kiat . Mangga urang sami sami ngaguar ieu ayat suci Al Qur-an ,
surah An Nisaa ayat 3 .
Ayat aslina : Wa in Khiftum allaa tuqsithuu
filyataamaa
fankihuu maathaaba lakum minan nisaa-i matsna
tsulatsa wa rubbaa'a fain khiftum allaa ta'diluu fawahidatan .
aumaa malakat aimaa nukum
dzaalika adnaa allaa ta'uuluu
Tarjamah bebas , tiasa dihartoskeun kieu : wa =
demi atanapi jeung
demi lamun maneh sieun teu bisa ngalakukeun adil ka
awewe nu geus baligh diantara nu yaratim , lamun maneh ngawin ka maranehanana ;
maneh teu kudu wajib ngawin budak awewe yatim eta ; maneh bisa milih kawin ka
anu dipideudeuh ku maneh , dua , tilu atawa opat . Tapi lamun
maraneh sieun teu mampu adil , nya kawin ka saurang
wae . Nu kitu teh ngajauhkeun tina ngalakukeun kazoliman .
Guaran : Lamun aya budak awewe yatim baligh ;
pamginten didieu ku margi bapana maot syahid lantaran ngabela Islam jaman
harita ; diwajibkeun ka lalaki lalaki ngawin
eta budak yatim , samemeh ngawin ka nu sejenna . ( randa kalebet panginten nya ?
)
Tapi lamun sieun teu adil ( ku margi panginten teu
micinta sste ) , maneh maning oge kawin ka wanoja anu dipicinta ku maneh . dua ,
tilu , opat .
Tah dugi ka dieu aya nu disyaratkeun , nya eta rasa
deudeuh . Teras meunang rek 2 ,3 atawa 4 .
Saur kaseueuran Ulama , ditafsirkeun ieu teh wates
tiasa hiji pameget nikah , nya eta opat tea . Tapi aya deui nu nafsirkeun ,
kalebet sim kuring sorangan ; nya eta eta teh hartosna rek dua tilu atawa opat
ku ma maneh we ari kuat mah , hartos salajengna , langkung ti opat oge teu naon
naon ; da teu ay hiji oge nu nyebatkeun ngawatesan ka na eta kalimah . Hartosna
langkung ti hiji , sabaraha wae Wenang . Ngan syaratna tos jelas pisan , kedah
ADIL ! Tah ieu nu sesah mah . Upami teu adil bebendonna Dunya Akherat ; mangka
seueur pisan hiji jalmi sugih , ngadak2 kawin kadua kalina ; satutasna usahana
mundur dugi ka bangkrutna pisan . Teu acan engke di akheratna .
Teras ayat salajengna maning ge HIJI wae
.
Ieu teh panggeuing ( anjuran ) ti Allah langsung ,
jadi hartosna Allah Nyalira langkung seneng ningali pameget nikah ka hiji istri
wae . Kumaha atuh ari kitu hukumna Ngawayuh teh ?
Rupina mah Makruh , lantaran sesah tea . Langkung
sae dikantunkeun ti batan dilaksanakeun !
Kitu rupina para wargi sadayana , seratan ti sim
kuring .
Billahi Taufiq wal Hidayah Wassalaamu'alaikum
warahmaatullahi wabarakaatuh .
Abbas Amien
Komunitas UrangSunda --> http://www.UrangSunda.or.id Yahoo! Groups Links
|
