Assalamualaikum
Kumaha daramang Ki Sunda sadayana
hatur nuhun upami damang mah eta anu dipiharep kuurang sadaya,
oge salam keur sakabeh dulur urang anu kamusibatan hususna di Aceh umumna disakuliah dunya (ilok ngartieun basa sunda nya?) sok sanajan lain urang sunda tapi da masih keneh dulur ari di runut nepi ka Adam alaihissalam mah. kuring jeung tangtuna kisunda sakabeh ngarasa prihatin kuningali kanyataan model kieu teh, mudah-mudahan weh dulur-dulur urang anu keur kamusibatan dibere kasabaran dina ngayonan kasusahna eta. amin!
Ki Sunda sakabeh !
kuring ngarasa bagja bisa patepung lawung paamprok jonghok eujeung papada urang sunda ngaliwatan internet, puguh ge ieu teh kuring ngabogaan mangrupa-rupa karudet anu nyangkaruk dina pikiran kuring ngeunaan kumaha kahareupna nasib Sunda, Tatar Sunda, Urang Sunda, Budaya Sunda, Basa Sunda jeung Sunda-Sunda sejenna deui, meureun Ki Sunda boga bongbolongan atawa tambana keur kuring?
anu jadi pasualan utama keur kuring teh ngeunaan basa Sunda,
basa keur budak mah kuring nganggap basa Sunda anu bener teh tur asli nyaeta basa urang Bandung, Tasik atawa Cianjur anu kawentar basana lemes tur ngagunakeun undak usuk basa tapi saenggeus kuring rada gede tur rada mineng maca ngeunaan sajarah kasundaan geuningan basa-basa anu bieu disebut diluhur teh leuwih loba ninggalkeun adat kabiasaan cumarita urang sunda da sabab samodel basa lemes teh cenah pangaruh tina basa jawa kromo, lamun kitu kaayaannana kunaon urang Sunda teu ninggalkeun basa lemes wae, geus we cumarita make basa loma da rarasaan mah leuwih ngeunah ngomong make basa loma tibatan basa lemes (sunda kromo meureun).
Saenggeus kukuring ditalungtik saeutik geuning bener basa Sunda lemes teh leuwih loba ngagunakeun basa anu asalna ti basa Jawa Kromo
Saperti : basa Jawa basa Sunda
bade kuduna arek
wangsul kuduna balik
wilujeng kuduna salamet (kuring ge teu apal naon ari basa
asli Sundana salamet)
enjing kuduna isuk
sonten kuduna sore atawa burit
siang kuduna beurang
wengi kuduna peuting
bojo kuduna pamajikan
garwa kuduna pamajikan
rencang kuduna batur
sanes kuduna lain
ngantos kuduna nungguan, ngadagoan
sing atos-atos kuduna kudu ati - ati
cobi kuduna coba
kedah kuduna kudu weh atuh
lami kuduna lila
sesah kuduna hese
girimis kuduna miripis
langkung kuduna leuwih
cacah kuduna somah (meureun)
sae kuduna alus
apik kuduna hade
kersa kuduna daek
abot kuduna beurat
alit kuduna leutik
ageng/ageung kuduna gede/badag
sakedik kuduna saeutik
kantun kuduna ninggal
sanaos kuduna sanajan
isin/lingsem kuduna era
wani/wantun kuduna ludeung
alas kuduna leuweung jrrd
malah sakapeung mah kuring ngarasa era lamun ningali kabudayaan Sunda geuning anu salila ieu dianggap budaya Sunda teh singhoreng lain, saperti mun dina wayang golek sok aya pambukaannana biasana teu make basa Sunda tapi make basa jawa kromo inggil (pedhalangan), lamun aya anu kawinan biasana sok meupeuskeun endog ieu ge asalna ti Solo, tuluy deui cacarakan ieu anu pieraeun pisan mah, terus bendo, kalender, keris, kakawihan dina Cianjuran osok make basa Jawa (naha hese ngawih make basa Sunda), saperti guru lagu salendro, kinanti, sinom, dangdanggula ieu sakabeh kiriman ti beh wetan jadi naon atuh anu nyesa ti Sunda teh lamun kitu mah.
Ceuk pamanggih kuring mah anu disebut kabudayaan, basa jeung etika Sunda teh keur jaman kiwari mah geus bisa disebut leungit, naon da cumarita, ngawayang, kawin, papakean ngawih sakabehna geus Jawa abis bis bisss!!! jadi naon atuh anu nyesa ti Sunda? naon atuh anu diagung-agungkeun ku urang Sunda teh? mana atuh budayana jeung basana? jadi anu salila ieu kuurang mumule teh geuning bogana deungeun hiks..hiks..hiks....
Sunda geus burakrakan ti beh kulon jeung ti beh wetanna. tulung dulur salembur baraya sakota pang nuduhkeun kuring mana sih anu di sebut Sunda teh kuring hayang nyaho jeung wanoh ka manehannana.
Ngan meureun kudu ngagali deui budaya Sunda mah moal mungkin bisa deui da puguh ge geus leungit ngan kuring mah umajak ka sakumna urang Sunda hayu urang tinggalkeun basa lemes (basa lemes teh basa peodal jeung teu saluyu eujeung adat sunda anu egaliter tur teu saluyu jeung basa Sunda karuhun) ayeuna urang pake basa Sunda loma wae, basa loma teh basa Sunda anu dipake ku urang Sunda Baduy, Banten kidul, Jampang, Bogor, Karawang, Subang, Kuningan jeung pilemburan anu nyingkur jauh ka kota Bandung, Tasik, Garut, jeung Cianjur. ka para ahli basa Sunda cing pang nyusunkeun deui tata basa jeung kosakecap basa Sunda bila perlu entong make basa Sunda dialek priangan make weh basa Sunda Bogor (sabab Bogor leuwih boga hak disebut pusatna Sunda tibatan Bandung, Tasik atawa Cianjur) atawa Banten kidul.
Tah ngan kitu pangajak ti kuring mah hampura lamun aya kekecapan anu kaliru utamana kaurang priangan lain kuring ijid atawa ngewa ka urang priangan tapi ngarasa kuring teh urang sunda anu prihatin ningali budayana jeung basana burakrakan kulantaran katalobehan urang Sundana keneh.
Wassalam
kuring urang pantura Subang
Salman Ali Shalahuddin
Do you Yahoo!?
The all-new My Yahoo! – Get yours free!
Komunitas Urang Sunda --> http://www.Urang-Sunda.or.id
Yahoo! Groups Links
- To visit your group on the web, go to:
http://groups.yahoo.com/group/urangsunda/
- To unsubscribe from this group, send an email to:
[EMAIL PROTECTED]
- Your use of Yahoo! Groups is subject to the Yahoo! Terms of Service.
