imah sunda nu rek diwadulkeun saperti biasa, nu tradisional tea. ari tradisi teh cara nu terus-terusan dipigawe atawa dijieun, jadi baraya pisan jeung kabiasaan. geus tradisi, hartina geus jadi kabiasaan. mun adat tea mah eta nu kakurung ku iga tea. heuheu
hiji perkara nu kapanggih basa ngulampreng ka situs2 kolot baheula di kawali, karangkamulyan. nyeta teu aya runggunukna urut imah atawa karaton. terus noong ka kampung naga, manggih kasimpulan saliwat, yen boa2 baheula oge, karaton teh dijieun ngan cukup ku kai jeung awi oge batu. batu ge lain pikeun dingding, tapi tatapakan. nu kapanggih deui ti dinya teh eta, soal budaya nu nyiptakeun imah model kitu. lain soal ayana material di sabudeureunana, tapi oge pastina lumpat kana soal budaya nilai atau norma. meureun harita, kaayaan di tatar sunda teh aman tengtrem, dina ayana musuh oge ngan ukur nu disadikeun alam sarupaning hujan, angin, jeung sato. jadi imah teh cukup dijieun ku kai, bilik, jeung sajabana. hartina masyarakat harita geus boga ajen surajen nu luhur. mun seug harita lingkunganana kaitung barbar, meureun imah teh dijarieun tina batu nepi ka hateupna. sangkan bisa salamet tina serbuan deungeun nu barbar tea. imah atawa karaton jadi tempat nyalindung ti musuh. siga dina film2 karajaan eropa, nu karatonna tina batu, dipageur sakurilingna (kota teh dibenteng) jeung istana make parit sabudeureunana. prabu niskala wastukancana di kawali oge sri baduga maharaja di bogor dina prasastina disebut nyarieun parit oge, tapi pikeun nyaian tataneh, kebon, teu pikeun pertahanan asa na mah. Darul Islam (DI) beh dieu sok disebut duruk imah, sabab mun kapepet sok ngaduruk imah rahayat nu teu mantuan mere beas. hartina mun ti baheula karuhun urang boga adat barbar, meureun imah teh moal dijieun dina bilik jeung injuk. palebah dieu oge bisa katoong pakarang kujang atawa keris nu teu panjang siga pedang. mun sering perang, meureun karajaan teh nyiptakeun pakarang nu leuwih canggih. kitu manawi. mj http://geocities.com/mangjamal Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
