Halaaaahh..ieung....naha janten nyosok jero ieu teh...?? (dasar wartawan ...heuheuheu...) Perkawis kecap "Cikundul" mah, aya dua maksad, kahiji nami tempat anu ayeuna janten kota Cianjur, anu kadua nami wahangan diwewengkon Cianjur ayeuna. Mung upami anu dimaksad "Dalem Cikundul" (punten teu nganggo "Aria"), ieu mah inohong anu ngabukbak leuweung geledegan ditutugan gunung Gede, anu akhirna janten hiji padumukan ketelah Cikundul, anu kapayuna janten Cianjur. Gelar "Dalem Cikundul" nya kitu deui "Aria Wiratanu" (teu nganggo "datar" anu nganggo sesebatan Aria Wiratanudatar mah ti ngawitan Aria Wiratanu anu ka IV), nembe disebat Dalem Cikundul/Aria Wiratanu mah saparantos sakitu puluh taun anjeuna tilar dunya. Waktos jumeneng mah namina raden Jayasasana, kenging gelar Raja Gagang oge disebat Raja Gunung. Rundayan kahandapna mah ngarundayeun bupati-bupati Cianjur sareng Garut (numutkeun sajarah). Upami silsilah kaluhur mah, ramana : Dalem Aria Wangsagoparana (eyang Nangkabeurit, pedah dikurebkeun di kampung Nangkabeurit, Sagalagerang, Subang), terasna Sunan Ciburang, teras Sunan Wanaperi, teras Sunan Parunggangsa, teras Prabu Pucuk Umum teras Prabu Mundingsari Leutik sareng saterasna. Perkawis sajarah singkatna parantos diserat ku saderek Gunawan Yusuf, tiasa ditoong dina web site urang-sunda.or.id. dina file "Sajarah Tempat", sajarah lengkepna parantos aya bukuna di Ua Sas, judul bukuna Sajarah Cianjur sareng Raden Aria Tanu Dalem Cikundul Cianjur, kenging nyusun Drs. Bayu Surianingrat, dikaluarkeun ku Rukun Warga Cianjur di Jakarta. Dicitak taun 1982, malih mah anu nyusunna linggih di Sukajadi, Bandung. Sakitu anu tiasa dihaturkeun. Pihatur, ssw mamangantra2000 [EMAIL PROTECTED] Nuhun pisan, Apih. Ieu mah teu aya pakaitna sareng agul atanapi teu agul. Da urang mah teu milih karuhun. Bongan Gusti. Hehehe... Oge, perkawis payung: Sakaterang, eta mah "prerogatif"na urang Tasik. Hehehe... (Punten rada heureuy, Apih). Nanging, sateuacan naros nu sanesna. Sakaterang Apih, saha sareng kumaha "Cikundul" teh? Upami abdi teu lepat, nu dimaksad "Cikundul" ku apih teh Dalem Aria Cikundul, salah sawios Bupati Cianjur? Kumaha sajarah sareng lalakonna, aya saena Apih medar dina danget ieu. Panuhun sim kuring, Pun Maman
. http://cikundul3.multiply.com Tong nyaliksik naon nu bisa dicokot ti kiSunda Tapi talungtik naon nu bisa dibikeun ka kiSunda