Minggu kamari abdi ngobrol sareng salah sawios Ahli tatanen, Doktor pertanian. Anjeuna nyabit-nyabit ihwal tatanen kacang kedele nu di urang, leres mung 2 ton (1,8 ton) perhektarna. Abdi naros naha tiasa kitu, bari akhir sabaraha patarosan dipungkas ku kecapa "pan"! .....pan seueur nu kersa jadi nu ka tilu?(sapertos corpon Ibu Holisoh ME) Saur Anjeuna, salah sahiji kabanggaan=susahna melak kacang kedele mah bibitna ngan tahan 3 bulan. Jadi nu katangkep ku pikiran abdi nu lain ahli pertanian, mun geus dipanen mun hayang melak deui kudu gancang keur ngungkulan bates waktu 3 bulan eta, bisi kadaluwarsa. Loba cara keur nyingkahan waktu kadaluwasa binih, salah sahijina nya meureum kudu nyieun tempat nu cocok boh dina hal suhuna jeung kalembabanana pon kitu ngeunaan "parameter-parameter" sanesna nu kudu dijaga dina binih. Rupina parantos seueur ari studi banding atawa hasil panalungtikan mah komo di batur bisa ngahasilkeun jauh tibatan di urang mah. Perkawis usum atawa musim, sanes parantos seueur di urang anu niron kaayaan 4 usum di batur? Atawa mung sabates panalungtikan nu legana sakotak-dua kotak alias sacangkewok? Bisa oge meureum perlu biaya gede keur ngawangun leuit binih ieu, can kapanggih ahlina jeung nu beunghar kalawan kareyeng diurang ....atawa tetep perelu lulugu pamarentah?.....ah loba pisan alesan mah! Enya meureun....leuwih untung meuli ti batur! Barina oge leuwih gancang jadi tahu-tempena, kantun lantrak-lintrik ka Sumedang jeung Bandung, moal burung mendeyang patuangan. Teu perlu mikir 7 kuriling kumaha melak si kacang ieu bisa hade jeung ngaronjatkeun hirup patani! Salah sorongan jadi tukang tatanen! hag siah! porenges anak tukang tani MRachmat Rawyani <[EMAIL PROTECTED]> wrote: Perkara tatenen kadele ieu teh ti baheula geus jadi hiji agenda pamarentah. Menteri Ristek sorangan (Kusmayanto Kadiman, manten Rektor ITB) kungsi ngadongeng perkara ieu.Sabab cenah, aya kadaharan urang Indonesia anu bahan pokona tina kacang ieu. Tatanen kadele ieu di urang ngan bisa ngahasilkeun saeutik (ngan 2 ton/hektar). Beda jeung upama melak kadele di nagri 4 musim, bisa nepi ka 8 ton/hektar. Jadi ditarekahan kumaha oge, tetep wae heunteu maksimal. Jadi lamun diitung-itung "tai lutung", leuwih untung upama ngimpor. Tapi jigana ku ayana harga minyak bumi 100 dolar/barel, mangaruhan kana harga kacang kadele impor. Harga kadele anu salila ieu disubsidi, jigana pamarentah geus "teu tahan", mantuan.
Tah, kusabab salila ieu jijieunan kadaharan (tahu, tempe, kecap, jrrd) ngagantungkeun kana kadele impor,dina mangsa kieu kakara karasa kadaharan rakyat anu kitu teh geuning mahal, jeung kudu dibayar mahal, sabab mikirna pondok pisan, sangkan kadaharan rakyat eta tetep aya bari hargana harga rahayat. --------------------------------- Never miss a thing. Make Yahoo your homepage.