Salam miwah hormat, Alhamdulillah, kadeudeuh, kaheman, sareng kanyaah wargi-wargi Kusnet patantos katampi ku kulawargi Mang Yaya. Cenah, eta kagegelan teh bade ditabungkeun. Malah aya nu sumping ti ti Jepang, nu kantos guguru ka Mang Yaya. Cenah, mendak wartos teh ti <urangsunda@yahoogroups.com>. Anjeunna nyumbang. Ayeuna dijumlah-jamleh janten 3.500.000. Bade ditabungkeun, saurna, kanggo operasi saluran air kencing tea di Rumah sakit Hasan Sadikin, Bandung. Waragadna teh kirang langkung 10 juta. Ku ayana sumbangan ti wargi Kusnet, parantos ngaringkeun biaya kanggo oprasi. Kulawargi Mang Yaya ngahaturkeun nuhun ka Kusnet, utamina nu tos nyumbang. Mugia dina sasih Shaum ieu, kasaean para wargi sing dibales ku Allah SWT, sing digentosan deui langkung ti kitu, sareng sing aya mangpaatna ku kulawargi Mang Yaya. Kitu deui ka Uwa MSas, sareng Mang Jamal, pirang-pirang nganuhunkeunna. Dina kaayan panas kacida, macet, pabeulit ku motor, ieu Kuncen Kusnet teh iklas tur rido rurumpaheun ka Rancakalong, ka lembur sim kuring sareng ka lemburna Yus R. Ismail. Abdi teu tiasa ngajamu Uwa Msas sareng Mang Jamal, malum nuju sasih siam. Ke wae mun rineh, insya Allah urang ngariung di rumah adat, urang nabeuh tarawangsa. Manawi sadayana aya hibar pangesto. Amin. Sakali deui. Abdi minangka generasi turunan tradisi tarawangsa, ngahaturkeun rebu nuhun lanksa kabingahan ku kasaean para wargi di kusnet. Baktos Pun Usman Supendi